Háteigskirkja

Tvær messur verða í Háteigskirkju á uppstigningardag.

Kl. 11: Prestur er sr. Tómas Sveinsson sem þjónar fyrir altari og prédikar. Kári Allansson leikur á orgel.

Kl. 20. Taizémessa - kirkjan opnar kl. 19.00. Prestur er sr. Tómas Sveinsson. Kári Allansson leikur á orgel.

Það eru allir hjartanlega velkomnir.

Í sumar verða haldin leikjanámskeið í Háteigskirkju í samstarfi við KFUM og KFUK í júní og fyrstu vikuna í júlí.

Markmið leikjanámskeiðanna er að bjóða börnum á aldrinum 6-9 ára upp á metnaðarfullt sumarstarf þar sem lögð er áhersla á aukinn þroska líkama, sálar og anda. Mikið er lagt upp úr því að mæta hverju barni á eigin forsendum og því mikil áhersla lögð á vináttu, kærleika, virðingu hvert fyrir öðru og unnið með kristið siðferði í hugsunum, orðum og gjörðum.

Á hverjum degi er boðið upp á skemmtilega og fjölbreytta dagskrá. Má þar nefna útivist, föndur, íþróttir, ferðir, leiki og fræðslu um lífið og tilveruna út frá kristilegu sjónarmiði. Lögð er áhersla á að hvert barn fái að njóta sín sem best við leiki og störf.

Hver vika á leikjanámskeiðinu kostar 8.400 kr. (1680 kr. dagurinn). Veittur er 10% systkinaafsláttur. Í námskeiðsgjaldi felst allur kostnaður við námskeiðin, m.a. ferðakostnaður og föndurefni. Börnin hafa sjálf með sér nesti.

Námskeiðin standa frá kl. 9-16 en boðið er upp á gæslu frá kl. 8-9 og 16-17 gegn 1.500 kr. gjaldi fyrir vikuna.

Nánari upplýsingar má finna hér: http://www.kfum.is/sumarstarf/leikjanamskeid/

Sunnudaginn 13. maí er messa í Háteigskirkju kl. 11. Sr. Helga Soffía Konráðsdóttir prédikar og þjónar fyrir altari en Kári Allansson leikur á orgelið. Kirkjukór Háteigskirkju leiðir almennan safnaðarsöng. Sunnudagaskólinn verður á sínum stað í umsjón þeirra Sólveigar Ástu og Hreins. Sjáumst á sunnudag! þangað til, góða helgi.

Á sunnudag er messa í Háteigskirkju kl. 11. Sr. Tómas Sveinsson þjónar fyrir altari og prédikar. Kári Allansson stígur og mundar orgelið og nýtur liðsinnis Kirkjukórs Háteigskirkju við almennan kirkjusöng. Sunnudagaskóli fyrir ungafólkið með þeim Sólveigu Ástu og Hreini. Allir hjartanlega velkomnir!

Á sunnudag verður messa í Háteigskirkju kl. 11. Prestur er sr. Tómas Sveinsson. Valskórinn syngur. Sunnudagaskóli fyrir ungu kynslóðina á meðan á messu stendur í umsjón Sólveigar Ástu og Hreins. Allir hjartanlega velkomnir.

Eftir messu verður aðalsafnaðarfundur um kl. 12 í safnaðarheimili kirkjunnar. Á dagskrá eru venjuleg aðalfundarstörf sbr. 15. gr. starfsregla um sóknarnefndir sjá hér: http://www2.kirkjan.is/node/11364. Safnaðarmeðlimir eru hvattir til að mæta.

Mánudagur

Kl. 13.00 Félagsvist eldri borgara. Kaffi og meðlæti.

Þriðjudagur

Kl.17.00-18.30 Ævintýraklúbburinn. 10-12 ára stelpur og strákar. Grillum pylsur og sykurpúða.
Kl. 20.00 Unglingaklúbburinn. Fyrir 8. bekk og eldri.

Miðvikudagur

Kl. 19.30-21.30 Andlegt ferðalag - 12 spora námskeið.

Fimmtudagur

Kl. 10.00-12.00 Foreldramorgnar.
Kl. 16.30 Fermingarbörn vorsins 2013 hittast í fyrsta sinn í kirkjunni.
Kl. 20.00 Taizémessa - kirkjan opnar kl. 19.00.

Föstudagur

Kl. 12.30-13.00 “Á ljúfum nótum” - nánari upplýsingar hér: https://www.facebook.com/events/444935872189551/
Kl. 13.00 Bridge fyrir eldri borgara. Kaffi og meðlæti.

Aðalfundur Háteigssafnaðar verður haldinn 29. apríl nk. að lokinni messu í safnaðarheimilinu kl. 12. Venjuleg aðafundarstörf. Allir velkomnir.

Á sunnudaginn kemur, 22. apríl verður fjölskylduguðsþjónusta í Háteigskirkju kl. 11. Sr. Helga Soffía leiðir stundina og organisti er Kári Allansson. Skólakór Ísaksskóla kemur í heimsókn og syngur fyrir okkur. Páll Ágúst flytur hugleiðingu. Allir hjartanlega velkomir.

Góða helgi og sjáumst á sunnudag.

Sunnudaginn 15. apríl kl. 10.30 verður fermt í messu í Háteigskirkju og hefst athöfnin kl. 10.30 eins og vant er þegar ferming fellur inn í helgihald. Prestar eru sr. Tómas Sveinsson og sr. Helga Soffía Konráðsdóttir. Organisti er Kári Allansson. Kirkjukór kirkjunnar leiðir safnaðarsöng og blásið verður í lúðra til hátíðarbrigða.

Sunnudagaskólinn hefst í safnaðarheimilinu kl. 11.00 og verður í umsjón Sólveigar Ástu og Hreins. Allir hjartanlega velkomnir.