Grafarvogskirkja

Frá og með 1. nóvember 2004, tekur séra Elínborg Gísladóttir til starfa við Grafarvogskirkju. Séra Elínborg var ráðin til afleysinga í námsleyfi séra Önnu Sigríðar Pálsdóttur, en hin síðar nefnda mun hefja störf á ný þann 1. ágúst 2005.

Séra Elínborg hefur undanfarin ár verið við afleysingar sem sóknarprestur við Ólafsfjarðarkirkju.

Fermingarbörn safna fyrir Hjálparstarfið

Fermingarbörn úr 54 sóknum í öllum landshlutum ganga í hús í dag, 1. nóvember milli kl. 17:30 og 21:00 og safna fé til verkefna Hjálparstarfs kirkjunnar í Afríku.

Lesa áfram …

Steinunn Arnþrúður Björnsdóttir, 1/11

Prófastur Reykjarvíkurprófastsdæmis eystra, Gísli Jónasson, hefur undanfarna daga vísiterað Grafarvogssöfnuð. Mun messan næsta sunnudag, 24. október, kl. 11:00 marka vísitasíulok. Hér áður fyrr var meiginhlutverk vísitasíu að taka út byggingar og aðstöðu alla, en í dag er stór hluti vísitasíunnar fólginn í því að prófastur ræðir við presta, sóknarnefnd og starfsfólk, um allt sem snýr að safnaðarstarfinu.

Lesa áfram …

Safnaðarfélagið stóð fyrir fyrsta fundi vetrar þann 4. október kl. 20:00. Þótti vel mætt á fundinn, enda safnaðarsalurinn þétt setinn af konum og körlum á öllum aldri. Formaður félagsins, Björg Lárusdóttir bauð fólk velkomið og séra Lena Rós Matthíasdóttir flutti stutta hugleiðingu. Fyrirlesari kvöldsins var Guðfinna Eydal, sálfræðingur.

Lesa áfram …

Barnastarfið er komið á góða siglingu nú í vetrarbyrjun. Rebbi refur og Gulla gæs hafa þegar náð að vinna hug og hjörtu kirkjugesta. Nær hrifningin út yfir alla aldurshópa og ljóst að Guðfinna hin sívinsæla má fara að passa sig, ætli hún ekki að láta þau stela senunni frá sér.

Í vetur munu þessar hressu brúður kíkja í barnaguðsþjónustur og kitla hláturtaugar kirkjugesta. Guðsþjónustur fyrir börnin eru alla sunnudaga kl. 11:00, bæði í Borgarholtsskóla og Grafarvogskirkju.

Lesa áfram …

Kirkjustarf 10-12 ára krakka hefst á næstu dögum og verður til húsa í Grafarvogskirkju og þremur skólum hverfisins, Húsa-, Rima- og Engjaskóla. Efni vetrarins ber heitið: ,,Saman í trú og gleði,” og verður flettað saman við leik sem gengur allan veturinn.

Lesa áfram …

Fimmtudaginn 7. október hefst í Leikmannaskólanum röð Biblíulestra í samstarfi skólans og Reykjavíkurprófastsdæmis eystra. Umfjöllunarefni á lestrunum er kristinn mannskilningur. Kennari er dr. Sigurjón Árni Eyjólfsson héraðsprestur

Áfram á kirkjan.is …

Séra Bjarni Þór Bjarnason og séra Lena Rós Matthíasdóttir verða sett inn í embætti presta í Grafarvogsprestakalli í messu 9. feb. nk. Séra Gísli Jónasson prófastur setur prestana inn í embætti.

Lesa áfram …

Annað árið í röð verður boðið upp á sérstakar helgistundir alla virka daga föstunnar í kirkjunni. Þær kallast “Á leiðinni heim.” Hugsunin að baki þessari nafngift er sú, að fólk geti komið við í Grafarvogskirkju kl.18:15 og átt góða stund og hlustað á einn Passíusálm lesinn.

Lesa áfram …

Hið árlega páskaeggjabingó á vegum Safnaðarfélags Grafarvogskirkju verður haldið í safnaðarsal kirkjunnar mánudaginn 21. mars kl. 20:00

Lesa áfram …