Garðasókn

 

Helgihald

Altari VídalínskirkjuGuðsþjónustur

Guðsþjónustur eru á sunnudögum kl. 11 í Vídalínskirkju, fjölskylduguðsþjónusta fyrsta sunnudag í mánuði yfir vetrarmánuðina.

Fyrsta sunnudag í mánuði er messa í Garðakirkju kl. 14 yfir vetrartímann

Yfir sumarmánuðina fer helgihaldið að mestu eða öllu leyti fram í Garðakirkju eða Bessastaðakirkju.

Sunnudagaskólinn

Sunnudagsskóli er í safnaðarheimilinu hvern sunnudag yfir vetrarmánuðina, nema fyrsta sunnudag í mánuði þegar haldnar eru fjölskylduguðsþjónustur.

Þá sunnudaga sem sunnudagaskólinn starfar koma börnin til messu með foreldrum en fara síðan til skólastarfs með leiðbeinendum skömmu eftir upphaf messu.

Steind mynd í Kapellu Vídalínskirkju

Bæna- og kyrrðarstundir í Garðaprestakalli

Bænastarf er hverjum söfnuði afar mikilvægt og yndislegt þegar fólk finnur fyrir innri köllun til bænalífs og ekki síst til fyrirbæna fyrir mönnum og málefnum.
Í Garðasókn er boðið upp á fjórar samverur í viku þar sem kyrrð og samtal við Guð er megintilgangurinn.
Kyrrðar- og íhugunarstund er í hádegi á þriðjudögum í Vídalínskirkju kl. 12. Þá er gengið inn í þögnina en kl. 12:10 fyllist kirkjuskipið af tónlist. Sá flutningur stendur í tuttugu mínútur með þremur hléum, en þá eru flutt ritningarvers eða ljóð. Stundin endar á bæn, söng og blessunarorðum. Á meðan tónlist er leikin í kyrrðarstundinni er hægt að ganga milli bænastöðva í kirkjuskipinu. Þar er hægt að dvelja við hugsanir sínar og leyfa hinni lífgefandi nærveru Guðs að umvefja sig.
Að lokinni kyrrðarstund kl. 12:30 er hægt að kaupa súpu og brauð í safnaðarheimilinu á vægu verði.
Bænahringur kvenna er á þriðjudögum kl. 16:30 í Vídalínskirkju. Bænarefni eru skrifuð niður á staðnum.
Djúpslökun er á þriðjudögum kl. 17:30-18:30 í Vídalínskirkju. þessar stundir eru öllum opnar.
Bænahringur karla er á þriðjudögum kl. 20 í Vídalínskirkju. Bænarefni má senda á netfangið fhjartar@gardasokn.is
Það eru allir innilega velkomnir til þátttöku.

Annað helgihald

Reglulegt helgihald er í Ísafold, dvalarheimili aldraðra í Garðabæ, síðasta fimmtudag í mánuði og á stórhátíðum.

     

    Garðasókn, Kirkjulundi, 210 Garðabæ. Sími 565 6380 , fax 565 6853 · Kerfi RSS