Djáknafélag Íslands

Endurmenntunarnámskeiðið Farsæl samvinna í starfi; deilur og sátt verður haldið í Skálholti daganna 19 til 21. september. Kennara eru frá stofnunni Modum Bad í Noregi. Það eru Eli Landro djákni og sr. Rune Strey prestur. Þau ætla að fjalla um farsælt samstarf á kirkjulegum vettvangi. Öll kennsla verður þýdd beint yfir á íslensku. Námskeiðið er í samstarfi Skálholtsskóla, Djáknafélags Íslands og HÍ fyrir djákna og presta. Sjá farsæl samvinna í safnaðarstarfi

Miðvikudaginn 1. september kl. 17 er fundur í Djáknafélaginu í Grensáskirkju. Fudnarefnið eru málefni kirkjunnar á líðandi stund. Guðrún Kristín Þórsdóttir er fundarstjóri.

Á borði mínu liggur bæklingurinn„Kirkjan mótmælir ofbeldi gegn konum“ sem Þjóðkirkjan gaf út árið 2003 í íslenskri þýðingu Ragnheiðar Margrétar Guðmundsdóttur. Bæklingurinn hefur að geyma framkvæmdaáætlun sem Lútherska heimssambandið stóð á bak við.

Lesa pistil á trú.is

Sóknarnefnd Ástjarnarkirkju í Hafnarfirði auglýsir eftir æskulýðsfulltrúa í 50 starf. Umsóknarfrestur er til 28. ágúst. Í auglýsingu frá kirkjunni stendur:

Ástjarnarkirkja í Hafnarfirði óskar eftir að ráða æskulýðsfulltrúa í 50% starf til að taka við öflugu starfi sóknarinnar með börnum og unglingum. Krafist er djákna- eða guðfræðiprófs, uppeldismenntunar eða annarrar menntunar sem nýtist í starfi. Reynsla af æskulýðsstarfi er skilyrði. Starfsmaður þarf að hefja störf 1. september.

Umsóknir með upplýsingum um menntun og starfsreynslu sendist til Ástjarnarkirkju, Kirkjuvöllum 1, 221 Hafnarfirði fyrir 28. ágúst, merkt ,,Æskuýðsfulltrúi”

Sóknarnefnd Ástjarnarsóknar

Við hér á vef DÍ bendum á að nálgast má upplýsingar um samning Launanefndar Þjóðkirkjunnar við BHM / Fræðagarð á vefnum og hvetum við bæði umsækjendur og sóknarnefnd til þess að gæta þess að laun séu ekki lægri en um getur í þeim samningi. Skoða samning.

Umsóknarfrestur vegna námskeiða í sálgæslufræðum hjá Endurmenntun HÍ hefur verið framlengdur til 3. september. Um tvö námskeið er að ræða, annars vegar námskeiðið ,,Siðfræðileg álitamál og sálgæsla við lífslok” sem er haldið í samstarfi við guðfræði- og trúarbragðafræðideild, hugsvísindadeild og Siðfræðistofnun HÍ. Hins vegar um námskeiðið ,,Dulúð og kristin íhugun” sem haldið er í samstarfi við guðfræði- og trúarbragðafræðideild. Lesa áfram …

Það er alltaf nóg að gera hjá Innanlands aðstoð Hjálparstarfs kirkjunnar. Félagsráðgjafar taka á móti umsóknum og hitta umsækjendur áður en úthlutun er ákveðin.  Algengast er að fólk fái mat en einnig er hægt að fá föt og aðstoð við annað sem nauðsynlegt getur talist en það er metið út frá tekjum og aðstæðum hvers og eins. Lesa áfram …

Djáknanemar hafa verið í starfsþjálfun í allan vetur. Í maí var stofnanakynning þar sem kirkjan sem stofnun var kynnt. Farið var í gegnum lagalegt umhverfi og skipulag kirkjunnar, starfsemina á Biskupsstofu og einnig í heimsóknir til Fjölskylduþjónustu kirkjunnar, Hjálparstarf kirkjunnar, Kristniboðssambandið og Skálholtsútgáfuna.  Lesa áfram …

Árið 2010 er helgað baráttunni gegn fátækt og félagslegri einangrun í allri Evrópu. Þetta verkefni er á vegum Evrópusambandsins og er Félags- og tryggingarmálaráðuneytið tengiliður fyrir hönd Íslands. 8. maí var haldinn fundur í „þjóðfundarstíl“ sem um 90 manns tóku þátt í. Lesa áfram …

Á aðalfundi Djáknafélagsins 26. apríl voru þær Nína Björg Vilhelmsdóttir og Kristín Axelsdóttir kosnar í stjórn félagsins. Nína er djákni í Breiðholtskirkju og Kristín er hjúkrunarforstjóri og djákni á heilsugæslustöðinni í Lágmúla.  Í stjórn voru fyrir þær Nanna Guðrún Zoëga, Fjóla Haraldsdóttir og Gréta Konráðsdóttir. Tvær gengu úr stjórn og gáfu ekki kost á sér aftur. Það eru þær Valgerður Hjartardóttir og Aase Gunn Dahl. Var þeim þökkuð vel unnin störf og Nína og Kristín boðnar velkomnar.

Nýverið stóð Djáknafélag Íslands fyrir því að dr. Thomas Zippert sem stýrir ,,Akademie für Soziale Berufe” hjá Hephata díakoníustofnunni í Þýskalandi kom í stutta heimsókn til Íslands og hélt af því tilefni þrjú erindi. Með heimsókn dr. Zippert vildi félagið stuðla að frekari umræðu um hlutverk djákna, djáknanámið og þá möguleika sem felast í díakoníunni. Í framhaldi af heimsókninni hefur nú verið tekin saman skýrsla um fyrirlestrana þrjá.

Lesa skýrslu.