Helgina 13.-15. nóvember fer stúdentamót Kristilegs stúdentafélags (KSF) fram á Eiðum. Þátttakendur eru um 20 og er þetta í fyrsta skipti sem slíkt mót fer fram á Austurlandi.
Í tengslum við mótið verður stúdentamessa í Egilsstaðakirkju á sunnudaginn, 15. nóvember, kl. 11. Létt tónlist í umsjón stúdenta að hluta. Sr. Jón Ómar Gunnarsson æskulýðsprestur Kristilegu skólahreyfingarinnar predikar og þjónar fyrir altari ásamt sóknarpresti. Allir velkomnir.
Þá verður haldin kyndilbænaganga á Egilsstöðum föstudagskvöldið 13. nóvember. Lagt verður af stað frá Menntaskólanum á Egilsstöðum kl. 20:30 og gengið að Sláturhúsinu þar sem kvöldsamkoma hefst kl. 21:15. Lifandi og rafmögnuð tónlist verður á samkomunni og Stefán Bogi Sveinsson flytur ræðu undir yfirskriftinni: Hvað seður mig/þig? Samkomunni er útvarpað á Útvarp Andvarp FM 103,2. Allir velkomnir.
Davíð Þór, 12/11 2009
Messa tileinkuð hjálparstarfi verður í Egilsstaðakirkju nk. sunnudag, 1. nóvember, kl. 14. Jónas Þórisson, framkvæmdastjóri Hjálparstarfs kirkjunnar, predikar.
Um er að ræða sameiginlega guðsþjónustu safnaða á Fljótsdalshéraði. Prestar á Héraði þjóna fyrir altari og fermingarbörn í sóknunum eru hvött til þátttöku ásamt forráðamönnum.
Allir eru hjartanlega velkomnir til kirkju og eftir messu sjá krakkarnir í í æskulýðsfélaginu Bíbí um vöfflukaffi í safnaðarheimilinu, Hörgsási 4.
Davíð Þór, 29/10 2009
Fyrirhugaðri ferð yfir 150 unglinga og leiðtoga á Héraði, Vopnafirði og í Austfjarðaprófastsdæmi á Landsmót æskulýðsfélaga kirkjunnar í Vestmannaeyjum um næstu helgi hefur verið aflýst vegna svínaflensufaraldursins, sem nú herjar á Austurland.
Stefnt verður að öðrum ferðalögum í æskulýðsstarfinu í staðinn seinna í vetur.
Davíð Þór, 14/10 2009
Kirkjuskólinn í Fellabæ hefst á laugardaginn, 3. október, kl. 11.
Kirkjuskólinn verður í Kirkjuselinu í Fellabæ alla laugardaga í október og nóvember kl. 11.
Þar er eins og fyrri daginn glatt á hjalla, mikill söngur, brúður og sögur. Umsjón hafa sr. Lára, Drífa organisti og ungir og hressir leiðtogar. Allir velkomnir, stórir og smáir.
Davíð Þór, 1/10 2009
Kvöldmessa með léttum blæ verður í Egilsstaðakirkju nk. sunnudagskvöld, 27. september, kl. 20.
Prestar eru sr. Jóhanna I. Sigmarsdóttir og sr. Vigfús I. Ingvarsson.
Sömu helgi hefjast fermingarnámskeið prófastsdæmisins á Eiðum og má lesa um þau hér til hliðar.
Davíð Þór, 24/9 2009
Prestar Múlaprófastsdæmis taka þátt í flugslysaæfingum á Egilsstöðum um helgina og Vopnafirði í október.
Lesa áfram …
Davíð Þór, 11/9 2009
“Við kaupum okkur ekki réttlæti gagnvart Guði. Og það eru ekki reglurnar sem skipta mestu máli heldur hugarfarið sem að baki býr,” sagði sr. Vigfús I. Ingvarsson m.a. í predikun sinni í Klyppsstaðarkirkju sl. sumar. Ræðuna má lesa að baki “Áfram”-smellunni.
Lesa áfram …
Davíð Þór, 7/9 2009
Vetrarstarf Vopnafjarðarkirkju hefst með fjölskylduguðsþjónustu í kirkjunni nk. sunnudag, 6. september, kl. 11.
Lesa áfram …
Davíð Þór, 3/9 2009
Kvöldmessa verður í Möðrudalskirkju föstudaginn 4. september kl. 20:30 í tilefni 60 ára vígsluafmælis kirkjunnar. – Athugið messutímann!
Lesa áfram …
Davíð Þór, 2/9 2009
Vetrarstarf Egilsstaðakirkju er nú að hefjast. Barna- og æskulýðsstarfið er fjórum sinnum í viku, 12 sporin eiga sinn stað og foreldramorgnar eru nú endurvaktir.
Lesa áfram …
Davíð Þór, 2/9 2009
