Æskulýðssamband Þjóðkirkjunnar, í samstarfi við Háteigskirkju, býður æskulýðsleiðtogum kirkjunnar og öðrum sem starfa í tengslum við börn og unglinga upp á fræðsluerindi um rafrænt einelti.

Í erindinu verður fjallað um tegundir, boðleiðir og birtingarform rafræns eineltis.  Rafrænt einelti hefur neikvæð áhrif á líf margra og í alvarlegustu tilfellunum hefur það leitt til sjálfsvígs þolenda þess.

Fyrirlesari er Kristrún Birgisdóttir, uppeldis- og menntunarfræðingur og meistaranemi í náms- og starfsráðgjöf.

Fyrirlesturinn verður haldinn í safnaðarsal Háteigskirkju þriðjudaginn 2.mars klukkan 17:00 og er þátttakendum að kostnaðarlausu.

Boðið verður upp á kaffi og létt meðlæti.

Vinsamlegast skráið þátttöku með því að senda póst á  hateigskirkja@hateigskirkja.is  eða með því að hafa samband við Jónu Lovísu í síma 661 8485.

Björgvin Þórðarson, 26/2 2010 kl. 9.59