Breiðholtskirkja

Messa klukkan 11.   Félagar úr messuhópnum taka vel á móti öllum og sjá m.a. um ritningarlestra og aðstoða við útdeilingu.   Séra Sigurjón Árni Eyjólfsson þjónar.   Organisti Örn Magnússon og kór kirkjunnar leiðir söng.

Sunnudagaskólinn hefst einnig klukkan 11.  Söngur og sögur fyrir krakka á öllum aldri.  Leitað verður að fjársjóðskistunni og auðvitað kíkjum við á þetta óvænta sem er í henni, þ.e.a.s. ef okkur tekst að opna hana.  Nína Björg djákni sér um stundina.

Hjartað fagnar!

Nú um helgina mun Kór Breiðholtskirkju halda árlega vortónleika sína.  Þeir verða laugardaginn 14. apríl kl. 16 í Skálholtsdómkirkju og sunnudaginn 15. apríl kl. 20 í Breiðholtskirkju.  Á efnisskrá kórsins verða sálmar eftir Þorkel Sigurbjörnsson og verk fyrir orgel og kór eftir Báru Grímsdóttur, Trond Kverno og Zoltán Kodály.  Verk Báru er samið við fjögur erindi úr upprisusálmi Hallgríms Pétussonar.  Lofsöngur Maríu eftir Trond Kverno er saminn fyrir orgel kór og tvo sópraneinsöngvara sem koma úr röðum kórfélaga.  Að lokum eru tvö verk eftir ungverska tónskáldið Zoltán Kodály.  Það fyrra, Pange Lingua (Tunga mín af hjarta hljóði), er samið við fornan sálm Thomas Aquinas og það síðara er tónsetning Kodály við Sálm 114 (Þegar Ísrael fór út af Egyptalandi).  Stjórnendur kórsins eru þau Marta Guðrún Halldórsdóttir og Örn Magnússon sem leikur einnig á orgelið á tónleikunum.  Enginn aðgangseyrir er að tónleikunum í Skálholtsdómkirkju.

Skírdagskvöld 5. apríl:  Messa kl. 20, prestur sr. Bryndís Malla Elídóttir, organisti Örn Magnússon, kór kirkjunnar syngur.  Messuhópur tekur virkan þátt, Getsemanestund í lokin þar sem slökkt er á ljósum og munir bornir af altari kirkjunnar.

Föstudagurinn langi 6. apríl:  Guðsþjónusta kl. 11, flutt verður litanía sr. Bjarna Þorsteinssonar.  Prestur sr. Gísli Jónasson, organisti Örn Magnússon, félagar úr kór kirkjunnar syngja.  Messuhópur les texta dagsins.

Páskadagur 8. apríl:  Hátíðarmessa kl. 8 árdegis.  Sr. Bryndís Malla Elídóttir prédikar og þjónar fyrir altari ásamt Nínu Björgu Vilhelmsdóttur djákna.   Organisti Örn Magnússon.  Í messunni mun kór kirkjunnar flytja páskasálm eftir sr. Hallgrím Pétursson, Hjartað fagnar, við tónverk Báru Grímsdóttur.  Tendrað verður á páskakertinu og messuhópur les ritningartexta og bænir.  Að messu lokinni verður morgunverður í safnaðarheimilinu þar sem allir eru hvattir til þess að taka eitthvað með sér til þess að leggja á sameiginlegt hlaðborð. 

Annar páskadagur 9. apríl:  Fermingarmessa kl. 13:30.  Prestar kirkjunnar þjóna, organisti Kjartan Sigurjónsson, kór kirkjunnar syngur.  Fermd verða:  Alexander Heiðar Ólason, Aníta Ýr Ómarsdóttir, Daníel Orrason, Elvar Smári Clausen Einarsson, Eric Kristinsson, Hafdís Rós Heimisdóttir, Hafsteinn Snær Þorsteinsson, Kristófer Anton Stefánsson, Róbert Finnbogason, Selma Rún Friðjónsdóttir, Sif Guðnadóttir, Sævar Ingi Sigurðarson, Viktor Bjarki Ómarsson, Þorbjörg María Sumarliðadóttir og Þórunn Eir Pétursdóttir.

Kyrrðar- og bænastund verður í kirkjunni n.k. miðvikudag og hefst hún klukkan 12 með tónlist.  Í stundinni er hægt að koma fram með bænarefni, þiggja máltíð Drottins og hlýða á hugleiðingu út frá ritningartexta dagsins.  Eftir stundina er boðið uppá létta hádegishressingu í safnaðarheimilinu.

Klukkan 13:30 hefst samverustund hjá félagsskapnum Maður er manns gaman.  Stundirnar eru hluti af almennu safnaðarstarfi og eru því allir velkomnir á þær.  Við fáum fyrirlestur frá Þjóðminjasafninu sem Helga Einarsdóttir safnkennari mun flytja.  Erindi hennar ber heitið “Í þá gömlu góðu daga”, einnig gefst okkur tækifæri á að skoða gamla muni sem hún tekur með sér úr safninu.  Spjall og vöfflukaffi í lok stundarinnar.  Allir velkomnir.

Sunnudagaskóli kl. 11 í umsjón Nínu Bjargar Vilhelmsdóttur.  Hvað gerðist á pálmasunnudag og hvar eru allar pálmagreinarnar?  Eru svörin í fjársjóðskistunni?  Djúshressing í lokin og kaffisopi fyrir foreldra.

