Austurlandsprófastsdæmi

Sumarbúðir við Eiðavatn

Davíð Þór — Wed, 16 May 2012 11:04:54 +0000

Innritun stendur nú yfir í Sumarbúðir Þjóðkirkjunnar við Eiðavatn.

Þar býðst skemmtileg dvöl fyrir börn fædd á árunum 1998 – 2005. Markmiðið með dvölinni er styrkja sjálfsmynd barnanna og stuðla að því að hver einstaklingur fái að njóta sín undir handleiðslu góðra leiðtoga.

Sumarbúðirnar eru í fallegu umhverfi við Eiðavatn, í u.þ.b. 18 km fjarlægð frá Egilsstöðum. Þar er um margt að velja. Hægt að fara út á bát, læra að róa og prófa að veiða silung. Þá er fótboltamót, farið í brennó, ratleik og fleiri útileiki. Inni er sungið og föndrað og kvöldvökur á hverju kvöldi.

Flokkarnir verða sem hér segir:

1. 18.-22. júní, 7-9 ára

2. 25.-29. júní, 10-13 ára

3. 2.-6. júlí, 7-9 ára

4. 9.-13.júlí, 8-12 ára

5. 16.-20. júlí, 12-14 ára (Ævintýraflokkur)

Þátttökugjald er 27.000 krónur og veittur er 10% systikinaafsláttur.

Sumarbúðir hafa verið starfræktar á Eiðum á vegum Þjóðkirkjunnar síðan sumarið 1968. Fyrst í húsnæði barnaskólans en frá 1992 í byggingu Kirkjumiðstöðvarinnar við Eiðavatn sem var vígð 25. ágúst 1991. Kirkjumiðstöð Austurlands er sjálfseignarstofnun á vegum safnaðanna á Austurlandi. Margir eiga góðar minningar úr sumarbúðastarfinu og koma ár eftir ár.

Allar upplýsingar um sumarbúðirnar og skráningu í þær má nálgast á heimasíðu Kirkjumiðstöðvarinnar, en einnig í síma 892 3890.

TTT mót á Eiðum

Davíð Þór — Tue, 24 Apr 2012 15:24:42 +0000

Helgina 13. – 15. apríl var haldið TTT-mót í Kirkjumiðstöð Austurlands á Eiðum. Þar komu saman um 70 börn á aldrinum 10 – 12 ára hvaðanæva af Austurlandi og undu sér saman við leik, söng og fræðslu, lofgjörð og bæn. Yfirskrift mótsins að þessu sinni var: „Mannréttindi fyrir alla.“

TTT stendur fyrir „tíu til tólf“ og er heitið á æskulýðsstarfi Þjóðkirkjunnar sem er miðað við þennan aldurshóp. TTT-starf á Austurlandi er nú komið í sumarfrí, en hefst á ný á hausti komanda af endurnýjuðum þrótti.

Fermingar í Egilsstaðaprestakalli

Davíð Þór — Wed, 21 Mar 2012 14:48:18 +0000

Bakkagerðiskirkja
Pálmasunnudagur, 1.apríl kl. 15. Prestur sr. Jóhanna I. Sigmarsdóttir
Karólína Rún Helgadóttir
Svalbarði,
720 Borgarfirði

23. júní kl. 14. Prestur sr. Jóhanna I. Sigmarsdóttir

Hrafnhildur M. Ríkharðsdóttir,
Víkurnesi 2,
720 Borgarfirði

Sara Rós Guðmundsdóttir,
Jörva2,
720 Borgarfirði

Sylvía Ösp Jónsdóttiir
Desjarmýri,
720 Borgarfirði

Egilsstaðakirkja
Pálmasunnudagur, 1.apríl kl. 11. Prestur sr. Jóhanna I. Sigmarsdóttir
Hildur Birta Árnadóttir,
Laugavöllum 19,
700 Egilsstaðir

