Breiðholtskirkja

Kyrrðarstund og barnastarf í dag, miðvikudaginn 3. apríl

Kyrrðarstund kl. 12, orð Drottins, íhugun og fyrirbæn.

Kirkjukrakkar kl. 16 – pizzupartý fyrir hressa krakka.

TTT kl. 17:30 – flatbökuveisla!

Skírdagskvöld messa kl. 20.  Sr. Gísli Jónasson þjónar, síðustu kvöldmáltíðarinnar minnst.  Getsemanestund í lok messunnar þar sem slökkt er á kertum og munir teknir af altarinu og 5 rauðar rósir settar í staðinn sem eiga að minna á sár Krists.

Föstudagurinn langi guðsþjónusta kl. 11.  Sr. Bryndís Malla Elídóttir þjónar, píslarsagan lesin og íhuguð.

Páskadagsmorgunn hátíðarmessa kl. 8 árdegis.  Sr. Gísli Jónasson þjónar, páskakertið tendrað sem lýsir í kirkjunni sem vitnisburður um sigur lífsins.  Kór kirkjunnar flytur tónverk Báru Grímsdóttur við upprisusálm Hallgríms Péturssonar:  “Hjartað fagnar”.  Að messu lokinni verður sameiginlegur morgunverður í safnaðarheimilinu, þar sem kirkjugestir eru hvattir til að taka með sér eitthvert meðlæti á sameiginlegt morgunverðarhlaðborð.  Þessi samvera á páskadagsmorgni er ákaflega ánægjuleg og ómissandi þeim sem einu sinni hafa tekið þátt.

Annar páskadagur fermingarmessa kl. 13:30.  Prestar kirkjunnar þjónar,  fermd verða:  Alexander Ingi Arnarsson, Díana Sif Gunnlaugsdóttir, Eldar Máni Gíslason, Heimir Steinn Vigfússon, Hinrik Darri Ellertsson, Janus Óli Elvarsson, Kjartan Fannberg Bjarnason, Nick Gísli Janssen, Patrekur Leó Róbertsson, Rebekka Eva Valsdóttir, Sara Ívarsdóttir, Sigurgeir Andri Ágústsson, Þórhildur Katrín Baldursdóttir og Þórir Snær Bjarnason.

Organisti í öllum messunum er Örn Magnússon og kór kirkjunnar syngur.

Gleðilega páska!

Kyrrðarstund á morgun miðvikudaginn 27. mars kl. 12, orgelleikur, íhugun út frá píslarsögu frelsarans, altarisganga og fyrirbæn.  Léttur hádegisverður í safnaðarheimilinu að lokinni stundinni.

Páskaeggjabingó hefst síðan í safnaðarheimilinu kl. 13:15.  Þórey og Valgerður stjórna bingóinu, spjöldin verða seld á vægu verði og rennur ágóðinn í ferðasjóð vorsins.  Kaffi og meðlæti í lokin.   Allir velkomnir.

Fjölskylduguðsþjónusta kl. 11.  Sr.  Bryndís Malla og Þórey Dögg djákni sjá um stundina.  Halldór Arnarson leikur á píanó.  Söngur,  gleði, fjársjóðskista og leitin að pálmagreinunum.  Súkkulaðikaka og ísköld mjólk fyrir alla í lokinn.

Tómasarmessa kl. 20.  Yfirskrift messunnar er “Hver er hann”?  Hugleiðing um boðskap pálmasunnudags og fyrirbæn fyrir hverjum sem þess óska.  Fjölbreytt tónlist sem Þorvaldur Halldórsson sér um ásamt sönghópi.  Molasopi í safnaðarheimilinu að messu lokinni.

“Hósanna syni Davíðs!  Blessaður sé sá sem kemur, í nafni Drottins!  Hósanna í hæstum hæðum!”

Á foreldramorgninum næst komandi föstudag verður kennd skyndihjálp er tekur mið af ungum börnum.  Guðrún hjúkrunarfræðingur frá Heilsugæslunni sér um kennsluna sem einnig verður verkleg þar sem notast verður við dúkku.  Frábært tækifæri fyrir foreldra ungra barna að læra rétt viðbrögð.  Námskeiðið er ókeypis og að sjálfsögðu verður boðið upp á kaffi og létt meðlæti.  Foreldramorguninn hefst kl. 10 og stendur til kl. 12, umsjónin er í höndum Emilíu.  Allir eru hjartanlega velkomnir.

