Hafnarfjarðarkirkja

Aðalsafnaðarfundur Hafnarfjarðarkirkju sunnudaginn 26. febrúar

Einar Örn Björgvinsson — Fri, 10 Feb 2012 13:02:48 +0000

Aðalsafnaðarfundur Hafnarfjarðarkirkju verður haldin sunnudaginn 26. febrúar kl. 12 í safnaðarheimili Strandbergs. Á fundinum verða rædd hefðbundin aðalfundastörf. Allir safnaðarmeðlimir velkomnir.

Fermingarfræðsla Setbergs- og Öldutúnsskóla 21. & 22. janúar

Einar Örn Björgvinsson — Tue, 17 Jan 2012 10:12:13 +0000

Fermingarbörn úr Setbergs- og Öldutúnsskóla mæta í kirkjuna kl. 10-12 laugardaginn 14. janúar og vetrarhópur kl. 12.30-14.30 sunnudaginn 15. janúar. Gott væri ef börnin tækju með sér létt nesti til að narta í fríminútum.

Fermingarbörn eru hvött til að mæta til messu á sunnudeginum.

Morgunmessur hefjast á ný miðvikudaginn 18. janúar

Einar Örn Björgvinsson — Thu, 12 Jan 2012 12:46:47 +0000

Fyrsta morgunmessa vetrarins verður miðvikudaginn 18. janúar kl. 8.15. Morgunverður í safnaðarheimili að messu lokinni líkt og undanfarin misseri.

Allir velkomnir.

Fermingarfræðsla Lækjar- og Hvaleyrarskóla 14. & 15. janúar

Einar Örn Björgvinsson — Thu, 12 Jan 2012 12:43:35 +0000

Fermingarbörn úr Lækjarskóla og Hvaleyrarskóla mæta í kirkjuna kl. 10-12 laugardaginn 14. janúar og kl. 12.30-14.30 sunnudaginn 15. janúar. Gott væri ef börnin tækju með sér létt nesti til að narta í fríminútum.

Fermingarbörn eru hvött til að mæta til messu á sunnudeginum.

Trúarbragðaskólinn hefst sunnudaginn 15. janúar kl. 20

Einar Örn Björgvinsson — Wed, 11 Jan 2012 11:49:53 +0000

TRÚARBARGÐASKÓLI HAFNARFJARÐARKIRKJU og hefur göngu sína á ný sunnudaginn 15. janúar næstkomandi kl. 20.00.

Að þessu sinni verður sjónum beint að fornum trúarbrögðum mannkyns, en síðasta vor voru tekin fyrir trúarbrögð samtímans í Trúarbragðaskólanum.

Rýnt verður í trúarbrögð Egyptalands til forna, grískan og rómverskan átrúnað, trúarbrögð Mesópótamíu, keltnesk og germönsk trúarbrögð, Zaraþústra, – og áhrif þessara liðnu trúarbragða á heiminn í dag og trúarbrögð mannkyns.

Hvaðan koma t.d. hugmyndir um engla, heimsendi, auga Guðs, djöfla, – og fleiri slíkar sem við tengjum ekki við fornöldina.

Kennt verður frá 20.00 – 21.30 öll sunnudagskvöld fram að páskum.

Sr. Þórhallur Heimisson er umsjónamaður námskeiðsins

Skráning fer fram á thorhallur33@gmail.com

Aðgangur er ókeypis og öllum opin.

Ný heimasíða Hafnarfjarðarkirkju

Einar Örn Björgvinsson — Thu, 29 Dec 2011 00:03:42 +0000

Heimasíða Hafnarfjarðarkirkju hefur fengið nýtt útlit og vonum við að hún verði þar með aðgengilegri og notandavænni en gamla síðan.

Allar ábendingar varðandi síðuna er vel þegnar og má koma ábendingum til skila með tölvupósti á einar@hafnarfjardarkirkja.is.