Ívar Andri Bjarnason,
Dalskógum 5b,
700 Egilsstöðum

Katrín Rós Pálsdóttir,
Tjarnarbraut 19,
700 Egilsstöðum

Rannveig Erlendsdóttir,
Mánatröð 3,
700 Egilsstöðum

Sonja Hlín Haraldsdóttir,
Miðgarði 15a,
700 Egilsstöðum

Skírdagur, 5.apríl kl. 11. Prestur sr. Jóhanna I. Sigmarsdóttir

Atli Geir Sverrisson,
Hléskógum 12,
700 Egilsstöðum

Atli Pálmar Snorrason,
Kelduskógum 13,
700 Egilsstöðum

Emilía Sól Guðgeirsdóttir,
Ranavaði 11,
700 Egilsstöðum

Guðný Sól Guttormsdóttir,
Sólvöllum 8,
700 Egilsstöðum

Óskar Þór Loftssson,
Laufási 10,
700 Egilsstöðum

Rebekka Rós Björgvinsdóttir,
Reynivöllum 6,
700 Egilsstöðum

Hvítasunnudagur, 27.maí kl. 11. Prestur sr. Jóhanna I. Sigmarsdóttir

Einar Bjarni Helgason,
Norðurtúni 41,
700 Egilsstöðum

Einar Páll Þrastarson,
Sólvöllum 5,
700 Egilsstöðum

Embla Von Sigurðardóttir,
Dalseli 12
700 Egilsstöðum

Guðbjörg Agnarsdóttir,
Stekkjartröð 13b,
700 Egilsstöðum

Helga Jóna Svansdóttir,
Koltröð 1,
700 Egilstöðum

Hrefna Ösp Heimisdóttir,
Hjallaseli 5,
700 Egilsstöðum

Ingólfur Örn Jóhannsson,
Tjarnarbraut 9,
700 Egilsstöðum

Jónína Ósk Jóhannsdóttir,
Tjarnarbraut 9,
700 Egilsstöðum

Katrín Lembi Alexandersdóttir,
Furuvöllum 13,
700 Egilsstöðum

Sesselía Sól Dagsdóttir,
Sólvöllum 16
700 Egilsstöðum

Signý Þrastardóttir,
Sólvöllum 5,
700 Egilsstöðum

Sigríður Hlíðkvist Kröyer
Hjallaseli 9,
700 Egilsstöðum

Sigurjón Svanur Valdimarsson
Sólbrekku 14,
700 Egilsstöðum

Eiðakirkja
19. maí kl. 14 Prestur sr. Jóhanna I. Sigmarsdóttir
Jóhannes Óli Bergþórsson
Einbúablá 14
700 Egilsstöðum

Sleðbrjótskirkja
17. júní kl. 11 – Prestur sr. Jóhanna I. Sigmarsdóttir
Stefán Berg Ragnarsson
Bakkagerði,
701 Egilsstöðum

Fundur með biskupsefnum

Davíð Þór — Tue, 06 Mar 2012 14:46:39 +0000

Laugardaginn 3. mars var haldinn fundur með kjörmönnum Austurlandsprófastsdæmis og frambjóðendum til embættis biskups Íslands. Fundurinn vel sóttur og biskupsefnin kynntu sig og áherslur sínar. Síðan svöruðu þau spurningum fundarmanna um hvað sem lá þeim á hjarta. Fundurinn tókst með hinum mestu ágætum og hjálpaði vonandi mörgum að gera upp hug sinn. Þeim sem enn eru í vafa má benda á síðu Þjóðkirkjunnar þar sem biskupsefnin er kynnt enn betur.

Æskulýðsdagurinn á sunnudaginn

Davíð Þór — Mon, 27 Feb 2012 10:37:38 +0000

Æskulýðsdagur Þjóðkirkjunnar er næsta sunnudag, 4. mars, og verður haldinn hátíðlegur víða í prófastsdæminu að vanda með helgihaldi þar sem börn og unglingar taka virkan þátt í söng, lestrum o.fl. Hér koma nokkur dæmi:

Í Egilsstaðakirkju verður sameiginleg æskulýðsmessa safnaða á Héraði kl. 11, Davíð Þór Jónsson predikar.

Í Eskifjarðarkirkju verður æskulýðsmessa kl. 14.

Í Reyðarfjarðarkirkju verður æskulýðsmessa með gospeltónlist kl. 14.

Í Bakkagerðiskirkju verður æskulýðsmessa kl. 15, Davíð Þór predikar.

Fyrsti héraðsfundur Austurlandsprófastsdæmis – Myndir

Davíð Þór — Mon, 27 Feb 2012 10:33:08 +0000

Sameining prófastsdæmanna, kirkjubíó og erfið fjárhagsstaða safnaðanna var meðal umræðuefna á fyrsta héraðsfundi nýstofnaðs Austurlandsprófastsdæmis í Kirkjumiðstöðinni við Eiðavatn sl. laugardag. Fundurinn hófst með messu í Eiðakirkju þar sem sr. Cecil Haraldsson predikaði. Að loknum hádegisverði fóru fram síðustu héraðsfundir hinna gömlu Múla- og Austfjarðaprófastsdæma þar sem reikningar þeirra voru samþykktir. Síðan hófst hinn eiginlegi héraðsfundur Austurlandsprófastsdæmis og sjást hér nokkrar myndir af fundarmönnum. Fundargerð verður birt hér á vefnum þegar hún liggur fyrir.

