Breiðholtskirkja

Sunnudaginn 5. september:  Sunnudagaskóli kl. 11 í umsjón Nínu Bjargar Vilhelmsdóttur djákna, Karenar Ósk Sigþórsdóttur og Lindu Rósar Sigþórsdóttur.  Öll börn fá fallega bók og myndir sem þau geta safnað yfir veturinn.  Gamlir vinir koma í heimsókn og mikið verður sungið af skemmtilegum lögum.  Eftir stundina er boðið upp á djús og kaffi í safnaðarheimilinu. 

Messa kl. 11, barn borið til skírnar.  Prestar sr. Bryndís Malla Elídóttir og sr. Gísli Jónasson, organisti Julian E. Isaacs, kór kirkjunnar syngur.  Vænst er þátttöku fermingarbarna og foreldra þeirra.  Fundur með foreldrum væntanlegra fermingarbarna hefst strax að lokinni messu í safnaðarheimili kirkjunnar.

Vetrarstarfið er hafið í kirkjunni og foreldramorgnarnir því komnir á sinn stað á föstudögum milli kl. 10 og 12.  Þá hittast foreldrar með börn sín í safnaðarheimilinu og eiga góða stund saman.  Reglulega yfir veturinn eru flutt fræðsluerindi sem snúa að umönnun barna eða öðru því sem foreldrum kemur að góðum notum.  Allir foreldrar eru hjartanlega velkomnir og góð aðstaða er í kirkjunni fyrir börnin hvort sem þau eru í vögnum sínum eða á dínum inni.  Umsjón með foreldramorgnunum hefur Emilía G. Svavarsdóttir.

Innritun væntanlegra fermingarbarna verður fimmtudaginn 2. september milli kl. 16 og 17 í safnaðarheimili kirkjunnar. 

Fermingarfræðslan hefst laugardaginn 4. september og sunnudaginn 5. september verður fundur með foreldrum fermingarbarnanna strax að lokinni messu sem hefst kl. 11.  Allar nánari upplýsingar gefa prestar kirkjunnar í síma 587 1500.

Það er gaman á haustin því þá byrjar vetrarstafið í kirkjunni.  Og vetrarstarfið hefst einmitt í þessari viku.  Kirkjukrakkar hittast á miðvikudag klukkan 16:00 - 17:00 og  TTT hittast á fimmtudag klukkan 17:00 - 18:00.  Kóræfingar hefjast í næstu viku og fyrsta samvera hjá félagsskapnum Maður er manns gaman er 15. september.

Kyrrðarstundir eru alla miðvikudaga og hefjast klukkan 12:00.  Hægt er að hringja í kirkjuna s. 587-1500 og koma á framfæri bænaefnum.

Sjáumst!

Sunnudaginn 29. ágúst klukkan 11:00 verður fyrsta fjölskylduguðsþjónusta vetrarins.   Við hlustum á biblíusögu, syngjum saman og leitum að fjársjóðskistunni góðu.  Eftir stundina verður boðið uppá djús- og kaffisopa í safnaðarheimilinu.

Allir hjartanlega velkomnir.

Messa kl. 11, prestur sr. Bryndís Malla Elídóttir, organisti Julian E. Isaacs, félagar úr kór kirkjunnar syngja. Orð dagsins er “effaþa” þe. opnist þú.  Sálmarnir sem sungnir verða eru nr. 216, nr. 224, nr. 340, nr. 48, nr. 714 og nr. 56.  Kaffisopi í safnaðarheimilinu að messu lokinni.

Messa kl. 11 nk. sunnudag.  Prestur sr. Bryndís Malla Elídóttir, organisti Julian E. Isaacs og félagar úr kór kirkjunnar leiða söng.  Guðspjall dagsins eru úr Lúkasarguðspjalli 18. kafla vers 9-14.  Kaffisopi í safnaðarheimilinu að messu lokinni

Miðvikudaginn 11. ágúst verður kyrrðarstund kl. 12.  Stundin hefst með tónlistarflutningi og síðan verður lesið úr Guðs orði, gengið til altaris og stundinni lýkur með fyrirbæn og blessun.  Bænarefnum má koma á framfæri í síma kirkjunnar 587 1500.   Hádegishressing í safnaðarheimilinu að stundinni lokinni.

10. sunnudagur eftir þrenningarhátíð 

Prestur sr. Gísli Jónasson, organisti Julian Isaacs, félagar úr kór kirkjunnar leiða söng. Guðspjall dagsins er úr Lúkasarguðspjalli (Lk. 19:41-48) þar sem m.a. segir frá því er Jesús grét yfir Jerúsalemborg og sagði:  “Ef þú hefðir aðeins vitað á þessum degi hvað til friðar heyrir! En nú er það hulið sjónum þínum.”   

8. sunnudagur eftir þrenningarhátíð 

Prestur sr. Gísli Jónasson, organisti Jón Bjarnason, félagar úr kór kirkjunnar leiða söng. Fermd verður Brynhildur Sól Eddudóttir frá Noregi. Guðspjall dagsins eru úr Matteusarguðspjalli (Mt. 7:15-23)  þar sem Jesús segir m.a.:  “Af ávöxtum þeirra skuluð þér þekkja þá.”