Háteigskirkja

Á sunnudaginn nk. þann 15. janúar verður messa í Háteigskirkju eins og vant er alla sunnudaga. Sr. Tómas Sveinsson mun þjóna fyrir altari og prédika. Kári Allansson mun þenja orgelið og stjórna almennum safnaðarsöng með Kirkjukór Háteigskirkju sér til halds og trausts. Sunnudagaskólinn verður á sínum stað með Hafdísi og Klemma og Rebba ref og öllum hinum vinum okkar.

Það eru allir hjartanlega velkomnir í Háteigskirkju!

Á laugardaginn 14. janúar hefst fermingarfræðslan á vormisseri með löngum laugardegi. Við ætlum að hittast öll kl. 11 í safnaðarheimilinu og eiga saman ánægjulega samveru þar sem margt spennandi og skemmtilegt mun fara fram - grín og glens í bland við alvöru. Samveran stendur yfir til kl. 17. Foreldrar eru boðnir sérstaklega velkomnir og beðnir um að mæta kl. 15 til að taka þátt í samverunni. Við hlökkum til að sjá ykkur öll!

Minnum á foreldramorgunn, fimmtudaginn 12. janúar í safnaðarheimilinu milli 10 og 12. Allir foreldrar velkomnir ásamt börnum sínum. Notaleg samvera, spall, kaffisopi og meðlæti. Umsjón með samverunni hefur sr. Helga Soffía. Það eru allir hjartanlega velkomnir.

Á miðvikudaginn nk. 11. janúar verður kynningarfundur kl. 19.30 fyrir 12 spora námskeiðið - Andlegt ferðalag með vinum í bata sem haldið verður í safnaðarheimili Háteigskirkju. Hvetjum alla áhugasama, utan sóknar sem innan, að kynna sér málið og láta þetta ekki framhjá sér fara. Það eru allir hjartanlega velkomnir!

Nánari upplýsingar hér - http://kirkjan.is/hateigskirkja/12-spora-namskeid-nytt/

Sunnudaginn 8. janúar er messa og sunnudagaskóli í Háteigskirkju kl. 11. Sr. Helga Soffía þjónar fyrir altari og prédikar. Tónlistina annast Kári Allansson, organisti kirkjunnar. Sunnudagaskólinn fer af stað á sunnudag. Þar verður líf og fjör að vanda með öllum vinum okkar, þeim Rebba ref, Gullu gæs ásamt Hafdísi og Klemma. Páll Ágúst og Hreinn annast stundina.

Það eru allir hjartanlega velkomnir, ungir og eldri. Sjáumst á sunnudaginn!

Á morgun fimmtudaginn 5. janúar er fyrsti foreldramorgunn nýs árs milli 10 og 12. Sr. Helga Soffía annast stundina í safnaðarheimili kirkjunnar og það eru allir hjartanlega velkomnir hvort sem þeir hafa komið áður eða langar til að prófa að mæta. Notaleg samvera foreldra og barna, spjall og ilmandi kaffisopi ásamt meðlæti.

Gamlársdagur 31. des. 2011
Aftansöngur kl. 18.00.
Prestur: sr. Tómas Sveinsson.
Organisti: Kári Allansson.
Kammerkór Háteigskirkju syngur.

Nýársdagur 1. jan. 2012
Hátíðarmessa kl. 14.00.
Prestur: sr. Helga Soffía Konráðsdóttir
Organisti: Kári Allansson.
Hljómkórinn syngur.
Baldvin Oddsson leikur á trompet.

Annar í jólum - 26. des.
Fjölskylduguðsþjónusta kl. 14.00.
Biskup Íslands, Herra Karl Sigurbjörnsson flutur hugvekju.
Prestur: sr. Helga Soffía Konráðsdóttir.
Organisti: Kári Allansson.
Einar Clausen syngur einsöng.

Sóknarnefnd, prestar og starfsfólk Háteigskirkju óska þér gleðilegrar jólahátíðar og farsældar á komandi ári 2012. Við erum þakklát fyrir samveru og samskipti við alla þá fjölmörgu sem hafa átt leið um kirkjuna á árinu sem er að líða. Við hlökkum til komandi árs og alls þess sem framundan er.

Minnum á dagskrá jóla og áramóta en hana má nálgast hér að ofan. Vertu alltaf velkomin/n í Háteigskirkju!

Til kirkjunnar hefur verið ráðinn Kári Allansson, organisti og kórstjóri. Kári útskrifaðist frá Listaháskóla Íslands 2010 með BA gráðu í kirkjutónlist. Síðan þá hefur hann stundað framhaldsnám í orgelleik bæði á Íslandi og Svíþjóð. Að auki hefur hann einnig stundað meistaranám í menningarstjórnun við Háskólann á Bifröst. Kári er mættur til leiks og mun annast orgelleik um jól og áramót í kirkjunni. Við hlökkum til samstarfs og samfélags við Kára og bjóðum hann hjartanlega velkominn til starfa.