Þú finnur kirkjuna einnig á   fr yt Tw fb

Þjóðkirkjan

biðjandi boðandi þjónandi

NSU-ráðstefna 5.-7. júní 2018

Náttúruleg safnaðaruppbygging (NSU) stuðlar að heilbrigði safnaða með því að mæla átta gæðaþætti safnaðarins og með ráðgjöf og aðstoð við að fjarlægja hindranir fyrir þeirri grósku sem Guð vill gefa.

Ráðstefna og námskeið verða haldin dagana 5.-7. júní, 2018. Fyrstu tvo dagana í Hlíðardalsskóla í Ölfusi en fimmtudagurinn 7. júní verður opinn kynningar- og fræðsludagur í Lindakirkju í Kópavogi.

Fræðsludagurinn er hugsaður fyrir presta, forystu-fólk í safnaðarstarfi og annað áhugafólk um NSU.

Aðalfyrirlesari verður Christian A. Schwarz, stofnandi og aðalleiðtogi Natural Church Development (NCD) á heimsvísu.

Dagskrá í Lindakirkju – 7. júní

 09:45 Móttaka og skráning

10:00 Innleiðsla með söng og helgistund

10:30 Náttúruleg safnaðaruppbygging

             (Christian A. Schwarz)

11:30 Hlé – hressing

11:45 Reynsla úr söfnuðum

             - reynsla úr norskum, sænskum og íslenskum Söfnuðum (Margaret Saue Marti)

12:45 Hádegisverður     

13:30 Þrír litir þjónustunnar (náðargjafanna)

             (Christian A. Schwarz)

              - kennsla og hópumræður út frá bókinni:

                Þrír litir þjónustunnar

              Fyrir leiðbeinendur: Breytingar eða stöðugleiki – að leiða í breytingaferli (Kjetil og Jan)

             - kennsla og miðlun reynslu

14:30 Hlé -hressing

14:45 Samhliða námskeið (hópar)

              - Eflandi stjórnun (Eric Guðmundsson)

              - Gefandi trúarlíf (Vigfús Ingvar Ingvarsson)

              - Hvernig förum við af stað? (Vigfús I. Ingvarsson)

              - Fyrir leiðbeinendur:  Þegar leiðsögnin gefur ávöxt – að leiðbeina heilshugar og af visku og mætti (Christian Schwarz)

              - Kennsla og miðlun reynslu

15:45 Samantekt, hvatning og mat  (Kjetil Sigerseth)

16:00 Lok fræðsludags  (þátttakendur halda heim eða fá sér að borða í bænum)

17:30-18:30 Óformlegur spjalltími með Christian A. Schwarz

Áhugafólki um möguleika og fyrirkomulag NSU-verkefnisins í söfnuðum gefst kostur á að taka þátt.

Kvölddagskrá  

19:30-21:30 Samkoma í Lindakirkju

Lífleg tónlist og söngur. Fólk úr Kór Lindakirkju undir stjórn Óskars Einarssonar.

Frú Agnes M. Sigurðardóttir, biskup Íslands og Christian A. Schwarz ávarpa samkomuna. 

Sagt verður frá reynslu af NSU verkefninu í söfnuðum.

Náttúruleg safnaðaruppbygging er að slíta barnsskónum á Íslandi enda hefur starfsemi á þessu sviði verið hér á landi frá árinu 2012. Þá er átt við safnaðarkannanir og leiðbeiningar við að efla grósku í safnaðarlífi út frá aðstæðum í hverjum söfnuði.

Frekari upplýsingar:

Vigfús Ingvar Ingvarsson, 863-6866 vigfus50@gmail.com 

Eric Guðmundsson, 897-3625 eric@adventistar.is

NSU-Náttúruleg safnaðaruppb. www.ncd-international.org

NSU byggir á rannsóknum á þúsundum safnaða víða um heim af ýmsum kirkjudeildum og í margvíslegu menningarlegu samhengi. Hún leggur áherslu á heilbrigði safnaða fremur en tölulegan vöxt.

NSU tekur mið af líkingum Jesú um vöxt í ríki náttúrunnar. Bóndinn sáir og vökvar en hann reynir ekki að knýja fram vöxt með því að toga í kornöxin. Ekki er almennt vænst aukins vinnuframlags leiðtoga safnaða.  Frekar er kröftum beint að þeim verkefnum sem mestum ávexti skila.

NSU á Íslandi var stofnað árið 2011 og hefur notið tengsla við Noreg sem eins konar deild í norsku samtökunum, Naturlig Menighetsutvikling (NaMu), sem eru með mikla reynslu og fólk úr ýmsum kirkjudeildum. Framkvæmdastjórinn í dag, Kjetil Sigerseth, er jafnframt framkvæmdastjóri dómkirkjusafnaðarins í Molde.

Gæðamörkin 8:

1.  Eflandi stjórnun

2.  þjónusta sem tekur mið af náðargjöfum

3.  Gefandi trúarlíf

4.  Virkt skipulag

5.  Guðsþjónustur sem veita innblástur

6.  Nærhópar (smáhópar, tengdir daglegu lífi þátttakenda)

7.  Boðunarstarf sem tekur mið af þörfum fólks

8.  Kærleiksrík samskipti

Deila fréttinni


Nýjar fréttir