Þjóðgildin og trúin í kvöldmessu í Fellabæ

Davíð Þór — Thu, 23 Feb 2012 13:01:10 +0000

Þjóðgildin og boðskapur kristinnar trúar” er yfirskrift kvöldguðsþjónustu í Kirkjuselinu í Fellabæ á sunnudaginn, 26. febrúar, kl. 20.

Íhugunarefni okkar verða: Ábyrgð – Sjálfbærni – Kærleikur – Virðing – Réttlæti

Stuttar hugleiðingar flytja: Arnar Sigbjörnsson, Stefanía G. Kristinsdóttir og Stefanía Malen Stefánsdóttir

Drífa Sigurðardóttir og Kór Ássóknar leiða tónlistina

Sr. Lára G. Oddsdóttir sóknarprestur og sr. Þorgeir Arason þjóna fyrir altari

Kynningarfundur á Egilsstöðum vegna biskupskjörs

Davíð Þór — Tue, 14 Feb 2012 11:36:46 +0000

Kynningarfundur í Austurlandsprófastsdæmi vegna væntanlegs kjörs biskups Íslands verður haldinn í Kirkjuselinu í Fellabæ laugardaginn 3. mars nk. kl. 13:00.

Á fundinn eru formlega boðaðir allir kjörmenn í Austurlandsprófastsdæmi skv. kjörskrá birtri 1. feb. sl, þ.e. þjónandi prestar í prófastsdæminu, formenn sóknarnefnda og kirkjuþingsfulltrúar. Fundurinn er þó öllum opinn og eru formenn sóknarnefnda hvattir til að greina meðnefndarmönnum sínum frá honum. Ekki þarf að tilkynna þátttöku sérstaklega.

Dagskrá fundarins verður með því móti, að frambjóðendur munu flytja stutta kynningu á sér og málefnum sínum. Að því búnu verður boðið upp á fyrirspurnir / almennar umræður. Boðið verður upp á kaffiveitingar. Gert er ráð fyrir að fundurinn standi ekki lengur en í tvo og hálfan tíma.

Fundurinn er haldinn í samstarfi framkvæmdastjóra Kirkjuráðs og héraðsnefndar Austurlandsprófastsdæmis. Fundurinn er einn af kynningarfundum þeim í öllum landshlutum, sem haldnir eru í byrjun mars í samræmi við ályktun Kirkjuráðs frá 18. jan. sl., sjá nánar á vef Þjóðkirkjunnar. Vakin er athygli á að fyrirhugað er að taka fyrsta kynningarfund frambjóðendanna, í Reykjavík, upp á myndband og birta á vef kirkjunnar í framhaldinu til að auðvelda kjósendum að kynna sér frambjóðendur.

Vel sótt námskeið sóknarnefndafólks á Austurlandi – Myndir

Davíð Þór — Mon, 06 Feb 2012 10:59:43 +0000

Yfir 30 manns sóttu námskeið prófastsdæmisins í samstarfi við Biskupsstofu sl. laugardag í Safnaðarheimili Reyðarfjarðarkirkju, sem ætlað var þeim sem sitja í sóknarnefndum í fjórðungnum. Námskeiðið hófst með helgistund í kirkjunni í umsjá prófasts. Leiðbeinandi var sr. Steinunn A. Björnsdóttir, verkefnisstjóri á Biskupsstofu. Fjallaði hún m.a. um skipulag Þjóðkirkjunnar, ábyrgð og hlutverk sóknarnefnda og helstu starfsreglur þar að lútandi, fór yfir væntanlegt biskupskjör og ræddi um fyrirkomulag samstarfssvæðanna.

TTT-dagur á Vopnafirði – Myndir

Davíð Þór — Wed, 01 Feb 2012 10:11:38 +0000

Um tuttugu 10-12 ára börn í kirkjustarfi á Vopnafirði og Bakkafirði hittust sl. föstudag, 29. janúar, á árlegum TTT-degi samstarfssvæðisins, sem að þessu sinni fór fram í félagsheimilinu Miklagarði og Vopnafjarðarkirkju. Á dagskránni voru m.a. leikir og þrautir, spurningakeppni, brandaramaraþon, pylsupartí og helgistund. Eins og sjá má á myndunum var glatt á hjalla! Fræðslufulltrúi prófastsdæmisins skipulagði daginn og annaðist framkvæmd hans ásamt sóknarprestunum og öflugum hópi ungra leiðtogaefna.