Guðsþjónusta kl.11. Prestur sr. Svavar Stefánsson. Kór Fella- og Hólakirkju leiðir almennan safnaðarsöng undir stjórn Guðnýjar Einarsdóttur organista. Kirkjuvörður og meðhjálpari er Kristín Ingólfsdóttir.
Í sunnudagaskólanum verður Kirkjukrakkahátíð í samstarfi við Breiðholtskirkju. Allir mæta í Breiðholtskirkju kl.11. Pálínuboð. Allir koma með einhverjar veitingar til að setja á sameiginlegt borð. Mikið fjör og gaman. Verið innilega velkomin.
Ragnhildur Ásgeirsdóttir, 24/1 2012
Sunnudagaskólinn er hafinn á ný.
Á hverjum sunnudegi er boðið upp á skemmtun og fræðslu fyrir börn og fjölskyldur þeirra. Umsjón hefur Þórey Dögg Jónsdóttir, djákni. Farið undir “Safnaðarstarf” og skoðið dagskrá vorsins.
Gry Ek, 18/1 2012
Gjaldfrjálst starf fyrir 6-9 ára börn í Fella- og Hólahverfum á fimmtudögum frá 14:30 – 15:15. Dagskráin í janúar og febrúar er frábær !
Farið undir “Safnaðarstarf” og skoðið dagskrána: http://kirkjan.is/fellaogholakirkja/safnadarstarf/kirkjukrakkar/
Lesa áfram …
Gry Ek, 17/1 2012
Mánudaginn 30. janúar kl. 10:30 hefst nýtt námskeið í Krílasálmum sem er spennandi tónlistarnámskeið fyrir börn á fyrsta ári og foreldra þeirra. Námskeiðið er átta skipti og kostar 3500 kr. Enn eru nokkur pláss laus á námskeiðið svo það er um að gera að drífa í að skrá sig en hámarksfjöldi þátttakenda er 10 börn. Nánari upplýsingar um námskeiðin má finna hér.
Guðný Einarsdóttir, 17/1 2012
Messa kl.11. Prestur sr. Guðmundur Karl Ágústsson. Kór Fella- og Hólakirkju leiðir safnaðarsöng undir stjórn Guðnýjar Einarsdóttur organista. Sunnudagaskóli á sama tíma í umsjá Þóreyjar Daggar Jónsdóttur. Þar verður leikjafjör. Skemmtileg og fjölbreytt dagskrá. Kirkjuvörður og meðhjálpari er Jóhanna Freyja Björnsdóttir. Verið innilega velkomin í Fella- og Hólakirkju.
Ragnhildur Ásgeirsdóttir, 17/1 2012
Ragnhildur Ásgeirsdóttir, 10/1 2012
Fjölskylduguðsþjónusta kl.11. Prestur sr. Svavar Stefánsson. Organisti Guðný Einarsdóttir. Þórey Dögg Jónsdóttir djákni leiðir stundina. Listasmiðjan Litróf leiðir safnaðarsöng undir stjórn Ragnhildar Ásgeirsdóttur djákna. Mikill söngur, fjölbreytt og skemmtileg dagskrá. Meðhjálpari er Kristín Ingólfsdóttir. Verið innilega velkomin í Fella- og Hólakirkju.
Ragnhildur Ásgeirsdóttir, 10/1 2012
Starfsfólk og sóknarnefndir kirkjunnar óska öllum gleðilegs árs og hvetjum ykkur að leggja leiðina í kirkjuna. Safnaðarstarfið er að hefjast á ný eftir hátíðarnar. Hér má t.d. sjá hvað er framundan í starfi eldri borgara: http://kirkjan.is/fellaogholakirkja/safnadarstarf/eldri-borgarar/
Gry Ek, 5/1 2012
Þriðjudaginn 20. desember kl. 20:30 mun Kór Fella- og Hólakirkju ásamt þeim Áshildi Haraldsdóttur flautuleikara og Katie Buckley hörpuleikara halda jólatónleika við kertaljós í Fella- og Hólakirkju. Fluttar verða sígildar jólaperlur frá ýmsum tímum og löndum, m.a. kaflar úr Hnotubrjótnum eftir Tchaikovsky, íslensk sígild jólalög og jólalag frá Katalóníu auk þess sem áheyrendum gefst tækifæri á að taka þátt í almennum söng. Einsöngvarar á tónleikunum verða þær Ásdís Arnalds sópran, Eyrún Ósk Ingólfsdóttir sópran og Elfa Dröfn Stefánsdóttir mezzósópran en þær eru félagar í kórnum. Stjórnandi og orgelleikari er Guðný Einarsdóttir. Aðgangseyrir er 1500 kr. og er súkkulaði og piparkökur í boði eftir tónleikana. Allir eru hjartanlega velkomnir á ljúfa og notalega tónleika rétt fyrir jólin!
Guðný Einarsdóttir, 15/12 2011
