Þú finnur kirkjuna einnig á   fr yt Tw fb

Þjóðkirkjan

biðjandi boðandi þjónandi

Boðað til auka kirkjuþings 4. febrúar

Frá Kirkjuþingi 2010.   Mynd: Árni Svanur Daníelsson

Frá Kirkjuþingi 2010. Mynd: Árni Svanur Daníelsson

Pétur Kr. Hafstein, forseti kirkjuþings, hefur sent kirkjuþingsfulltrúum bréf þar sem boðað er til auka kirkjuþings þann 4. febrúar næstkomandi. Ástæðan er beiðni kjörstjórnar fyrir biskupskjör um breytingar á starfsreglum þar sem kjörstjórnin telur ákveðin tormerki á að kosningar verði rafrænar eins og starfsreglur kveða á um.

Í bréfi þingforseta segir að kjörstjórn hafi sett fram:

…rökstuddar efasemdir um að fyllilega sé unnt að tryggja óbrigðula framkvæmd rafrænna kosninga samkvæmt starfsreglum nr. 1108/2011 um kosningu biskups Íslands og vígslubiskupa. Kjörstjórn beinir því til mín sem forseta kirkjuþings að kanna hvort unnt sé að breyta gildandi reglum um rafræna atkvæðagreiðslu.[...] Fyrir aukakirkjuþingið mun verða lögð tillaga að starfsreglum um breytingu á starfsreglum nr. 1108/2011, sem felur í sér að horfið verði frá rafrænni kosningu við komandi biskupskjör og tekin upp fyrri aðferð um póstkosningu. Þá verður jafnframt lögð fyrir aukakirkjuþing tillaga um að þingið kjósi fimm manna nefnd til að taka til endurskoðunar starfsreglur um kosningu biskups Íslands og vígslubiskupa og starfsreglur um kjör til kirkjuþings. Ég tel rétt að sú nefnd skili tillögum sínum til kirkjuþings 2012, sem kvatt verður saman laugardaginn 10. nóvember næstkomandi.

Deila fréttinni


Nýjar fréttir