Mikill fjöldi fólks kemur að daglegu starfi Grensássafnaðar. Sóknarnefndarfólk, kórfélagar og kvenfélagskonur eru mikilvægur hluti þess fólks. Þá eru auk þeirra nokkrir launaðir starfsmenn sem annast daglegt starf í kirkjunni, þau eru:

Séra Ólafur Jóhannsson

Séra Ólafur Jóhannsson kom til Grensáskirkju 1997 og tók við starfi sóknarprests af séra Halldóri Gröndal.
Sr. Ólafur lauk námi við guðfræðideild Háskóla Íslands, gegndi um tíma starfi skólaprests hjá Kristilegu skólahreyfingunni og starfaði í afleysingum m.a. í Víðistaðakirkju og Laugarneskirkju áður en hann tók við starfi í Grensáskirkju.
Sr. Ólafur er formaður Prestafélags Íslands. Viðtalstími sóknarprests er mánudaga-fimmtudaga kl. 11-12.

Netfang sr. Ólafs er olafur.johannsson@kirkjan.is

 

Árni Arinbjarnarson organisti

Organisti Grensáskirkju er Árni Arinbjarnarson. Árni er mörgum að góðu kunnur sem fiðlukennari við NÝJA TÓNLISTARSKÓLANN og fyrir þátttöku sína í tónlistarstarfi HVÍTASUNNUKIRKJUNNAR Í REYKJAVÍK. Árni hefur starfað með hléum við söfnuðinn allt frá því á 7. áratugnum.

Áslaug Sif Guðjónsdóttir

Áslaug er framkvæmdastjóri Grensáskirkju og hefur umsjón með daglegum rekstri safnaðarins. Netfang Áslaugar er grensaskirkja@kirkjan.is

Nanda María Maack og Helga Kolbeinsdóttir.
Hafa umsjón með barnastarfinu í vetur. Sunnudagaskólinn er alla sunnudaga kl. 11.

Ásta Haraldsdóttir.
Ásta sér um kórastarf fyrir börn 6-9 ára í vetur. Hún hefur starfað með kórum á vegum kirkjunnar einnig með Stúlknakór Reykjavíkur og Stúlknakór Háteigskirkju.

Þuríður Guðnadóttir

Þuríður Guðnadóttir annast kirkjuvörslu og þrif. Hún er leikskólakennari að mennt og hefur tekið þátt í starfi Grensáskirkju um árabil, m.a. í sunnudagaskólastarfi og var um tíma í sóknarnefnd. Þuríður er virk í starfi Knattspyrnufélagsins FRAM og kemur víða við í félagsstörfum í sókninni.