Sunnudagskólinn, barnastarf kirkjunnar, hefst í flestum kirkjum landsins um helgina. Í tilefni af því verður opnaður nýr vefur fyrir börn og foreldra þar sem hægt er að fylgjast með barnastarfi kirkjunnar, læra söngva, sækja sér fræðslu og skemmtiefni.

Að sögn Elínar Elísabetar Jóhannsdóttur, verkefnisstjóra á Biskupsstofu, er þetta liður í því að styðja foreldra og uppalendur í trúaruppeldi barna sinna. Á vefnum eru einnig upplýsingar um það hvar og hvenær barnastarfið fer fram. Vefslóðin er www.barnatru.is.

Vefurinn verður formlega opnaður í sunnudagaskóla Digraneskirkju, sunnudaginn 6. september kl. 11.00.