Þú finnur kirkjuna einnig á   fr yt Tw fb

Þjóðkirkjan

biðjandi boðandi þjónandi

Nýtt bindi sögu Dómkirkjunnar væntanlegt

Dómkirkjan í Reykjavík

Senn kemur út Dómkirkjan í Reykjavík III, Á aldahvörfum eftir sr. Jakob Ágúst Hjálmarsson. I Byggingasagan og II Í iðu þjóðlífs eftir sr. Þóri Stephensen fyrrum dómkirkjuprest komu út í einu bindi á 200 ára afmæli kirkjunnar 1996. Tíminn sem síðan er liðinn hefur verið mjög viðburðarríkur, framkvæmdir og breytingar hafa orðið sem nauðsynlegt var talið að gera skil.

Dómkirkjan í Reykjavík

Kápa bókarinnar.

Í væntanlegri bók verður þó áherslan fyrst og fremst á starfinu í Dómkirkjunni og á vegum safnaðar hennar. Margt fólk hefur komið að þar við sögu og er sjálfsagt að hlut þess séu gerð skil, svo mjög sem allt það sem fram hefur farið hefur byggst á framlagi þess.

Dómkirkjan í Reykjavík III, Á aldahvörfum er 154 blaðsíður í pappírskilju, ríkulega prýdd myndum og kemur út í áskrift í júníbyrjun og verða eintök númeruð eftir því sem áskriftarbeiðnir berast.

Hægt er að panta bókina með því að senda tölvupóst á netfangið domkirkjan@domkirkjan.is eða í síma hjá kirkjuverði 5297900. Eintakið kostar 5000 krónur og greiðist fyrir 1. júní. Það og verður svo sent heim.

Deila fréttinni


Nýjar fréttir