Djáknafélag Íslands

Sem kristin kirkja og kristnir einstaklingar reynum við að fylgja fordæmi Jesú, rétta hjálparhönd og þjóna eftir því sem við höfum burði til. Og Jesús er okkur meira en fyrirmynd. Hann er sá sem við trúum á og hann er sá sem gefur okkur þróttinn. Við komumst ekki langt ef við reynum í eigin mætti að hjálpa, líkna, styðja, hugga …

Lesa pistil á trú.is

The Nordic Platform of Eurodiaconia kemur saman í Helsinki í Finnlandi dagana 7. og 8. nóvember n.k. Þar mun Djáknafélagið í fyrsta sinn vera með fulltrúa, Hrund Þórarinsdóttur. Stjórn D.Í. fundaði með Hrund og fór yfir dagskrá daganna og umræður. Við fylgjumst með Hrund þessa daga og óskum henni góðrar ferðar og þökkum henni fyrir að taka að sér að vera fulltúi okkar á fundinum, enda verðugur fulltrúi fyrir hönd kirkjunnar á Íslandi.

Félagsfundur D.Í. verður haldinn föstudaginn 3. nóvember kl. 12:00 í Grensáskirkju. Sr. Bernharður Guðmundsson kemur og fjallar um kyrrðarstarf í söfnuðum. Boðið verður upp á léttar veitingar.

Í pistli um erindi Gordons Lathrop Hin vígða þjónusta: Fagnaðarerindið í orði og verki í safnaðarlífinu segir m.a. á trú.is: ,,Þannig beri að skilja díakoníuna og allt hennar samhengi sem matarútdeilingu, eða í víðari merkingu, útdeilingu á áþreifanlegri liðveislu (e. concrete relief) sem fæðu fyrir hina fátæku.”

Lesa áfram á trú.is

Í dag samþykkti Kirkjuþing annars vegar þingsályktun um stefnu Þjóðkirkjunnar á sviði kærleiksþjónustu og hjálparstarfs (15. mál) og hinsvegar þingsályktun um eftirfylgd í söfnuðum (17. mál). Bæði málin snerta störf djákna og eru þeir hvattir til að kynna sér málin nánar.

Sjá nánar á vef Kirkjuþings. – Sjá einnig frétt á kirkjan.is og viðtal við Ragnheiði Sverrisdóttur

Í ávarpi sínu við setningu Kirkjuþings í dag lagði biskup Íslands, hr. Karl Sigurbjörnsson ríka áherslu á kærleiksþjónustuna og sagði m.a.: ,,… nú er meir en tími til kominn að leggja miklu meir til kærleiksþjónustu”

Lesa ávarp biskups á vef Kirkjuþings.

Djáknar eru tiltölulega ný stétt á Íslandi í dag en þeir eru sérmenntaðir kirkjulegir starfsmenn og þjóna við hlið presta. Djáknaembættið í sinni fyrri mynd lagðist formlega af árið 1837.

Lesa áfram …

Stjórn D.Í. er skipuð eftirfarandi:

Guðrún Kr. Þórsdóttir, formaður, gudrunkth@simnet.is Jón Jóhannsson, gjaldkeri, jonjoh@simnet.is Ragnhildur Ásgeirsdóttir, ritari, ragnhildur@simnet.is Pétur Björgvin Þorsteinsson, varamaður, petur@glerarkirkja.is

Best er að koma fyrirspurnum til stjórnar D.Í. í gegnum tölvupóst.

Djáknavígsla verður í Dómkirkjunni í Reykjavík sunnudaginn 1. október kl.14.00. Jóhanna Guðrún Ólafsdóttir vígist til djákna en einnig vigist Hans Guðberg Alfreðssson til prests. Þau vígjast bæði til vinaleiðarinnar í Garðasókn. Jóhanna Guðrún í Sjálandsskóla og Flataskóla og Hans í Álftanesskóla og Hofstaðaskóla.

Á trú.is er nú að finna pistil eftir Magneu Sverrisdóttur djákna í Hallgrímskirkju. Þar segir hún meðal annars: ,,Djáknar koma með sína sérmenntun til starfa innan kirkjunnar og þar með víkka þá þjónustu sem fyrir hendi er. [...] djáknar eru ekki „wannabe“ prestar heldur eru þeir djáknar. En betur má ef duga skal ! Díakonía er endalaust verkefni …

Lesa pistil á trú.is