Grensáskirkja

 

Starfið í kirkjunni

Sunnudagsmorgnar í Grensáskirkju

Í Grensáskirkju er messað kl. 11 á sunnudagsmorgnum og barnastarf (sunnudagaskóli) fer fram á sama tíma umsjón hefur Daníel Ágúst Gautason, æskulýðsfulltrúi kirkjunnar.

Kirkjan er þó opnuð mun fyrr á sunnudögum því morgunverður er á boðstólum frá kl. 10:00-10:40 á vægu verði (kr. 250, – á mann, hámark kr. 500,- fyrir fjölskylduna). Tilvalið er fyrir einstaklinga og fjölskyldur að njóta hans með kunningjum og ókunnugum áður en messan hefst.

Kl. 10:15 er bænastund í kapellu, öllum opin.

Í sunnudagsmessunum þjóna sem fyrr messuhópar. Hlutverk þeirra er fjölbreytt aðstoð kringum messurnar, allt frá því að stilla upp ræðupúlti og tengja hljóðnema yfir í það að lesa ritningarlestra, flytja bænir og taka samskot. Þá liðsinna hóparnir einnig við morgunverðinn fyrir messu og kirkjukaffið eftir messu. Hægt er að bæta við fólki í messuhópana.

Væntanleg fermingarbörn aðstoða einnig í messunum og kringum þær.

Með þessu móti hefur samfélagið í kirkjunni eflst og skapast vettvangur fyrir sóknarbörn á öllum aldri til að eiga góða og uppbyggilega samveru.

Hversdagsmessur

Eins og undanfarin ár verða hversdagsmessur á fimmtudögum. Hversdagsmessan er messa með einföldu formi og léttri tónlist sem Þorvaldur Halldórsson tónlistarmaður leiðir. Bænin, orð Guðs og altarisganga eru uppistaða messunnar en töluðu máli stillt í hóf. Sjálf messan hefst kl. 18:10 en Þorvaldur syngur frá kl. 18:00. Messunni lýkur um kl. 18:50.

Hversdagsmessan er einföld og andrúmsloftið einkennist af kyrrð, friði og nánd Guðs. Í önn hversdagsins er þetta ljúf leið til að byggja upp trúna og styrkjast í þjónustu við Guð.

Kyrrðarstundir

Kyrrðarstundir í hádegi eru í Grensáskirkju á þriðjudögum. Frá kl. 12:00 er leikið á orgel en kl. 12:10 hefst helgistund. Sunginn er sálmur, lesinn ritningarlestur, gengið til altaris og beðið fyrir bænarefnum sem fram hafa komið. Stundinni lýkur upp úr kl. 12:30 og þá gefst kostur á að kaupa einfalda máltíð á vægu verði.

12-spora-starfið

Flestir þekkja 12-sporin helst í tengslum við AA-samtökin sem eru einmitt byggð á hugmyndafræði sporanna. Eins hafa sporin verið notið í baráttu við annars konar fíkn og vandamál.

Árum saman hefur sporavinnan einnig verið unnin af þeim sem eiga ekki endilega við tiltekna fíkn að stríða en vilja vinna í eigin huga og byggja sig upp, andlega og félagslega.

12-spora-starfið í kirkjunum er ætlað öllum sem vilja nota þessa viðurkenndu leið sem hefur orðið mörgum til blessunar.

12-spora-hóparnir hittast vikulega frá hausti til vors og fara gegnum sporin. Það er bæði gefandi og krefjandi. Árangurinn er einstaklingsbundinn en yfirleitt í samræmi við það sem lagt var í vinnuna.

Í Grensáskirkju verður 12-spora-starfið á fimmtudagskvöldum kl. 19:15 og byrjar fimmtudaginn 7. september.

Fyrstu þrjú skiptin eru opin kynningarkvöld, síðan lokast hóparnir og starfa allan veturinn. Þú ert velkomin(n)!

Kyrrðarbæn

Í kapellu Grensáskirkju er boðið upp á kyrrðarbæn á fimmtudögum kl. 17:15-17:45.

Kyrrðarbæn (Centering Prayer) er byggð á fornri kristinni íhugunaraðferð. Iðkendur koma sér vel fyrir og leiðbeinandi les ritningarorð og stutta hugvekju. Iðkendur einbeita sér að því að hvíla í nánd Guðs og varðveita kyrrð hugans. Ekki er hægt að koma inn í hópinn eftir að stundin er byrjuð, stundvísi er mikilvæg.

Nýliðar eiga að mæta kl. 16:50 og fá þá stutta fræðslu um það hvernig stundin fer fram. Sjá nánari upplýsingar á http://kristinihugun.is/um-kristna-ihugun/adferd-centering-prayer/

 

Áslaug Sif Guðjónsdóttir, 27/8 2017 kl. 9.20

     

    Grensáskirkja, Háaleitisbraut 66, 103 Reykjavík. Sími 5284410 · Kerfi RSS