Háteigskirkja

 

Sunnudagur 23. apríl kl. 11: Sumarleg messa með gítarívafi

Næstkomandi sunnudag fögnum við sumri í Háteigskirkju kl. 11 með einfaldri messu og sumarlegum sálmum. Kammerkór Mosfellsbæjar syngur með okkur og fyrir okkur undir stjórn Símonar H. Ívarssonar. Þau flytja meðal annars tvo kafla úr Misa Flamenca eftir spænska gítarleikaran Paco Pena við gítarundirleik kórstjórans. Organisti er Kári Allansson og María Ágústsdóttir flytur stutta hugvekju um að segja skilið við vetrarmyrkrið og taka á móti sumarbirtu í hjarta. Börn eru sérstaklega velkomin í messuna og hafa leikhorn við Maríualtarið. Á eftir er boðið upp á léttan málsverð í Setrinu og farið í leiki. Samskot eru tekin til páskasöfnunar Hins íslenska biblíufélags: Biblíur til Kína.

María Ágústsdóttir, 19/4 2017 kl. 10.09

     

    Háteigsvegur 27-29, 105 Reykjavík. Sími 511 5400 , fax 511 5411 · Kerfi RSS