Sunnudaginn 17. mars kl. 20 – hátíðartónleikar.

Frumflutt verður afmælisverkið “Rennur upp um nótt” eftir Hróðmar Inga Sigurbjörnsson tónskáld, við ljóð Ísaks Harðarsonar.  Verkið er samið fyrir kórinn í tilefni af 25 ára vígsluafmæli kirkjunnar og 40 ára afmæli kórsins.  Auk kórsins taka þátt í flutningnum tveir einsöngvarar, þau Marta Guðrún Halldórsdóttir sópransöngkona og Hafsteinn Þórólfsson baritón.  Hljóðfæraleik annast Guðný Einarsdóttir organisti, Sigurður Halldórsson sellóleikari og Elísabet Waage hörpuleikari.  Auk þess er leikið á klukkuspil kirkjunnar í verkingu.  Tónleikunum líkur svo með flutningi á mótettu J.S. Bach “Jesú meine Freude” sem er eitt af stórverkum tónbókmenntanna og af mörgum talið eitt fegursta verk tónskáldsins.  Stjórnandi á tónleikunum er Örn Magnússon.  Aðgangseyrir er kr. 3500.

Hin árlega Skaftfellingamessa verður nk. sunnudag 17. mars kl. 14.  Sr. Gísli Jónasson og sr. Bryndís Malla Elídóttir þjóna ásamt sr. Sigurði Kr. Sigurðssyni sóknarprestir á Höfn í Hornafirði.  Sr. Gunnar Stígur Reynisson prestur Hafnarsóknar prédikar.  Skaftfellingakórinn í Reykjavík syngur, organistar eru Friðrik Vignir Stefánsson og Kristín Jóhannesdóttir.  Kaffisala Skaftfellingafélagsins í safnaðarheimilinu að messu lokinni.

Sunnudagaskólinn verður á sínum stað kl. 11 í umsjá Þóreyjar Daggar Jónsdóttur djákna.  Fjársjóðskista, Biblíusaga og fjörugur söngur.  Mynd til að lita í lokin og spjall yfir kaffibolla eða djúsglasi.

13. mars 2013 eru 25 ár síðan Breiðholtskirkja var vígð.  Af því tilefni verður viðamikil dagskrá þar sem tímamótanna er minnst með margvíslegum hætti.  Á sjálfan afmælisdaginn nk. miðvikudag verður afmælishátíð frá hádegi og fram á kvöld.

Kl. 12:00 kyrrðarstund með hugleiðingu, fyrirbæn og máltíð Drottins.  Léttur hádegisverður í safnaðarheimilinu að stundinni lokinni.

Kl. 13:15 samvera eldri borgara.  Hljómsveitin Friðarliljurnar leikur og syngur, einsöngur, leynigestur og hnallþóruboð.

Kl. 16:00 kirkjukrakkar, afmælishátíð, kaka, blöðrur og afmælisleikir

Kl. 17:30 TTT, afmæliskaka, gleði og glens

Kl. 20:00 Hátíðarmessa.  Prestar og djákni kirkjunnar þjóna ásamt sóknarnefnd.  Biskup Íslands frú Agnes M. Sigurðardóttir prédikar.  Kór kirkjunnar syngur undir stjórn Arnar Magnússonar.  Ásgeir Steingrímsson og Eiríkur Örn Pálsson leika á trompet.  Skólahljómsveit Árbæjar- og Breiðholts leikur létt lög í anddyri kirkjunnar áður en messan hefst.  Kvennfélag Breiðholts býður kirkjugestum í afmæliskaffi að messu lokinni þar sem sýndar verða ljósmyndir úr safnaðarstarfinu.

Komum saman, fögnum afmæli kirkjunnar og bjóðum með okkur gestum!

Messa kl. 11, sr. Gísli Jónasson þjónar.  Örn Magnússon leikur á orgelið og Hljómeyki syngur.  Messuhópur tekur virkan þátt, les bænir, ritningarlestra ofl.  Molasopi í safnaðarheimilinu að messu lokinni.

Sunnudagaskóli kl. 11, Ólöf Margrét hefur umsjón með stundinni.  Biblíusaga í máli og myndum, fjársjóðskista og fjörug sunnudagaskólalög.  Mynd til að lita í lokin og djúshressing.

Kirkjukrakkastarfið og TTT fellur niður í dag, miðvikudaginn 6. mars, vegna veðurs.  Þórey djákni verður þó á staðnum.