Skálholt er vinsæll viðkomustaður ferðamanna á Íslandi. „Hingað koma á ári um það bil 260 þúsund gestir,“ segir Kristinn Ólason í viðtali við vefsjónvarp kirkjunnar. Staðurinn er einn af þeim helstu sem Íslendingar sækja til að kynna sér sögu og menningu þjóðarinnar. 

Nýtt þjónustuhús verður tekið í notkun um mánaðarmótin maí-júní þar sem gefin verður innsýn í sögu staðarins. Þar verður hægt að skoða gripi í eigu staðarins og fræðast um Skálholt. 

Það er líka fjölbreytt dagskrá framundan í Skálholti. Ráðstefnur, söngnámskeið, Biblíufræðsla og sitthvað fleira. Í maí mun Elisabeth Schüssler Fiorenza frá Harvardháskóla halda námskeið í Skálholti. Hún er þekktur guðfræðingur og forvígismaður.