Grensáskirkja

 

Skráning í 6-9 ára starf og 10-12 ára starf Grensáskirkju veturinn 2017-2018

Í vetur býður Grensáskirkja upp á fjörugt og skemmtilegt barnastarf. Þáttaka í starfinu er öllum ókeypis. Áhersla er lögð á virðingu, vináttu, samfélag og skemmtun. Markmið okkar er að krakkarnir hafi gaman í kirkjunni og finni sig velkomna þar. Hægt er að fylgjast með starfinu á facebook undir ,,Grensáskirkja – Barna- og æskulýðsstarf.” Umsjón með starfinu hafa Daníel Ágúst Gautason, æskulýðsfulltrúi kirkjunnar, og Sigurður Óskar Óskarsson.

Samverur í 6-9 ára starfinu eru á miðvikudögum klukkan 15.30-16.30 og hefjast samverur 13. september. Boðið er upp á að ná í krakka í frístundarheimilinu Krakkakot í Hvassaleitisskóla. Auðvitað eru þó allir krakkar á aldrinum 6-9 ára velkomnir að mæta. Foreldrar eru hvattir til að ná í krakkana þegar starfinu líkur. Áhersla er á að hafa dagskrána skemmtilega og fjölbreytta og eru biblíusögur þáttúr í því. Það sem er m.a. á dagskrá eru leikir, föndur, ball, fjarsjóðsleit, bíómynd, og margt fleira. Nánari dagskrá verður send til foreldra þeirra barna sem kjósa að taka þátt.

Skráning í 6-9 ára starfið má finna hér: https://docs.google.com/forms/d/e/1FAIpQLSePbXX2gQHowITVWw-GijWMMs5nDgHrxZyLLDw6c8r94CMbYA/viewform

Samverur í 10-12 ára starfinu eru á miðvikudögum klukkan 17.00-18.00 og hefjast samverur 13. september. Allir krakkar á aldrinum 10-12 ára eru velkomnir. Starfið gengur út frá því að kenna krökkum helstu biblíusögurnar og þætti kristinnar trúar. Virðing, vinátta og fjölbreytileiki eru hjá okkur í hávegum höfð. Þá er auðvitað lögð áhersla á að krökkunum líði vel í kirkjunni. Dagskráin er skemmtileg og fjölbreytt og ættu allir að finna sig velkomna. Það sem er m.a. á dagskrá eru leikir, spil, föndur, fræðsla, ball og margt fleira. Nánari dagskrá verður send til foreldra þeirra barna sem kjósa að taka þátt.

Skráning í 10-12 ára starfið má finna hér: https://docs.google.com/forms/d/e/1FAIpQLScVcCLRp8uZ2df9vwSjrd2FOFjZ-rGgzXaOa7989bh4I2lKRA/viewform

Áslaug Sif Guðjónsdóttir, 6/9 2017 kl. 12.01

     

    Grensáskirkja, Háaleitisbraut 66, 103 Reykjavík. Sími 5284410 · Kerfi RSS