Bíldudals- og Tálknafjarðarprestakall

Mótorhjólamessa í Haga á Barðaströnd

Á sunnudaginn síðasta fór fram mótorhjólamessa í Haga á Barðaströnd.

Messan var haldin í samvinnu við Bifhjólaklúbbinn Þeysi en í klúbbnum eru margir riddarar götunnar á suðursvæði Vestfjarða. Messan var vel sótt þrátt fyrir að veðurútlit væri tvísýnt en sól og blíða mætti kirkjugestum eftir messu þar sem boðið var upp á hressingu. Hljómsveit lék sálma og lög í messunni og mæltist það vel fyrir hjá kirkjugestum.

Þetta er í fyrsta skipti sem messað er til heiðurs bifhjólafólki á svæðinu svo vitað sé.

Hólmavíkurkirkja hefur verið valin í verkefni Kirkjuráðs sem felst í því að koma þinglýsingum kirkjulegra eigna í viðundandi horf.

Kirkjuráð ákvað að taka út nokkrar kirkjur í dreif- og þéttbýli til að fá reynslu af verkferlinu sem þessu fylgir og var Hólmavíkurkirkja m.a. fyrir valinu. Sveitarstjórn Strandabyggðar tók erindi Kirkjuráðs fyrir á dögunum og samþykkti samhljóða að taka þátt í þessu verkferli.

Hagakirkja

Guðsþjónusta verður í Hagakirkju á Barðaströnd sunnudaginn 6. september kl. 14. Guðsþjónustan er haldin í samvinnu við Bifhjólaklúbbinn Þeysi http://theysir.123.is.

Sr. Ásta Ingibjörg Pétursdóttir predikar og hljómsveit leikur lög og sálma.

Allir eru hjartanlega velkomnir.

Hjálmtýr Adólf Hrómundsson

Útför Hjálmtýs Adólfs Hrómundssonar frá Bíldudal fer fram frá Bíldudalskirkju laugardaginn 15. ágúst 2009 kl. 14.

Hjálmtýr Adólf var fæddur 2. apríl 1922 í Rafstöðinni í Bíldudal en lést 2. ágúst síðastliðinn á Heilbrigðisstofnuninni Patreksfirði.

Sr. Leifur Ragnar Jónsson jarðsyngur. Jarðsett verður í Bíldudalskirkjugarði.

Tálknafjarðarkirkja

Guðsþjónusta verður í Tálknafjarðarkirkju sunnudaginn 26. júlí kl. 14.

Sr. Ásta Ingibjörg Pétursdóttir predikar, Marion G. Worthmann er organisti og stjórnar kór Tálknafjarðarkirkju. Allir eru hjartanlega velkomnir.

Guðþjónusta verður í Bíldudalskirkju sunnudaginn 28. júní á fjölskylduhátíðinni Bíldudals grænum…

Sr. Ásta Ingibjörg Pétursdóttir predikar, Marion G. Worthmann er organisti og Nathalia Druzin mezzosópran syngur einsöng. Allir eru hjartanlega velkomnir.

Stóra-Laugardalskirkja

Á Jónsmessu, 24. júní,  verður miðnæturmessa í Stóra-Laugardalskirkju í Tálknafirði kl. 23:30.

Allir eru hjartanlega velkomnir

Sóknarpresturinn.

Biskup Íslands, herra Karl Sigurbjörnsson, opnaði í dag nýjan vef fyrir Bíldudals- og Tálknafjarðarprestakall.

Herra Karl er í vísitasíuferð um Vestfirði. Í gær messaði hann í Haga á Barðaströnd og í dag verður messa í Tálknafjarðarkirkju kl. 20.

Í Bíldudalskirkju var bænastund í hádeginu og á eftir opnaði herra Karl vefinn í Gamla skólanum á Bíldudal, safnaðarheimili Bíldudalskirkju. Að lokinni heimsókn í Bíldudals- og Tálknafjarðarprestakall er förinni heitið í Patreksfjarðarprestakall.

Slóðin á vefinn er http://www.kirkjan.is/bt

Herra Karl Sigurbjörnsson, biskup Íslands, sr. Ásta Ingibjörg Pétursdóttir, sóknarprestur, Jörundur Garðarsson, sóknarnefndarmaður og sr. Agnes Sigurðardóttir, prófastur

Biskup Íslands, herra Karl Sigurbjörnsson

Herra Karl Sigurbjörnsson, biskup Íslands, vísiterar Vestfirði dagana 4.-14. júní.

Vísitasían hefst á Suðureyri á fimmtudagskvöld með messu í Suðureyrarkirkju. Næstu tvo daga vísiterar biskup sóknir í Þingeyrarprestakalli, en vísiterar svo Reykhólaprestakall, Bíldudals- og Tálknafjarðarprestakall og Patreksfjarðarprestakall. Ferð biskups um Vestfirði lýkur svo með messu í Flatey sunnudaginn 14. júní kl. 14.

Þriðjudagur 9. júní
Kl. 20.00 Messa í Hagakirkju

Miðvikudagur 10. júní
Kl. 11.30 Bænastund í Bíldudalskirkju
Kl. 20.00 Messa í Tálknafjarðarkirkju

Fimmtudagur 11. júní
Kl. 11.00 Helgistund á Sjúkrahúsinu á Patreksfirði

Föstudagur 12. júní
Kl. 13.00 Helgistund í Saurbæjarkirkju á Rauðasandi
Kl. 20:00 Messa í Patreksfjarðarkirkju og messukaffi á eftir í safnaðarheimilinu

• Dagskrá heimsóknarinnar

Fermingarmessa verður í Bíldudalskirkju á hvítasunnudag 31. maí, kl. 13:30.

Fermdar verða tvær stúlkur:

• Birna Björk Benediktsdóttir og
• Lovísa Rut Jónsdóttir.

Allir hjartanlega velkomnir til messu.