Emmaus-námskeið um trúna og tilveruna hefst 12. janúar 2010 í safnaðarheimili Egilsstaðakirkju, Hörgsási 4. Námskeiðið verður á þriðjudagskvöldum kl. 19:30-21:00 og stendur í sex vikur.

Nafn námskeiðsins vísar til frásagnar í Lúkasi 24.13-32 þar sem Jesús upprisinn slæst í för með tveimur lærisveinum á leið til Emmaus. Hann skýrir fyrir þeim ritningarnar, en þeir þekkja hann ekki fyrr en þeir snæða saman og hann brýtur brauðið. (Mynd: Túlkun Kees de Kort á Emmaus-göngunni.)

Lífi okkar má líkja við vegferð. Á Emmaus-námskeiðinu veltum við fyrir okkur á hvaða leið við erum í tilverunni, og hvort við kjósum að Jesús sláist í för með okkur á þeirri vegferð!

Námskeiðið er þátttakendum að kostnaðarlausu en tekið er við frjálsum framlögum í kaffisjóð.

Staður: Safnaðarheimili Egilsstaðakirkju, Hörgsási 4,

Tími: Sex þriðjudagar kl. 19:30-21 frá 12. janúar 2010.

Umsjón með námskeiðinu: Sr. Vigfús I. Ingvarsson sóknarprestur og sr. Þorgeir Arason fræðslufulltrúi

Nánari upplýsingar veitir Þorgeir í síma 895 3606 og í tölvupósti: thorgeir.arason (hjá) kirkjan.is

Skráning: Nóg er að mæta fyrsta kvöldið, ekki þarf að skrá sig sérstaklega fyrir fram.

Dagskrá:

12. janúar:

Er Guð í raun og veru til?

19. janúar:

Þörfin fyrir Guð

26. janúar:

Bænin – andardráttur trúarinnar

2. febrúar:

Að lesa Biblíuna

9. febrúar:

Líf og starf Jesú

16. febrúar:

Guð fylgir þér