Þú finnur kirkjuna einnig á   fr yt Tw fb

Þjóðkirkjan

biðjandi boðandi þjónandi

Námskeiðið: Friður – kraftur til breytinga

Hollendingurinn Téo van der Weele er mörgum Íslendingum kunnur sem andlegur leiðbeinandi og sálgætir eftir áratuga þjónustu. Sem ungur prestur starfaði hann á meðal flóttafólks í Tælandi þar sem þúsundir þörfnuðust áfallahjálpar. Þá hóf hann að þróa aðferð sína sem miðar að því að almennir sjálfboðaliðar geti lært að miðla græðandi mætti Guðs inn í líf annarra.

Téo leggur áherslu á að miðla friði og blessun Guðs í gegnum fyrirbæn. Friður í skilningi Téo er áhrifaafl sem vekur kyrrð og öryggi í lífi fólks og gefur þeim sem orðið hafa fyrir áföllum færi á að endurheimta sjálf sig.

Námskeiðið Friður – kraftur til breytinga verður haldið helgarnar 4. til 5. febrúar n.k. í Lindakirkju Kópavogi, og 11. til 12. feb., í Egilsstaðakirkju á Egilsstöðum.

Námskeiðið í Lindakirkju stendur frá kl. 9:00 til 17:00 á laugardeginum og 13:00 til 17:00 á sunnudeginum. Nánari upplýsingar og skráningu um námskeiðið í Lindakirkju má nálgast á Facebook síðunni: „TEÓ Helgarnámskeið í Lindakirkju 4. og 5. feb. 2017.“ Upplýsingar um skráningu og dagskrá námskeiðsins á Egilsstöðum gefur Sr. Vigfús Ingvar Ingvarsson.

Virku dagana mun Téo nýta til að eiga sálgæslusamtal við hvern þátttakanda fyrir sig.

Hér er gott tækifæri fyrir fólk sem langar að dýpka vitundarsamband sitt við Guð, bæta sjálfskilning og auk færni í samskiptum. Hámarksfjöldi á námskeiðinu er 25 manns og þátttökugjald er kr. 14.000.-

 

Deila fréttinni


Nýjar fréttir