Þú finnur kirkjuna einnig á   fr yt Tw fb

Þjóðkirkjan

biðjandi boðandi þjónandi

Unu Margréti Jónsdóttur dagskrárgerðarmanni, þakkað

Félag fyrrum þjónandi presta og maka var stofnað árið 1939 og er því tæplega 80 ár.

Markmið félagsins er að endurnýja gömul kynni, flytja fróðleik og fylgjast með því sem efst er á baugi í kirkjunni hverju sinni.

Félagið annast guðsþjónustur á Dvalar- og hjúkrunarheimilinu Grund að jafnaði einu sinni í mánuði og félagsfundur fer fram að guðsþjónustu lokinni.

Nú á haustmánuðum bar á góma þáttagerð Unu Margrétar Jónsdóttur, dagskrárgerðarmanns hjá Ríkisútvarpinu, en hún “blaðar nú í sálmabókinni.”

Voru fundarmenn sammála um að koma á framfæri þökkum til hennar fyrir þetta merkilega framlag.

Það varð því að ráði að bjóða Unu Margréti til guðsþjónustu og fundar að henni lokinni sunnudaginn 10. desember s.l. og færa henni þakkir okkar og smá aðventuglaðning.

Á myndinni eru frá hægri Lára G. Oddsdóttir, formaður félagsins, Una Margrét Jónsdóttir, Guðrún Lára Ásgeirsdóttir, ritari, Birgir Thomsen gjaldkeri og Halldór Gunnarsson, varaformaður.

Deila fréttinni


Nýjar fréttir