Dalaprestakall

Sunnudaginn 15. ágúst kl 14 verður messað í Dagverðarneskirkju.  Sr. Elína H. Kristjánsdóttir þjónar fyrir altari og sr. Gunnþór Þ. Ingason prestur á sviði þjóðmenningar prédikar. Halldór Þórðarson leikur á harmonikku, Sigrún Halldórsdóttir á klarinettu og Ríkarður Jóhannsson á saxofón.

Fyrr um daginn  kl. 12.30 verður gengið í helgigöngu frá kirkjunni með keltneskan sólarkross í nágrenni hennar. Prestarnir leiða helgistundir við Altarishorn og Kirkjuhóla og Kristín Finndís Jónsdóttir sem á rætur á nesinu og hefur nú umráð yfir bænum á kirkjustaðnum lýsir umhverfi og kennileitum. Eftir messuna býður hún kirkjugestum í kirkjukaffi.

Ásamt forustuliði Dalaprestakalls standa Menningar- og ferðamálanefnd Dalabyggðar og Starfshópur þjóðkirkjunnar um helgistaði á föruleiðum að þessu helgihaldi komandi sunnudag á Dagverðarnesi. Ánægjulegt væri að sem flestir tækju þátt í því.

Í þjóðsögum og munnmælum Jóns Þorkellssonar er þessa bæn að finna:

Lesa áfram …

Eftir indæla helgigöngu er rétt að segja frá og birta myndir frá göngunni og helgistundunum.

Göngumenn komu á bifreiðum sínum að Krosshólaborg og fóru þaðan klukkan 14 að Auðartóftum í skólabíl.

Halla í Auðartóft.

Lesa áfram …

Helgiganga í minningu Auðar djúpúðgu verður farin laugardaginn 19. júní í Dölum, þar sem hún nam land fyrir rúmum 1100 árum. Auður djúpúðga Ketilsdóttir var eina konan í hópi landnámsfólks sem fór fyrir eigin leiðangri til Íslands og ein fárra þeirra sem Landnámabók segir að hafi verið kristinnar trúar. Lesa áfram …

Á sunnudaginn, 13. júní, verða messur í Hvammskirkju kl. 11 og í Snóksdalskirkju kl. 14.  Fermt verður í athöfnunum.  Allir velkomnir.

Á kvenréttindadaginn, laugardaginn, 19. júní, verður helgiganga frá Auðartóftum um Hvamm að Krosshólaborgum kl. 14.  Helgistundir, írsk og skosk tónlist, auk þess sem Vilborg Davíðsdóttir les úr bók sinni um Auði djúpúðgu.  Nánar auglýst síðar.

Laugardaginn 19. apríl verður farið í helgigöngu/pílagrímsgöngu frá Auðartóftum að Hvammi og síðan á Krosshólaborgir.

Takið daginn frá.

Nánar auglýst síðar.

Á hvítasunnudag, sunnudaginn 11. maí, verður hátíðarguðsþjónusta í Hjarðarholtskirkju kl. 11.  Allir velkomnir á hátíð Heilags anda.  Kaffi og meðlæti í þjónustuhúsinu eftir athöfn.

Á Uppstigningardag, fimmtudaginn, 13. maí, verður almenn guðsþjónusta í Kvennabrekkukirkju kl. 13:30.  Eldri borgarar eru sérstaklega hvattir til að taka þátt í athöfninni, en að sjálfsögðu eru allir meira en velkomnir.  Boðið verður upp á kaffi á eftir athöfn í Silfurtúni og gefst þá tækifæri á að skoða handverksýninguna.

–Takið eftir messutíma og messustað, hún verður ekki á Silfurtúni-

Á sunnudaginn, 3. maí, verður messa í Stóra Vatnshornskirkju kl. 13. Fermt verður í athöfninni. Nafn fermingarbarns er hér.

Sumar- og skátaguðþjónusta var í Snóksdalskirkju í morgun, sumardaginn fyrsta.

Skátar í skrúðgöngu til kirkju.

Lesa áfram …