Þú finnur kirkjuna einnig á   fr yt Tw fb

Þjóðkirkjan

biðjandi boðandi þjónandi

Sumartónleikar í Skálholti

Á fyrstu Sumartónleikunum í Skálholti 2017 eru flytjendur  Sönghópurinn Hljómeyki undir stjórn Mörtu Halldórsdóttur og Guðný Einarsdóttir,orgelleikari.

Hljómeyki flytur tvær efnisskrár; á laugardag kl. 14.00 er verkið Ljósbrot eftir John Speight á dagskrá en það var samið fyrir Sumartónleika í Skálholti og frumflutt árið 1991. Verkið er innblásið af steindum gluggum Gerðar Helgadóttur í Skálholtskirkju og með þessu vilja Sumartónleikarnir vekja athygli á þessum þjóðargersemum og benda á söfnun Verndarsjóðs Skálholtskirkju fyrir þeirri kostnaðarsömu viðgerð glugganna sem nú er orðin óhjákvæmileg.

Kl. 13.00 á laugardag flytur sr. Karl Sigurbjörnsson biskup og formaður Skálholtsfélagsins hins nýja, erindi í Skálholtsskóla um glugga Gerðar Helgadóttur.

Seinni efnisskráin nefnist Locus iste og er á dagskrá laugardag kl. 16.00. Þar flytur Hjómeyki ásamt Mörtu Halldórsdóttur og Erni Magnússyni fjölbreytta kirkjulega efnisskrá sem öll tengist húsi Drottins. Þættir úr Ljósbroti verða fluttir í messu kl. 11.00 á sunnudag og kl. 14.00 verður efnisskráin Locus iste endurflutt.

Aðgangur er að venju ókeypis en frjálsum framlögum veitt móttaka við kirkjudyr.

Kaffihlaðborð er á boðstólum í Skálholtsskóla báða dagana frá kl. 15.00.

Deila fréttinni


Nýjar fréttir