Dalaprestakall

Sumar- og skátaguðþjónusta var í Snóksdalskirkju í morgun, sumardaginn fyrsta.

Skátar í skrúðgöngu til kirkju.

Lesa áfram …

Kirkjukór Dalaprestakalls fór í síðustu viku í Hraunsnef í Borgarfirði til að gleðjast saman.

Halldór Þ. Þórðarson stýrði fjöldasöngnum.

Guðrún Halldórsdóttir, fyrrum formaður kórsins, tók myndir sem birtar eru á myndasíðu prófastsdæmisins.

Lesa áfram …

Á fimmtudaginn, 22. apríl, Sumardaginn fyrsta, verður Sumar- og skátaguðsþjónusta í Snóksdalskirkju kl. 11. Komum saman og þökkum fyrir veturinn sem nú er að líða og föngum sumrinu!  Skátarnir verða með skipulagða leiki frá kl. 10 og fara svo í skrúðgöngu að kirkjunni.  Allir velkomnir.

Á sunnudaginn, 25. apríl, verður messa í Hjarðarholtskirkju kl. 11.  Fermt verður í athöfninni.  Nöfn fermingarbarna eru hér.

Messa verður í Hjarðarholtskirkju á sunnudag, 18. apríl kl. 14.  Fermt verður í messunni.  Allir velkomnir.

Framundan:

• Sunnudaginn 18. apríl kl. 14 verður fermingarmessa í Hjarðarholtskirkju.
• Sumardaginn fyrsta, fimmtudaginn 21. apríl kl. 11 verður sumar og skátaguðsþjónusta í Snóksdalskirkju.
• Sunnudaginn 25. apríl kl. 11 verður fermingarmessa í Hjarðarholtskirkju.

Á vefnum eru birt nöfn og fermingardagur þeirra sem fermast í vor.

Hér eru nöfnin

Ferming í Hjarðarholti.

.

Nú eru gleðidagar í kirkjunni!

Löng hefð er fyrir gleði og léttleika á páskadag.

Hér eru nokkrar auglýsingar í léttum stíl: Lesa áfram …

Á föstudaginn langa voru Passíusálmar séra Hallgríms Péturssonar lesnir í heild sinni í sjöunda sinn í Hjarðarholtskirkju.  Björn Stefán Guðmundsson, Jóhannes Haukur Hauksson, Íris Björg Guðbjartsdóttir, Sesselja Árnadóttir og Eggert Aðalsteinn Antonsson sáu um lesturinn. Lesturinn hófst kl. 13:30 og tók rúmar 4 klst. Boðið var upp á kaffi og með því  í þjónustuhúsinu. Lesturinn var góður og þess má geta að Björn las sálma í fimmta sinn, en hann hefur þrisvar lesið sálmanna einn, þar af í fyrstu tvö árin.

Björn Stefán Guðmundsson les passíusálmana í Hjarðarholti 2010

Lesa áfram …

• Á skírdag, fimmtudaginn 1. apríl, verður messa með altarisgöngu kl. 14 í Hvammskirkju.
• Sama dag verður lesguðsþjónusta með altarisgöngu kl. 16 á Fellsenda.

• Á föstudaginn langa, 2. apríl, munu Björn Stefán Guðmundsson, Jóhannes Haukur Hauksson, Íris Björg Guðbjartsdóttir, Sesselja Árnadóttir og Eggert Aðalsteinn Antonsson lesa Passíusálma Hallgríms í Hjarðarholtskirkju.  Lesturinn hefst kl. 1330 og tekur um 4,5 klst.  Einnig verður leikin tónlist.  Þetta er í sjöunda sinn hér sem sálmarnir eru lesnir í heild sinni á þennan hátt.  Kaffi og með því verður í þjónustuhúsinu.  Allir eru eins og ávallt hjartanlega velkomnir.  Það er í lagi að stoppa stutt, ef þannig stendur á og jafnvel koma aftur.

• Á aðfangadag páska, laugardaginn 3. apríl, kl. 21 verður páskavaka í Staðarfellskirkju.  Kveikt verður á páskakertinu í upphafi stundarinnar í myrkraði kirkjunni og smátt og smátt fyllist kirkjan af ljósi.  Í athöfninni undirbúum við okkur fyrir stærstu hátíð kristinna manna.

• Á páskadag, sunnudaginn 4. apríl, verður hátíðarguðsþjónusta kl. 11 í Hjarðarholtskirkju.  Boðið verður upp á heitt súkkulaði og með því í þjónustuhúsinu eftir athöfn.
• Sama dag verður hátíðarguðsþjónusta kl. 14 í Snóksdalskirkju.

• Á annan í páskum, mánudaginn 5. apríl, verður guðsþjónusta kl. 11 í Silfurtúni.
• Sama dag verður hátíðarguðsþjónusta kl. 14 í Kvennabrekkukirkju.

Höldum sanna páska!  Gleðilega hátíð!

Sóknarprestur.

• Skírdagur, fimmtudaginn 1. apríl, kl 14 verður messa í Hvammskirkju.
• Skírdagur, fimmtudaginn 1. apríl, kl 16 verður messa á hjúkrunarheimilinu Fellsenda.
• Föstudagurinn langi, 2. apríl, kl 13:30 verður lestur Passíusálmanna í Hjarðarholtskirkju.
• Aðfangadag páska , laugardaginn 3. apríl, kl 21 verður páskavaka í Staðarfellskirkju.
• Páskadaginn 4. apríl kl. 11 verður hátíðarmessa í Hjarðarholtskirkju.
• Páskadaginn 4. apríl kl. 14 verður hátíðarmessa í Snóksdalskirkju.
• Annan í páskum, mánudaginn 5. apríl, kl. 14 verður hátíðarmessa í Kvennabrekkukirkju.
• Sunnudaginn 11. apríl kl. 11 verður messa í upphafi héraðsfundar í  Ingjaldshólskirkju.
• Sunnudaginn 18. apríl kl. 14 verður fermingarmessa í Hjarðarholtskirkju.
• Sumardaginn fyrsta, fimmtudaginn 21. apríl kl. 14 verður gospelguðsþjónusta í Snóksdalskirkju.
• Sunnudaginn 25. apríl verður fermingarmessa í Hjarðarholtskirkju.

Á fimmtudag, 25. mars, verður kyrrðarstund/föstuguðsþjónusta á Silfurtúni kl. 16:30. Takið eftir breyttum tíma.  Síðasta kyrrðarstundin á föstunni. Allir velkomnir!