Fermingarmessa kl. 13:30.  Prestar kirkjunnar þjóna, organisti Örn Magnússon og kór kirkjunnar syngur.  Fermd verða:  Aðalheiður Aðalsteinsdóttir, Alsatisha Sif Amon, Ármann Pétursson, Ásdís Helga Thors, Ásthildur Silva Eggertsdóttir, Birta Víðisdóttir, Bjarni Már Jónsson, Elíana Sigurjónsdóttir, Hafsteinn Aron Ævarsson, Halldóra Björg Jónasdóttir, Helga Rakel Björnsdóttir, Lára Sóllilja Óskarsdóttir, Rebekka Rut Benediktsdóttir, Steindór Gestur Guðmundarson Waage og Steinunn Ingibjörg Þorsteinsdóttir.

Sunnudagurinn 25. mars: 

Fjölskylduguðsþjónusta kl. 11 - látum ljós okkar skína!  Hressir krakkar úr TTT taka virkan þátt ásamt börnum úr Forskóla fermingarfræðslunnar sem starfað hefur í marsmánuði.  Skoðað verður í fjársjóðskistuna og fundinn þar dýrmætur fjársjóður.  Allir krakkar hvattir til þess að hafa með sér vasaljós! Örn organisti, Nína Björg djákni og Bryndís Malla prestur leiða stundina.   Pálínuboð í lokin þar sem allir leggja eitthvert meðlæti á sameiginlegt hlaðborð.     

Tómasarmessa kl. 20 - boðunardagur Maríu.  Fyrirbæn með handayfirlagningu, einnig verður boðið upp á smurningu sbr. Jak. 5:14.  Tónlistinni stjórnar Þorvaldur Halldórsson og sönghópur leiðir lofgjörðina.  Molasopi í safnaðarheimilinu að messu lokinni.   Yfirskirft messunnar eru orð engilsins til Maríu:  Drottinn er með þér.

Miðvikudaginn 21. mars verður áhugavert námskeið í safnaðarheimilinu sem hefst kl. 18 og lýkur kl. 21.  Fyrirlesari er sr. Kristján Valur Ingólfsson vígslubiskup í Skálholti.  Á námskeiðinu verður fjallað um hina fjölbreyttu þjónustu, skyldur, ábyrgð og ánægju starfsfólks kirkjunnar með sérstaka áherslu á hina óvígðu þjónustu leikmanna.  Námskeiðið er þátttakendum að kostnaðarlausu og boðið verður upp á súpu og brauð.  Skráning er í síma 528 4000 eða á kristin.arnardottir@kirkjan.is.

Bæna- og kyrrðarstund hefst klukkan 12.  Tónlist, fyrirbænir, hugleiðing og máltíð Drottins.  Í kyrrðarstundinni sameinast margir í bæn og styrkjast í trú, von og kærleika.  Eftir stundina er boðið upp á léttan hádegismat í safnaðarheimili kirkjunnar.

Klukkn 13:30 hefst páskaeggja bingó í samverustund hjá Maður er manns gaman. Samverustundirnar, sem eru haldnra annan hvern miðvikudag, eru hluti af safnaðarstarfi kirkjunnar og eru allir hjartanlega velkomnir í stundirnar.

TTT hópurinn ætlar að labba í Salalaug og fá sér sundsprett.  Lagt verður af stað frá kirkjunni klukkan 15:45.

Kirkjukórinn æfir alla miðvikudaga klukkan 19:30 í kirkjunni.

Sunnudaginn 18. mars verður hin árlega Skaftfellingamessa kl. 14.  Prestar og kirkjukórar úr Vestur-Skaftafellssýslu koma í heimsókn og taka þátt í messunni ásamt Skaftfellingakórnum.   Sr. Haraldur M. Kristjánsson sóknarprestur í Vík prédikar og auk hans þjóna sr. Bryndís Malla Elídóttir, sr. Gísli Jónasson og sr. Ingólfur Hartvigsson sóknarprestur á Kirkjubæjarklaustri.  Organistar eru þau Brian Haroldsson, Friðrik Vignir Stefánsson, Kári Gestsson og Kristín Björnsdóttir.  Að messu lokinni verður Skaftfellingafélagið með kaffisölu í safnaðarheimilinu þar sem kórinn mun syngja nokkur létt og skemmtileg lög.  Skaftfellingamessan er tilvalið tækifæri til þess að hitta vini og sveitunga og njóta samverunnar í húsi Drottins.

Sunnudagaskólinn verður á sínum stað kl. 11 sunnudaginn 18. mars.  Umsjón hefur Steinunn Leifsdóttir.  Fjársjóðskistan, Biblíusögur og söngur við allra hæfi.  Djúshressing í lokin.

Góður hópur barna í 7. bekk tekur nú þátt í Forskóla fermingarfræðslunnar sem er undirbúningur fyrir fermingarfræðslu næsta vetrar.  Forskólinn er á laugardögum í marsmánuði frá kl. 10 til 13.  Biblíusögur eru í forgrunni fræðslunnar og ýmis verkefni unnin út frá þeim, t.d. leikrit, málverk, klippimyndir ofl.  Tvær samverur eru nú eftir í Forskólanum, laugardaginn 17. mars og laugardaginn 24. mars og því enn tækifæri til þess að bætast í hópinn.  Allar nánari upplýsingar í síma 587 1500.