Þú finnur kirkjuna einnig á   fr yt Tw fb

Þjóðkirkjan

biðjandi boðandi þjónandi

Dagbók - atburður

Konudagsguðsþjónusta í SelfosskirkjuVeffang: http://kirkjan.is/dagbok/atburdur/10165

Framundan er spennandi og skemmtileg helgi í Selfosskirkju. Undanfarið hafa kvenraddirnar í Kirkjukór Selfosskirkju, Kirkjukór Hveragerðis- og Kotstrandasókna og Unglingakórinn æft saman með Kristjönu Stefánsdóttur. Tónleikarnir verða á sunnudaginn kl. 17 og mun Kristjana syngja einsöng. Þar sem konurnar verða uppteknar við æfingar höfum við fengið til liðs við okkur góða gesti á sunnudaginn til að syngja í messu, það eru félagar úr Karlakór Hreppamanna en stjórnandinn þeirra er einmitt Edit A. Molnár organisti í Selfosskirkju. Þeir munu annast söng í konudagsguðsþjónustu í kirkjunni, einnig mun Viktor Kári Garðarsson félagi í Barnakór Selfosskirkju syngja einsöng með þeim. Þetta verður óhefðbundin guðsþjónusta enda fá karlaraddirnar gott tækifæri til að þenja raddböndin til heiðurs konunum og verður mikið sungið, inn á milli lestra og prédikunar. Það verður því sannkölluð tónlistarveisla í kirkjunni á konudaginn og verið öll velkomin!

Sjá nánar: selfosskirkja.is

19. febrúar 2017