Breiðholtskirkja

Fermingarmessa á hvítasunnudag

Bryndís Malla Elídóttir — Thu, 16 May 2013 10:49:37 +0000

Fermingarmessa á hvítasunnudag 19. maí kl. 11. Sr. Bryndís Malla Elídóttir og sr. Gísli Jónasson þjóna. Örn Magnússon er organisti og Kór Breiðholtskirkju syngur. Fermd verða: Agnes Eir Jóhannsdóttir, Anna Halldóra N. Snorradóttir, Anna Sigrún Birgisdóttir, Guðbjörn Viðar Pálsson, Inga Jóna Vilhjálmsdóttir og Skúli Kristjánsson.

Á hvítasunnudag verður sýning á málverkum Bjargar Atla formlega opnuð á vegum Hollvinafélagsins í anddyrir kirkjunnar. Sýningin mun prýða anddyrið næstu vikurnar.

Gleðilega hvítasunnu!

Barnastarfið komið í sumarfrí

Bryndís Malla Elídóttir — Tue, 14 May 2013 13:45:40 +0000

Sunnudagaskólinn, kirkjukrakkar og starfið fyrir tíu til tólf ára börn er nú komið í sumarfrí. Við þökkum þeim stóra og góða hópi barna sem tók þátt í starfinu í vetur og hlökkum til þess að hittast á ný í byrjun september.

Kyrrðarstund kl. 12 alla miðvikudaga

Bryndís Malla Elídóttir — Tue, 14 May 2013 13:43:52 +0000

Tónlist, íhugun, orð Drottins, altarisganga og fyrirbæn alla miðvikudaga kl. 12. Að stundinni lokinn er léttur hádegisverður í safnaðarheimilinu. Verið hjartanlega velkomin.

Messa og basar á mæðradaginn

Bryndís Malla Elídóttir — Wed, 08 May 2013 13:59:08 +0000

Á mæðradaginn 12. maí verður messa kl. 11 þar sem mæður þjóna og taka virkan þátt í messunni. Sr. Bryndís Malla Elídóttir þjónar fyrir altari og Þórey Dögg Jónsdóttir prédikar. Konur frá mömmumorgnum kirkjunnar lesa ritningartexta og bænir og taka virkan þátt í messunni. Örn Magnússon leikur á orgelið og kór kirkjunnar syngur. Að lokinni messu býður Hollvinafélagið upp á vöfflukaffi og kl. 12:30 verður basarinn opnaður þar sem gera má góð kaup og styrkja um leið starf kirkjunnar. Allir eru hjartanlega velkomnir, sérstaklega allar mæður og þó sunnudagaskólinn sé kominn í sumarfrí verða litir, blöð og bækur fyrir yngstu börnin.

Þau sem vilja gefa muni á basarinn, t.d. bakkelsi, handverk eða góða muni er bent á að hafa samband við Önnu í síma 863 3798.

Lokasamvera kirkjukrakkanna og TTT

Bryndís Malla Elídóttir — Tue, 07 May 2013 14:45:45 +0000

Miðvikudaginn 8. maí verður lokasamvera hjá kirkjukrökkunum kl. 16 og hjá TTT kl. 17:30. Boðið verður upp á pylsur og djús, skemmtilega vorleiki, grín og glens. Þórey Dögg, Oddur Bjarni og Emilía sjá um að allir fái nóg og geti átt skemmtilega stund í safnaðarheimilinu.

Velkomin í kyrrðarstund

Bryndís Malla Elídóttir — Tue, 07 May 2013 14:43:30 +0000

Miðvikudaginn 8. maí verður kyrrðarstund kl. 12 sem hefst á því að Örn Magnússon leikur á orgelið. Síðan er lesið úr Biblíunni, flutt stutt hugleiðing, máltíð Drottins borin fram og fyrirbænastund í lokin. Bænarefnum má koma á framfæri í síma kirkjunnar eða við presta eða djákna rétt fyrir stundina. Emilía sér um að bjóða upp á létta hádegishressingu að stundinni lokinni í safnaðarheimilinu þar sem gott tækifæri gefst til þess að spjalla um landsins gagn og nauðsynjar. Allir eru hjartanlega velkomnir.

Velheppnuð safnaðarferð

Bryndís Malla Elídóttir — Tue, 07 May 2013 14:39:42 +0000

Það var fallegt veður þegar lagt var af stað í safnaðarferð síðast liðinn sunnudag. Góður hópur á öllum aldri tók þátt í ferðinni og átti saman skemmtilegan dag. Í Þorlákskirkju var tekið vel á móti hópnum og sagði kirkjuvörðurinn frá byggingu og sögu kirkjunnar. Síðan var farið í gler-gallery – Hönd í höfn – og þar sem hugvit og listfengi nýtur sýn í fallegum munum. Í Standarkirkju var góður andi og þangað var gott að koma. Í Krýsuvík var síðasti áningarstaðurinn og þar skoðaði hópurinn hverasvæði og fékk síðan hressingu í boði Hollvinafélagsins. Veðrið lék við okkur allan daginn þó örlítið kalt væri suður með sjó. Og nú má strax fara hlakka til næstur safnaðarferðar að ári.

Safnaðarferð 5. maí

Bryndís Malla Elídóttir — Tue, 30 Apr 2013 16:17:30 +0000

Sunnudaginn 5. maí verður farið í hina árlegu safnaðarferð. Að þessu sinni liggur leiðin til Þorlákshafnar þar sem við munum eiga góða stund í kirkjunni. Eftir hádegishressing í eða við Þorlákshafnarkirkju verður ekið að Strandakirkju þar sem staðarhaldari mun segja okkur frá sögu kirkjunnar. Því næst verður ekið að Herdísarvík og stoppað þar góða stund ef veður leyfir. Ekið verður síðan um Krísuvík og heim aftur.

Ferðin kostar 2500 kr. en ókeypis er fyrir börn yngri en 14 ára í fylgd fullorðinna. Nauðsynlegt er að taka með sér nesti fyrir hádegishressinguna en Hollvinafélag kirkjunnar býður upp á kaffi og djús.

Lagt verður af stað frá kirkjunni kl. 10 og áætluð heimkoma er um kl. 16. Skráning er í síma 587 1500 eða á breidholtskirkja@kirkjan.is.

Engin kyrrðarstund 1. maí

Bryndís Malla Elídóttir — Tue, 30 Apr 2013 16:08:56 +0000

Næsta kyrrðarstund verður miðvikudaginn 8. maí kl. 12.

Fyrsti sunnudagur sumars

Bryndís Malla Elídóttir — Wed, 24 Apr 2013 11:38:13 +0000

Fjölskylduguðsþjónusta kl. 11, sr. Gísli Jónasson þjónar og Örn Magnússon er organisti. Fögnum sumrinu saman með söng og gleði í kirkjunni. Guðs góða sköpun verður í fyrirrúmi og tilvalið er að mæta í gulu eða með eitthvað gult með sér. Djúshressing, kaffi og te í safnaðarheimilinu í lokin.

Tómasarmessa kl. 20. Yfirskrift messunnar er: Áttu þér vin? Ragnar Gunnarsson prédikar og Þorvaldur Halldórsson sér um tónlistina. Mikil áhersla er á fyrirbæn og lofgjörð í messunni. Þetta er síðasta Tómasarmessa vetrarins og eftir spennandi kosninganótt er fátt betra en að koma í kirkju og leggja allt í Guðs hendur. Hann mun vel fyrir öllu sjá. Kaffi og te í safnaðarheimilinu í lokin og hressandi spjall um mál dagsins. Allir eru hjartanlega velkomnir.

Gleðilegt sumar!