Dagskrá fermingarstarfs Hafnarfjarðarkirkju 2011-2012

Fermingarstarf kirkjunnar hefst með vikunámskeiði 15.-19. ágúst. Mikilvægt er að unglingarnir taki þátt í námskeiðinu ætli þau að fermast í Hafnarfjarðarkirkju vorið 2012. Ef af einhverjum ástæðum unglingur getur ekki tekið þátt í sumarnámskeiði þá er hægt að skrá sig í vetrarhóp en starf hans verður kynnt þegar fjöldi liggur fyrir.

Námskeiðsvikuna 15. – 19. ágúst, mán. – fim. kl. 10 – 14.30, verður hópastarf í Hafnarfjarðarkirkju en á föstudegi verður haldið í spennandi ferð í Skálholt. Í Skálholti bíða okkar ótal skemmtilegheit, matur og útivist. Verði ferðarinnar er stillt mjög í hóf.

Fermingarbörn koma með skrffæri á sumarnámskeiðið, annað sem þarf verður afhent á staðnum, kennslubókin er gjöf frá söfnuðinum. Léttur hádegisverður námskeiðsvikuna verður einnig í boði safnaðarins.

Að námskeiði loknu koma foreldrar og börn saman til messu sunnudaginn 21. ágúst kl. 11.00.

Áfram hittumst við svo um veturinn í 6 messum og 6 fræðslusamverum. Við óskum eftir því að foreldrar eða aðrir forráðamenn fylgi börnunum til messu. Á fræðslusamverunum verður margt spennandi í boði. Unnið verður með listsköpun, farið í leiki og margt fleira skemmtilegt. Auk þessa verða haldnir tveir foreldrafundir, haust og vor. Allar dagsetningar liggja fyrir svo auðvelt er að skipuleggja tíma sinn. Gjald fyrir fermingarfræðsluna 2011-2012 er líkt og undanfarin ár 9.300 kr. og verður innheimt að sumarnámskeiði loknu.

Síðari fræðslulotu þessa fermingarárgangs verður haldin í janúar 2012. Fermingarbörnum verður skipt í tvo hópa sem mæta einn laugardag og einn sunnudag í janúar hver hópur. Vetrarhópurinn, börn sem ekki gátu verið með á haustnámskeiðinu, kemur auk þess tvo föstudaga.

Mæting er alltaf í kirkjuna þar sem við vinnum í smærri hópum. Hádegisverður er á staðnum á laugardegi og hressing fyrir vetrarhóp á föstudagana. Afar mikilvægt er að koma á réttum tíma og láta fræðsluna ganga fyrir öðru þessa fáu daga.

Fermingarstarfið í hnotskurn

2011

14.-15. janúar – Fermingarnámskeið kl. 10.00 – 14.30

21. ágúst – Messa fermingarbarna og foreldra – foreldrafundur eftir messu.

27. september – Fræðslukvöld fermingarbarna og foreldra kl. 20.00 – fermingarbörn kynnast æskulýðsstarfinu og foreldrar fjalla um 10 leiðir til lífshamingju.

Október – tími óákveðinn – fermingarbörn taka þátt í haustsöfnun Hjálparstarfs kirkjunnar.

15. nóvember – Fræðslukvöld fermingarbarna kl. 20.00 – vímuvarnir og heilsa.

2012

14.-15. janúar – Fræðsluhelgi Lækjarskóla og Hvaleyrarskóla. 10.00-14.00 laugardag, messa með foreldrum sunnudag kl. 11.00. Vetrarhópur sunnudaginn 15. janúar kl. 12.30 – 14.00.

21.-22. janúar – Fræðsluhelgi Setbergsskóla og Öldutúnsskóla. 10.00-14.00 laugardag, messa með foreldrum sunnudag kl. 11.00. Vetrarhópur sunnudaginn 22. janúar kl. 12.30 – 14.00.

14. febrúar – Fræðslukvöld fermingarbarna kl. 20.00 – fyrri hluti kvikmyndarinnar Jesú – samkvæmt Jóhannesarguðspjalli.

4. mars – Æskulýðsdagur Þjóðkirkjunnar – fjölskyldumessa kl. 11.00

13. mars – Fræðslukvöld fermingarbarna kl. 20.00 – síðari hluti kvikmyndarinnar Jesú – samkvæmt Jóhannesarguðspjalli.

Fermingardagar og æfingar 2012

25. mars kl. 11.00 – æfing 21. mars kl. 16.00
25. mars kl. 13.30 – æfing 21. mars kl. 17.00

1. apríl, Pálmasunnudagur, kl. 11.00 – æfing kl. 16.00
1. apríl, Pálmasunnudagur, kl. 13.30 – æfing kl. 17.00

5. apríl, Skírdagur, kl. 11.00 – æfing 28. mars kl. 16.00
5. apríl, Skírdagur, kl. 13.30 – æfing 28. mars kl. 17.00

27. maí, Hvítasunnudagur, kl. 11.00 – æfing 23. maí kl. 16.00