Bíldudals- og Tálknafjarðarprestakall

Guðsþjónusta verður í Tálknafjarðarkirkju sunnudaginn 14. nóvember kl. 11.

Börn úr sunnudagskólanum og tónlistarskólanum taka þátt í guðsþjónustuinni.

Allir eru hjartanlega velkomnir!

Svanborg Guðmundsdóttir

Útför Svanborgar Guðmundsdóttur frá Bíldudal fer fram frá Bíldudalskirkju laugardaginn 23. október 2010 kl. 11.

Svanborg fæddist á Kvígindisfelli í Tálknafirði 25. desember 1921. Hún lést á Heilbrigðisstofnuninni Patreksfirði 15. október sl.

Sr. Ásta Ingibjörg Pétursdóttir jarðsyngur. Jarðsett verður í Bíldudalskirkjugarði.

Guðsþjónusta verður í Tálknafjarðarkirkju sunnudaginn 17. október kl. 14.

Allir eru hjartanlega velkomnir!

Þröstur Jóhannesson

Þröstur Jóhannesson ætlar í tilefni af væntanlegri sólóplötu að bjóða Vestfirðingum uppp á tónleika í október og nóvember.

Þröstur mun troða upp einn síns liðs með kassagítarinn og kynna nýtt efni í bland við eldra í Tálknafjarðarkirkju sunnudaginn 17. október kl. 17.

Tónleikar Þrastar eru styrktir af Menningarráði Vestfjarða og er ókeypis inn á tónleikana.

Sunnukórinn

Sunnukórinn blæs til tónleika í Tálknafjarðarkirkju laugardaginn 9. október kl. 16.

Aðgangseyrir er kr. 1500 en ókeypis er fyrir börn yngri en 12 ára.

Stjórnandi kórsins er Ingunn Ósk Sturludóttir en píanóleikari er Sigríður Ragnarsdóttir.

Aðalfundur sóknarnefndar Bíldudalssóknar verður haldinn í Gamla skóla, safnaðarheimili sóknarinnar, miðvikudaginn 29. september kl. 20.

Allir velkomnir.

Guðsþjónusta verður í Bíldudalskirkju sunnudaginn 26. september kl. 14.

Allir eru hjartanlega velkomnir!

Fjölskyldumessa verður í Tálknafjarðarkirkju sunnudaginn 19. september kl. 14.

Hulda Karlsdóttir kemur og kynnir Hjálparstarf kirkjunnar. Eftir messu verður boðið upp á kaffi.

Allir eru hjartanlega velkomnir!

Vinir í bata

Kynningarfundur tólf spora starfs verður í Tálknafjarðarkirkju föstudagskvöldið 10. september kl. 20.

Fundurinn er öllum opin og reiknað er með að hann standi í tvær klukkustundir.

Fyrsti fundur verður haldinn í beinu framhaldi laugardaginn 11. september frá kl. 10-14. Fyrsti fundur er opinn öllum en hópum verður síðan lokað á fjórða fundi.

Í tólf spora starfi felst tækifæri til að skoða líf sitt, tala, hlusta, þroskast og öðlast meiri færni í að takast á við sjálfan sig og lífið.

Besta leiðin til að kynnast þessu frábæra ferðalagi er að mæta í Tálknafjarðarkirkju, en einnig má fá frekari upplýsingar á viniribata.is eða hringja í sr. Ástu I. Pétursdóttur, sóknarprest, í síma 861 3604.

Á viniribata.is má lista yfir algeng hegðunarmynstur þar sem tólf sporin geta hjálpað.

Guðsþjónusta verður í Bíldudalskirkju sunnudaginn 22. ágúst kl. 11.

Allir eru hjartanlega velkomnir!