Austurlandsprófastsdæmi boðar í samstarfi við Biskupsstofu til námskeiðs fyrir þá sem sitja í sóknarnefndum prófastsdæmisins. Námskeiðinu er ætlað að styrkja sóknarnefndafólk í sínu mikilvæga hlutverki í þágu kristnilífsins í fjórðungnum. Námskeiðið verður haldið í Safnaðarheimili Reyðarfjarðarkirkju laugardaginn 4. febrúar kl. 10:30-14:30. Leiðbeinandi á námskeiðinu verður sr. Steinunn Arnþrúður Björnsdóttir, verkefnisstjóri á Biskupsstofu.

Dagskrá námskeiðsins:
10:30 Helgistund – sr. Davíð Baldursson prófastur
10:45 Þjóðkirkjan, þjónusta hennar og samstarfssvæðin
12:00 Matarhlé
12:30 Hlutverk sóknarnefnda skv. lögum og reglum sem um þær gilda
14:00 Fyrirspurnir og umræður.
14:30 Námskeiðslok og heimferð

Námskeiðið er sóknarnefndarfólki að kostnaðarlausu en gert ráð fyrir að söfnuðir greiði hádegismatinn fyrir sitt fólk. Athygli er vakin á að Kirkjuþing samþykkti í nóvember sl. nýjar starfsreglur um sóknarnefndir. Gott tækifæri verður á námskeiðinu til að kynna sér þessar nýju reglur. Þeir sem starfa í sóknarnefndum á Austurlandi eru hvattir til að fjölmenna á námskeiðið og nýta tækifærið einnig til að koma með fyrirspurnir um það sem á þeim brennur í safnaðarstarfinu.

Vegna málsverðarins eru sóknarnefndarformenn beðnir að tilkynna þátttöku úr sínum sóknum til héraðsprests prófastsdæmisins (holmgrimur@simnet.is, s. 896-0918) í seinasta lagi 1. febrúar nk.

Þorgeir Arason, 23/1 2012 kl. 13.59