Þú finnur kirkjuna einnig á   fr yt Tw fb

Þjóðkirkjan

biðjandi boðandi þjónandi

Embætti prests í Háteigsprestakalli auglýst

Háteigskirkja

Háteigskirkja.

Biskup Íslands auglýsir laust til umsóknar embætti prests í Háteigsprestakalli, Reykjavíkurprófastsdæmi vestra, frá 1. september 2014.

  • Biskup Íslands skipar í embætti presta til fimm ára.
  • Í Háteigsprestakalli er ein sókn, Háteigssókn, með rúmlega níu þúsund íbúa og eina kirkju, Háteigskirkju.
  • Háteigsprestakall er á samstarfssvæði með Hallgrímsprestakalli, Dómkirkjuprestakalli, Nesprestakalli og Seltjarnarnesprestakalli.
  • Um þjónustuskyldur í sókninni fer eftir samþykktum kirkjuþings um innri málefni kirkjunnar.
  • Umsækjendur geri skriflega grein fyrir persónulegum upplýsingum, menntun sinni, starfsferli, samskiptahæfileikum og öðru því sem þeir óska eftir að taka fram. Staðfest afrit af prófskírteini skal fylgja umsókn svo og upplýsingar um starfsþjálfun.
  • Umsækjendum ber að fylla út eyðublað þar sem biskupi er heimilaður aðgangur að sakaskrá viðkomandi umsækjenda. Skal undirrituð heimild þar um fylgja umsókninni. Eyðublaðið er á vef kirkjunnar, https://innri.kirkjan.is/pdf/samthykki-fyrir-oflun-upplysinga-ur-sakaskra.pdf
  • Valnefnd velur prest samkvæmt starfsreglum um val og veitingu prestsembætta nr. 1109/2011 og er stuðst við óháðan ráðgjafa í öllu umsóknarferlinu.
  • Heimilt er að óska eftir því að almennar prestskosningar fari fram samkvæmt 15. gr. starfsreglna nr. 1109/2011.
  • Um embættið gilda lög um stöðu, stjórn og starfshætti þjóðkirkjunnar nr. 78/1997, lög um réttindi og skyldur starfsmanna ríkisins nr. 70/1996, starfsreglur er kirkjuþing setur og samþykktir um innri málefni kirkjunnar. Einkum er vísað til starfsreglna um presta nr. 1110/2011.
  • Um laun og önnur kjör fer samkvæmt ákvörðun kjararáðs.
  • Upplýsingar um embættið og helstu lög og reglur sem um starfið gilda, eru veittar á Biskupsstofu og hjá sóknarpresti Háteigsprestakalls.
  • Umsóknarfrestur rennur út 28. apríl 2014.
  • Umsóknir sendist Biskupi Íslands, Biskupsstofu, Laugavegi 31, 150 Reykjavík.

Vísað er til laga um jafna stöðu og jafnan rétt kvenna og karla nr. 10/2008.

F.h. biskups Íslands,
Sveinbjörg Pálsdóttir.

Deila fréttinni


Nýjar fréttir