Þú finnur kirkjuna einnig á   fr yt Tw fb

Þjóðkirkjan

biðjandi boðandi þjónandi

Gróskumikið fermingarstarf og börnunum fjölgar

Af árganginum 2002 sem fermdist í fyrra (2016) voru 4173 börn búsett á Íslandi. Af þeim voru 3103 sem fermdust hjá þjóðkirkjunni eða 75% barnanna. Af árganginum 2003 sem fermist nú í vor eru 4266 börn búsett á Íslandi. Af þeim fermast 3254 börn hjá þjóðkirkjunni eða 76% barna sem er 1% aukning frá því í fyrra. 

Á næstu vikum munu 717 börn í söfnuðum Kjalarnessprófastsdæmis stíga fram, krjúpa við altarið og staðfesta að þau vilji leitast við að hafa Jesú Krist að leiðtoga lífsins. Börnin munu fermast í 52 messum í kirkjum í Hafnarfirði, Garðabæ, Mosfellsbæ, Kjós, á Kjalarnesi og Suðurnesjum.

Börnin hafa í vetur sótt fermingarfræðsluna í kirkjunum sínum, þar sem m.a. er fjallað um kristna trú, tilgang lífsins og kristna von, hjálparstarf, vináttu, sorg, gleði og kærleika margt fleira.  Hæst ber fermingarferðlagið í Vatnskóg á haustin með uppbyggilegum samverustundum, leikjum og fræðslu. Þá tóku börnin þátt í sérstöku fræðsluverkefni um kærleika í verki og stóðu síðan að söfnun í samstarfi við Hjálparstarf kirkjunnar fyrir uppbygginu vatnsbrunna í Afríku. Fermingarbörnin gengu í hús og gáfu fólki kost á að leggja að mörkum. Fermingarbörnin ásamt fjölskyldum sínum eru virk í kirkjustarfinu, sækja helgihaldið, fræðast um helgisiði og táknmál trúarinnar og njóta kyrrðar og friðar í samfélagi kirkjunnar.  Í fræðslunni er lögð áhersla á að gefa börnum rými til að styrkja sjálfsmynd og fá gott veganesti til aukins þroska og sjálfstæðis í samfélagi samferðafólks á vegferð sinni inn í framtíðina.

Fermingin er falleg tímamót, þar sem ástvinir samfagna og þakka í fyrirbæn með fermingarbarninu í trú, von og kærleika. Þá er hátíð.

Sjá hér:

Séra Stefán Már Gunnlaugsson.

Deila fréttinni


Nýjar fréttir