Breiðholtskirkja

Sunnudagaskóli kl. 11.  Nína Björg Vilhelmsdóttir djákni sér um stundina.  Biblíusaga sögð með myndum, söngur og bænir við allra hæfi.  Almanak Kristniboðssambandsins að gjöf og djúshressing í lokin.

Messa kl. 11.  Sr. Bryndís Malla Elídóttir prédikar og þjónar fyrir altari.  Organisti Örn Magnússon og kór kirkjunnar syngur.  Messuhópur tekur virkan þátt og fermingarbörn tendra ljós á altarinu og hringja kirkjuklukkum.  Tekið verður við framlögum til Kristniboðssambandsins.  Molasopi í safnaðarheimilinu að messu lokinni.

Þriðjudaginn 8. nóvember munu fermingarbörn vetrarins ganga í hús í hverfinu og safna peningum fyrir Hjálparstarf kirkjunnar.  Með söfnuninni eru börnin að styrkja jafnaldra sína í Afríku sem ekki hafa aðgang að hreinu vatni.  Markmiðið er að safna sem nemur andvirði þess að byggja einn brunn sem mun sjá fjölmörgum fyrir hreinu vatni um langan tíma.  Við hvetjum alla til þess að taka vel á móti fermingarbörnunum og munum að margt smátt gerir eitt stórt.

Heldur samverustund í kirkjunni á morgun, miðvikudag, klukkan 13:30.  Við ætlum að spila bingó og Hreinn Eyjólfsson ætlar að spila fyrir okkur á harmonikku.  Kaffisopi og kleina í lok stundarinnar.  Allir hjartanlega velkomnir.

Kyrrðarstundin er á sínum stað og hefst klukkan 12 líkt og alla miðvikudaga.  Eftir stundina er boðið upp á hádegishressingu.

TTT fundur hefst klukkan 16 á miðvikudag.  Við byrjum að æfa leikritið ,,Þú ert frábær´´  og hvetjum alla áhugasama að mæta og vera með.  TTT er fyrir krakka á aldrinum 10 - 12 ára.

Sjáumst í kirkjunni ;)

Sunnudagurinn 6. nóvember:  Sunnudagaskóli kl. 11 í umsjón Nínu Bjargar Vilhelmsdóttur djákna.  Biblíusaga, söngur og kærleiksríkt samfélag í safnaðarheimili kirkjunnar.  Djúshressing í lokin og mynd til þess að taka með sér heim.

Messa kl. 11.  Prestur sr. Sigurjón Árni Eyjólfsson, organisti Örn Magnússon kór kirkjunnar syngur.  Messuhópur tekur virkan þátt og fermingarbörn eru hvött til þáttttöku með Messulykilinn með sér.  Molasopi í safnaðarheimilinu að messu lokinni.

Hvað er það sem gerir okkur frábær?  Við ætlum að komast að því í TTT starfinu á næsta fundi (sem er á miðvikudag kl. 16:00).  Ef þú ert forvitin og á aldrinum 10 - 12 ára komdu þá endilega og vertu með, það vantar einmitt þig í hópinn!

Bæna- og kyrrðarstundir eru alla miðvikudaga klukkan 12 í kirkjunni, stundin er u.þ.b. 40 mínútur. Hægt er að koma með bænaefni í stundinni eða með því að hringja í kirkjuna í síma 587-1500.  Eftir kyrrðarstundina er boðið upp á létta hádegishressingu í safnaðarheimilinu.  Allir velkomnir.

Fjölskylduguðsþjónusta kl. 11.  Prestur sr. Bryndís Malla Elídóttir, organisti Örn Magnússon.  Stúlkur úr barnakór kirkjunnar syngja og auk þess taka hressir krakkar úr kirkjukrakkastarfinu virkan þátt.  Hressing í safnaðarheimilinu að stundinni lokinni.

Tómasarmessa kl. 20.  Er hægt að sjá Guð?  Hvað heldur þú?  Tómasarmessan leitar svara í orði Drottins og í máltíð Drottins.  Einnig má leita persónulegra svara í fyrirbæninni sem boðið er upp á í messunni.  Þorvaldur Halldórsson sér um tónlistina og leiðir söfnuðinn í lofgjörð til frelsarans.  Molasopi í safnaðarheimilinu að messu lokinni. 

Verið velkomin í kirkju á sunnudaginn og takið með ykkur gesti!

Athugið að fermingarfræðslutímarnir eru eins og venjulega í dag.  Fyrri hópur kl. 15:15 og síðari hópur kl. 16:15.  Í dag verður fjallað um boðorðin 10.

Í kvöld (þriðjudagskvöld) milli klukkan 20 og 22 er kaffihúsakvöld í kirkjunni.  Allir eru velkomnir að koma og fá sér kaffi/tebolla og kökusneið með og eiga notalegt spjall.  Rétt fyrir níu mætir Margrét til okkar og flytur stutt erindi um meðvirkni.

Sunnudagaskóli kl. 11 í umsjón Nínu Bjargar djákna og Gottskálk verður með gítarinn með sér.  Í sunnudagaskólanum eru sagðar sögur úr Biblíunni og mikið sungið.  Á sunnudaginn verður einnig sagt frá verkefninu “Jól í skókassa” sem er tilvalið fjölskylduverkefni.

Messa kl. 11, sr. Gísli Jónasson prédikar og þjónar fyrir altari.  Organisti Örn Magnússon og Hljómeyki syngur.  Messuhópur 2 tekur virkan þátt og les m.a. ritningartexta og bænir.  Molasopi í safnaðarheimilinu að messu lokinni.

Það er mikið líf og fjör í barnastarfinu hjá okkur á haustdögum.  Börnin koma með bros á vör í kirkjuna sína og bíða þess að heyra meira af Jesú og boðskap hans.  Kirkjukrakkar eru þessa dagana að velja saman dót til að setja í skókassa sem síðan verður sendur til Úkraínu.  Þau eru að taka þátt í verkefninu ,,Jól í skókassa´´.

TTT-starfið er fyrir krakka á aldrinum tíu til tólf ára.  Nýverið var haldin hönnunarkeppni hjá þeim þar sem verkefnið var að útbúa mætingarskirteini.  Það er greinilegt að hópurinn er mjög skapandi og því reyndist það dómaranum honum Halldóri kirkjuverði örðugt verkefni að velja sigureintakið.  En það var hún Arna Þóra sem bar sigur úr býtum með mætingarskirteini sem var hönd.  Nú ætlar hver og einn TTT félagi að útbúa sitt mætingarskirteini sem verður ,,mót´´ af hendi viðkomandi.

TTT hópurinn hittist í kirkjunni alla miðvikudaga klukkan 16 - 17.  Kirkjukrakkar, það er starf fyrir krakka á aldrinum 6-9 ára, eru með fundi á fimmtudögum klukkan 16 - 17.  Alltaf hægt að bætast í hópinn :)