Sóknarnefnd Grensáskirkju hefur ákveðið að gera ársreikninga safnaðarins aðgengilega á netinu. Rekstur safnaðarins er enda verkefni allra sóknarbarna.
Rétt er að benda á að vegna breyttra reglna um uppsetningu ársreikninga sókna, er ekki hægt að bera að fullu saman árin 2002 og 2003. Fyrirspurnir um ársreikninginn berist til Halldórs Elíasar Guðmundssonar framkvæmdastjóra safnaðarins.
Halldór Elías Guðmundssson, 20/4 2004
Félagar úr Lionsklúbbnum Váli hafa hist í kennslustofu Grensáskirkju um tveggja ára skeið. Í þakklætisskini hafa þeir tekið að sér að setja loftaklæðningu í skrifstofuálmu kirkjunnar.
Halldór Elías Guðmundssson, 14/4 2004
Þannig hefur kristin páskakveðja hljómað frá upphafi vega. Hann er upprisinn og það skiptir öllu máli.
Upprisa Jesú staðfestir að hann er sonur Guðs og að dauði hans var friðþæging fyrir syndir mannkynsins. Hún er sönnun þess að okkur syndugu fólki er ætlað líf í samfélagi við Guð. Fyrir upprisu hans eigum við upprisuvon. Án upprisunnar gat sagan um Jesú ekki orðið annað en ljúfsár endurminning um máttugt góðmenni eða harmleikur um réttarmorð og píslarvætti.
Ólafur Jóhannsson, 11/4 2004
“Útskúfað af Guði. Það eru stór orð sem eiga við föstudaginn langa. Velþóknun Guðs var tekin frá Jesú en vald hins illa fékk að leika sér að honum, þjaka hann og meiða. Þannig getur okkur líka liðið, eins og Guð hafi yfirgefið okkur, þegar allt virðist fara á verri veg og bölið dynur yfir.”
Hér má lesa útvarpsprédikun sr. Ólafs Jóhannssonar á föstudaginn langa.
Halldór Elías Guðmundssson, 9/4 2004
Verðskrá vegna leigu á húsnæði safnaðarins hefur verið í mótun í nokkurn tíma. Hún er birt hér með fyrirvara um samþykki sóknarnefndar.
Halldór Elías Guðmundssson, 25/3 2004
Föruneyti fyrirheitanna og ræktun sólblóma komu fyrir í stuttri hugleiðingu Halldórs Elíasar, sem haldin var í guðsþjónustu á æskulýðsdegi þjóðkirkjunnar 7. mars s.l.
Halldór Elías Guðmundssson, 8/3 2004
Í tilefni 40 ára afmælis Kvenfélags Grensáskirkju bauð sóknarnefnd félaginu til kaffisamsætis, skrafs og ráðagerða fimmtudaginn 5. febrúar. Jafnframt var kvenfélagskonum og starfsfólki boðið að sitja sóknarnefndarfund.
Halldór Elías Guðmundssson, 5/2 2004
Grensássöfnuður hefur ákveðið að tekin verði samskot í almennum guðsþjónustum safnaðarins. Samskotin verða ýmist notuð til uppbyggingar safnaðarins og Grensáskirkju eða til styrktar góðum málefnum. Í hverri guðsþjónustu verður tilkynnt til hvaða verkefnis samskotin renna.
Halldór Elías Guðmundssson, 12/1 2004
Grensáskirkja í samstarfi við Biskupsstofu tekið upp ný símanúmer fyrir alla kirkjulega starfsemi í Grensáskirkju. Nýja aðalnúmerið er:
528-4410.
Halldór Elías Guðmundssson, 1/1 2004
Í guðsþjónustu, sunnudaginn 9. nóvember, voru tekin samskot til starfs Sambands íslenskra kristniboðsfélaga. Að þessu sinni voru samskot tekin með því að láta körfu ganga á milli bekkja í kirkjunni. Alls söfnuðust með þessu móti 50.254 krónur.
Halldór Elías Guðmundssson, 1/1 2004
Grensáskirkja er opin alla virka daga frá kl. 10 til 15. Sími kirkjunnar er 528-4410
16:00-17:00 Kóræfing fyrir 6-9 ára börn.
16:30 Kyrrðar- og bænastund fólks með þroskahömlun, hálfsmánaðarlega.
18:10-18:50 Hversdagsmessa, með léttu sniði, hentar allri fjölskyldunni. Þorvaldur Halldórsson sér um tónlist.
19:15-21:15 Tólf spora starf - andlegt ferðalag í kirkjunni.
Grensáskirkja, Háaleitisbraut 66, 103 Reykjavík. Sími 5284410 · Kerfi 
