Samráðshópur áfallahjálpar sem í eiga sæti fulltrúar Þjóðkirkjunnar, Rauða kross Íslands, landslæknisembættisins, Almannavarna og Landspítalans hélt fræðslufund í safnaðarheimilinu á Hellu vegna áhrifa gossins í Eyjafjallajökli á fólk á svæðinu.  Þorvaldur Karl Helgason biskupsritari er fulltrúi Þjóðkirkjunnar í  hópnum.

Til fundarins mættu prestar, starfsfólk heilbrigðisstétta á svæðinu, læknar og hjúkrunarfólk, og fulltrúar RKÍ.

Samráðshópurinn tók einnig þátt í almennum fundi með íbúum sem haldinn var í Heimalandi.

Annir eru hjá prestum á svæðinu sem einnig þurfa sumir að glíma við áhrif öskufallsins á tún sín og skepnur.  Samkvæmt skipulagi hópslysanefndar Þjóðkirkjunnar er prófasturinn, sr.  Halldóra Þorvarðardóttir, tengiliður kirkjunnar á svæðinu og skipuleggur aðstoð við þjónustu prestanna eftir þörfum.