Grensáskirkja

Morgunmatur kl. 10 og bænastund kl 10:15.
Messa kl. 11. Altarisganga.
Samskot til kristniboðsins (SÍK). Messuhópur.
Kirkjukór Grensáskirkju syngur og organisti er Árni Arinbjarnarson.
Prestur sr. Ólafur Jóhannsson.
Molasopi eftir messu.

Fermingarstarfið í Grensáskirkju hefst með tveggja daga námskeiði mánud. 20. og þriðjud. 21. ágúst, báða dagana frá kl. 9-16. Með því að nota þessa daga til fermingarfræðslu léttir á dagskránni yfir veturinn en þó eiga væntanleg fermingarbörn áfram að taka þátt í fræðslusamverum, guðsþjónustum og öðrum verkefnum/atburðum allan fermingarveturinn.

Vorið 2013 verður örugglega fermt í Grensáskirkju á pálmasunnudag 24. mars kl. 13:30 og annan í páskum 1. apríl kl. 11:00. Ólíklegt er að fleiri fermingardaga þurfi til að ferma næsta vor nema foreldrar óski eftir öðrum dögum.

Skráning í fermingarstarfið er á:
https://docs.google.com/spreadsheet/viewform?formkey=dC15QTVpMEFzRDlDTUpINFVMN0Q4M2c6MA

Þegar allir reitir skráningarblaðsins hafa verið fylltir út eins og við á þarf að smella á „submit“ til að ljúka skráningu.

Prestar, sóknarnefnd og starfsfólk óskar ykkur gleðilegs sumars.

Í forsal Grensáskirkju stendur yfir sýning á verkum Myndlistarhóps sem kalla sig Kríurnar . Kríurnar eru hópur 12 kvenna á besta aldri sem allar hafa málað í frístundum sínum til nokkurra ára. Þær hafa allar sótt námskeið hjá Félagsstarfi aldraðra og sumar einnig hjá ýmsum listamönnum í Myndlistarskóla Reykjavíkur og víðar. Eins og kríum er tamt þá eru þær forvitnar, leitandi og flögra um í leit að nýju og spennandi sjónarhorni. Sjón er sögu ríkari og allir velkomnir að skoða þessa fallegu myndlistarsýningu.

Lesa áfram …

Boðið er upp á sunnudagaskóla samhliða guðsþjónustum á sunnudögum kl. 11. Fræðslan miðast við börn á aldrinum 2-6 ára. Barnastarfið byrjar aftur eftir sumarfrí í september og verður auglýst nánar. Umsjón í vetur höfðu Nanda María og Helga Kolbeinsdóttir. Öll börn hjartanlega velkomin.

Kyrrðarstundir eru í hádeginu alla þriðjudaga, frá september til loka maí. Stundin hefst með orgelleik en síðan er sunginn sálmur, lesinn ritningarlestur og gengið til altaris. Eftir altarisgönguna er fyrirbænastund þar sem beðið er fyrir bænarefnum sem borist hafa. Stundinni í kirkjunni lýkur upp úr kl. 12:30 og þá er hægt að kaupa léttan málsverð á sanngjörnu verði. Kyrrðarstundir byrjar aftur eftir sumarfrí fyrsta þriðjudag í september.

Hversdagsmessur alla fimmtudaga kl. 18:10, frá september og fram til loka maí. Um er að ræða einfalda messu á rúmhelgum degi.
Þorvaldur Halldórsson leiðir söng en einnig er ritningarlestur, hugleiðing út frá orði Guðs og altarisganga. Messunni lýkur rétt fyrir kl. 19:00. Tilvalið er að koma við í kirkjunni að loknum vinnudegi eða skreppa þangað rétt fyrir kvöldmat í hversdagsmessu. Fyrsta hversdagsmessa haustsins verður fyrsta fimmtudag í september.
Allir hjartanlega velkomnir.
.

Það er ekkert aldurstakmark allir eru velkomnir og hægt er að finna eitthvað við allra hæfi. Engin þarf að binda sig við neitt fast frekar en hann vill.

Ef þú lesandi góður hefur áhuga á að ganga í hóp sjálfboðaliða Grensáskirkju hafðu þá endilega samband í síma 528-4410  eða á netfang grensaskirkja@kirkjan.is

Kveðja, starfsfólk Grensáskirkju.

Lesa áfram …

Samverustund eldri borgara er alla miðvikudaga kl 14 í safnaðarheimilinu.
Allir velkomnir.