Þú finnur kirkjuna einnig á   fr yt Tw fb

Þjóðkirkjan

biðjandi boðandi þjónandi

Kyndilmessa er í dag

Kveikt á kerti.

Kveikt á kerti.

Kyndilmessa, 2.febrúar, er ein af elstu hátíðum kristninnar. Þá er þess minnst er María Jósef komu með Jesúbarnið til musterisins í Jerúsalem 40 dögum eftir fæðinguna. Þá voru hreinsunardagar Maríu á enda samkvæmt lögmálinu. Þar hittu þau öldunginn Simeon og Önnu Fanúelsdóttur, sem bæði þekktu Jesú sem frelsara heimsins er þau sáu hann.

Guðspjall dagsins er Lúkas 2. 22-35 og segir frá þeim atburði. Elstu heimildir um kyndilmessu eru frá Jerúsalem, en vitað er að hún var haldin hátíðleg við nyrstu mörk kristinnar í Evrópu allt frá því snemma á fjórðu öld.

Á kyndilmessu mætast jólatíminn og föstutíminn. Það er túlkað í orðum öldungsins Simeons, sem fagnaði yfir fæðingu frelsarans, þegar hann tók barnið sér í fang og lofaði Guð og sagði: Augu mín hafa séð hjálpræði þitt! En svo horfði hann fram á veginn, sá krossinn og sagði við Maríu: En sjálf munt þú sverði níst í sálu þinni.

Deila fréttinni


Nýjar fréttir