Kjörstjórn við kirkjuþingskjör 2010 boðar hér með til kjördæmisfunda í kjördæmum kirkjuþings, sbr. 5. gr. starfsreglna um kjör til kirkjuþings nr. 234/2006.
Kjördæmisfundum er ætlað að ganga frá tilnefningum á leikmönnum til kjörs til kirkjuþings og eru þeir einir í kjöri sem tilnefndir eru á kjördæmisfundi.
Kjördæmisfundir í kjördæmum kirkjuþings, verða haldnir á þeim stöðum og tímum sem greinir í þessari auglýsingu.
Fundinn sækja formaður, eða einn fulltrúi úr sóknarnefnd hverrar sóknar í kjördæminu. Þá er leikmönnum sem njóta kosningarréttar í kjördæminu heimilt að sitja fundinn sem áheyrnarfulltrúar. Enn fremur eiga þeir sem tilnefndir hafa verið af sóknarnefndum til kjörs kost á að mæta á fundinn til að kynna sig.
Dagskrá hvers fundar er sem hér segir:
- Formaður sóknarnefndar eða fulltrúi úr sóknarnefnd þeirrar sóknar kjördæmisins, þar sem flestir þjóðkirkjumenn eru, setur fundinn og fram fer kosning fundarstjóra og ritara.
- Fundarstjóri kallar eftir og kynnir tilnefningar sóknarnefnda kjördæmisins á kjörgengum leikmönnum til kjörs.
- Fram fer kynning á þeim sem sóknarnefndir hafa tilnefnt til kjörs.
- Fundurinn tilnefnir kjörgenga leikmenn, hafi ekki nægilega margar tilnefningar borist frá sóknarnefndum í kjördæminu.
- Leynileg kosning, ef fleiri eru tilnefndir en tilnefna skal í kjördæminu. Hver sóknarnefnd hefur eitt atkvæði.
- Fundarslit.
Vakin er athygli á því að sóknarnefndir geta tilnefnt kjörgenga leikmenn til kjörs fram að kjördæmisfundi og skilar formaður eða fulltrúi sóknarnefndar tilnefningunni á kjördæmisfundinum.
Fundarstaðir og fundartímar
1. kjördæmi, Reykjavíkurprófastsdæmi vestra.
Fundartími: Miðvikudagur 10. mars kl. 17:00.
Fundarstaður: Safnaðarheimili Neskirkju við Hagatorg
Formaður sóknarnefndar Nessóknar Ingibjörg R. Guðmundsdóttir setur fundinn og lætur kjósa fundarstjóra og ritara.
Tilnefna ber 12 kjörgenga leikmenn.
2. kjördæmi, Reykjavíkurprófastsdæmi eystra.
Fundartími: Fimmtudagur 11. mars kl. 17:30.
Fundarstaður: Safnaðarheimil Kársnessóknar.
Fulltrúi Grafarvogssóknar, Jón G. Hauksson, setur fundinn og lætur kjósa fundarstjóra og ritara.
Tilnefna ber 12 kjörgenga leikmenn.
3. kjördæmi, Kjalarnessprófastsdæmi.
Fundartími: Fimmtudagur 11. mars kl. 17:00.
Fundarstaður: Safnaðarheimili Hafnafjarðarkirkju.
Varaformaður sóknarnefndar Hafnarfjarðarsóknar, Jónína Steingrímsdóttir setur fundinn og lætur kjósa fundarstjóra og ritara.
Tilnefna ber 12 kjörgenga leikmenn.
4. kjördæmi, Borgarfjarðar,- Snæfellsness- og Dalaprófastsdæmi.
Fundartími: Fimmtudagur 11. mars kl. 20:00.
Fundarstaður: Safnaðarheimili Borgarnesskirkju, Borgarnesi.
Formaður sóknarnefndar Akranessóknar, Þjóðbjörn Hannesson setur fundinn og lætur kjósa fundarstjóra og ritara.
Tilnefna ber sex kjörgenga leikmenn.
5. kjördæmi, Vestfjarðaprófastsdæmi.
Fundartími: Þriðjudagur 9. mars kl 20:00.
Fundarstaður: Fræðslumiðstöð Vestfjarða.
Formaður sóknarnefndar Ísafjarðarsóknar, Helga Friðriksdóttir setur fundinn og lætur kjósa fundarstjóra og ritara.
Tilnefna ber sex kjörgenga leikmenn.
6. kjördæmi, Húnavatns- og Skagafjarðarprófastsdæmi.
Fundartími: Mánudagur 8. mars kl. 17:00.
Fundarstaður: Safnaðarheimili Sauðárkrókskirkju.
Formaður Sauðárkrókssóknar, Brynjar Pálsson, setur fundinn og lætur kjósa fundarstjóra og ritara.
Tilnefna ber sex kjörgenga leikmenn.
7. kjördæmi, Eyjafjarðar- og Þingeyjarprófastsdæmi.
Fundartími: Laugardagur 13. mars n.k. kl 10:00.
Fundarstaður: Safnaðarheimili Akureyrarkirkju, Akureyri.
Formaður Akureyrarsóknar Rafn Sveinsson setur fundinn og lætur kjósa fundarstjóra og ritara.
Tilnefna ber átta kjörgenga leikmenn.
8. kjördæmi, Múla- og Austfjarðaprófastsdæmi.
Fundartími: Föstudagur 12. mars n.k. kl 20.
Fundarstaður: Safnaðarheimili Reyðarfjarðarkirkju
Formaður Egilsstaðasóknar, Hjálmar Jóelsson, setur fundinn og lætur kjósa fundarstjóra og ritara.
Tilnefna ber sex kjörgenga leikmenn.
9. kjördæmi, Suðurprófastsdæmi.
Fundartími: Laugardagur 13. mars kl. 14.30 (eða að loknum héraðsfundi).
Fundarstaður: Árhús, Hellu.
Formaður Selfossóknar, Eysteinn Jónasson setur fundinn og lætur kjósa fundarstjóra og ritara.
Tilnefna ber átta kjörgenga leikmenn.
