Breiðholtskirkja

 

Það er gott að hjálpa til.

Halló kæru vinkonur og vinir.

Vonandi gengur ykkur vel að vinna gott verk heima, heimsækja ömmu og afa, hjálpa mömmu og pabba, týna upp rusl í garðinum eða hvað eina sem ykkur dettur í hug. Hittumst hress á morgun (miðvikudag) og tökum með okkur hjörtun góðu. Endilega kíkið á myndirnar frá síðasta fundi Lesa áfram …

Nína Björg Vilhelmsdóttir, 14/10 2008

Sunnudagurinn 12. október

Messa kl. 11 prestur dr. Sigurjón Árni Eyjólfsson, organisti Julian E. Isaacs sem einnig stjórnar kór kirkjunnar.  Textar næst komandi sunnudags fjalla um það að Guði er annt um líf okkar, heimili og samfélag.  Guð hefur einnig heitið því í orði sínu að styðja okkur í öllu okkar lífi og starfi. 

Sunnudagaskólinn er á sínum stað kl. 11 og spennandi að sjá hvað komi nú upp úr fjársjóðskistunni.  Umsjón með sunnudagaskólanum hafa Nína, Linda, Karen og Jóhann.

Að lokinni messu og sunnudagaskóla verður boðið upp á súpu, brauð og spjall í safnaðarheimilinu.

Bryndís Malla Elídóttir, 9/10 2008

Hátíð í bæ

Það var sannarlega góður dagur hjá okkur á hausthátíð kirkjunnar. Stundin hófst inni í kirkjunni þar sem kveikt var á kertum og yngri barnakórinn söng fyrir okkur. Séra Malla fjallaði um hversu mikil blessun væri að fá haustrigninguna. Eftir það var við hæfi að halda út í haustið og halda þar hátíðinni áfram.

Í garðinum okkar var búið að setja upp skemmtilegar þrautir og leiki. Og ekki má gleyma rjúkandi pylsunum af grillinu, sem voru býsna bragðgóðar. Lesa áfram …

Nína Björg Vilhelmsdóttir, 8/10 2008

Kyrrðar- og bænastund

Alla miðvikudaga er kyrrðar- og bænastund kl. 12 í kirkjunni.  Beðið er nú í þessari viku sérstaklega fyrir þeim aðstæðum sem eru í þjóðfélaginu og þeim mörgu sem þjást af kvíða og áhyggjum.  Einnig er hægt að koma bænarefnum á framfæri við presta kirkjunnar.   Í kyrrðarstundinni sameinast margir í bæn og styrkjast í trú, von og kærleika.  Eftir stundina er boðið upp á léttan hádegismat í safnaðarheimili kirkjunnar.

Bryndís Malla Elídóttir, 7/10 2008

Sunnudagaskóli og messa

Sunnudaginn 5. október verður messa og sunnudagaskóli kl.11.  Prestur er sr. Gísli Jónasson og organisti  Julian E. Isaacs, kór kirkjunnar syngur.   Í messunni mun fyrsti messuhópurinn taka virkan þátt en það starf er nú að hefjast í Breiðholtskirkju.  Að lokinni messu verður boðið upp á kaffisopa í safnaðarheimilinu.  Í sunnudagaskólanum verður fjársjóðskistan dregin fram og skoðað hvað leynist í henni að þessu sinni.  Umsjón með barnastarfinu hafa Nína Björg, Karen Ósk, Linda Rós og Jóhann. Börn á öllum aldri eru velkomin í sunnudagaskólann.

Bryndís Malla Elídóttir, 3/10 2008

Fyrsta Tómasarmessa vetrarins

Tómasarmessur hafa verið haldnar í Breiðholtskirkju síðustu ellefu ár við miklar vinsældir.  Tómasarmessurnar bera nafn þess postula sem átti erfiðast með að trúa upprisu Jesú Krists nema hann fengi sjálfur að þreifa á sárum hans.  Messurnar eru hugsaðar fyrir alla þá sem kunna að vera í sömu sporum og Tómas og vilja skynja í máltíð Drottins eða fyrirbæn nærveru Guðs.  Stór hópur fólks kemur að undirbúningu og þjónustu fyrir hverja messu.  Þorvaldur Halldórsson stjórnar tónlistinni og syngur ásamt sönghóp en tónlistin er fjölbreytt og á léttum nótum.  Tómasarmessurnar eru síðasta sunnudag hvers mánaðar og hefjast í kirkjunni kl. 20 

Bryndís Malla Elídóttir, 24/9 2008

Hausthátíð kirkjunnar

Sunnudaginn 28. september verður haustinu fagnað í Breiðholtskirkju með hátíð í og við kirkjuna kl. 11.  Eftir fjölskyldustund í kirkjunni verður boðið upp á leiki og þrautir utan dyra, haustkórónugerð og parísarþrautir, grillaðar pulsur og ýmislegt fleira.  Haustinu fylgir ekki bara rok og rigning heldur svo margt annað sem gott er að gleðjast yfir og taka fagnandi á móti á hausthátíð kirkjunnar.

Bryndís Malla Elídóttir, 24/9 2008

Biblíulestrarnir að hefjast

Biblíulestrar í umsjón dr. Sigurjóns Árna Eyjólfssonar hefjast í safnaðarheimili kirkjunnar fimmtudagskvöldið 25. september kl. 20.   Þetta haustið verður fjallað um Guðsríkisboðun Jesú og hvernig sá boðskapur túlkar samband veraldlegs og andlegs valds, Guðs og Mammóns. Lesa áfram …

Bryndís Malla Elídóttir, 22/9 2008

Sunnudagaskóli og messa

Messa og sunnudagaskóli kl. 11 næst komandi sunnudag 21. september.  Prestur sr. Gísli Jónasson, organisti Julian E. Isaacs, kór kirkjunnar leiðir almennan safnaðarsöng.  Kaffisopi í safnaðarheimilinu eftir messu. 

Sunnudagaskólinn býður upp á fjöruga og uppbyggilega samveru í safnaðarheimilinu.  Lesa áfram …

Bryndís Malla Elídóttir, 18/9 2008

Vel heppnuð samvera eldri borgara

Í gær var fyrsta samvera eldri borgara í Breiðholtskirkju eftir sumarleyfi.  Í tilefni af “Breiðholtsdögum” sá Kvennfélag Breiðholts um dagskrá fundarins.  Birna G. Bjarnleifsdóttir sagði frá gamla Breiðholtsbænum og sýndi ýmsar myndir og höfðu viðstaddir mikla ánægju af erindi hennar.  Kvennfélagið bauð síðan upp á kaffihlaðborð eins og þeim einum er lagið.   Lesa áfram …

Bryndís Malla Elídóttir, 18/9 2008

Kirkjan er opin þriðjudaga og miðvikdaga frá 9:00-17:00 og fimmtudaga og föstudaga frá 9:00-14:00, s: 587 1500

Sóknarprestur er sr. Þórhallur Heimisson og prestur sr. Gísli Jónasson, viðtalstími þriðjudaga til föstudaga kl. 11-12.

Þriðjudagur

Kl. 11-12 viðtalstími presta
Kl. 14:30 fermingarfræðsla
Kl. 15:45 fermingarfræðsla

Dagskrá ...