Háteigskirkja

Í dag og á morgun munu Háteigskirkjutíðindi berast í pósti þeim sem tilheyra Háteigssókn. Við hvetjum þig eindregið til að kynna þér efni blaðsins vel. Þar má finna dagskrá helgihalds um jól og áramót í kirkjunni, dagskrá safnaðarstarfs eftir áramót auk jólahugleiðingar og frétta. Ef þú hefur ekki fengið eintak þá er hægt að  nálgast það í kirkjunni eða með því að smella hér → hateigskirkjutidindi_des2011

4. sunnudagur í aðventu.
Messa og sunnudagaskóli kl. 11.00.
Prestur: sr. Tómas Sveinsson.
Organisti: Kári Allansson.
Páll Ágúst og Hreinn annast sunnudagaskólann með duglegri aðstoð Rebba refs. Allir hjartanlega velkomnir!

Alla þessa viku koma góðir gestir til okkar í kirkjuna úr Háteigsskóla. Það eru nemendur í 1.-7. bekk sem að leggja leið sína út skólanum til þess að heyra söguna um fæðingu Jesú Krists og kveikja með okkur á jóladagatali kirkjunnar - aðventukransinum. Við syngjum skemmtileg jólalög og lærum hvert af öðru. Það er bæði gaman og forréttindi að fá að njóta samveru með unga fólkinu í söfnuðinum og kennurum þeirra.

Á morgun, fimmtudaginn 15. des., verður jólasamvera foreldramorgna í Háteigskirkju. Notaleg samvera milli 10 og 12 í umsjón sr. Helgu Soffíu. Allir foreldrar og börn þeirra velkomin í kirkjuna. Ilmandi kaffi og meðlæti.

Á sunnudaginn nk. 11. desember er 3. sunnudagur í aðventu. Að venju verður messa í Háteigskirkju kl. 11. Í tilefni dagsins kveikjum við að sjálfsögðu á jóladagatali kirkjunnar - aðventukransinum. Sr. Helga Soffía þjónar og prédikar. Douglas þenur orgelið og kórinn syngur. Sunnudagaskólinn verður á sínum stað með Rebba ref, Hafdísi og Klemma og það verður án vafa mikið fjör þar fyrir yngri kynslóðina. Njótið helgarinnar og verið velkomin á sunnudag - sjáumst!

Á morgun, fimmtudag, er foreldramorgunn. Við hvetjum foreldra til að koma í kirkjuna milli 10 og 12 og eiga notalega stund saman, spjalla um málefni líðandi stundar og ylja sér á ilmandi kaffi og meðlæti! Það eru allir velkomnir!

Við höfum fengið fjölmargar skemmtilegar heimsóknir nú á aðventu frá fulltrúum yngri kynslóðarinnar til að heyra um boðskap jólanna. Í morgun og sl. mánudag komu börn og kennarar þeirra frá Ísaksskóla. Áttu þau ljúfar og notalegar stundir í kirkjunni. Við hlökkum til að bjóða fleiri skóla velkomna í kirkjuna fram að jólum.

Á sunnudaginn nk. 4. desember verður messa að vanda í Háteigskirkju. Að þessu sinni mun sr. Irma Sjöfn Óskarsdóttir prédika og þjóna fyrir altari. Organistinn og kórinn sjá um að halda uppi tónlistinni og sunnudagaskólinn verður á sínum stað fyrir unga fólkið okkar. Það eru allir hjartanlega velkomnir!

Á sunnudaginn nk. er fyrsti sunnudagur í aðventu og það verður fjölskyldumessa í Háteigskirkju kl. 11.00. Hún er með öðru sniði en hefbundnar messur því þá fara börnin ekki með foreldrum sínum í sunnudagaskólann í safnaðarheimilinu heldur erum við öll saman, ungir og eldri, í kirkjunni allan tímann. Þessar messur eru 4. sunnudag í hverjum mánuði í umsjón sr. Helgu Soffíu og Páls Ágústs.

Við notumst við gítarinn og syngjum lög í léttari kantinum, heyrum sögu, kíkjum í fjársjóðskistuna auk þess sem kjánaprikið hann Rebbi refur kíkir í heimsókn til okkar. Þátttakendur á tónlistanámskeiði 3-4 ára syngja fyrir okkur og svo fáum við tónlistaratriði frá þriggja stúlkna tríói. Að sjálfsögðu kveikjum við einnig á fyrsta kerti aðventukransins - spádómakertið.

Það eru allir hjartanlega velkomnir, jafnt ungir sem eldri og allir þess á milli!

Fimmtudaginn 24. nóvember er foreldramorgunn í Háteigskirkju í umsjón sr. Helgu Soffíu. Allir foreldrar hjartanlega velkomnir í kirkjuna með krílin sín. Heitt á könnunni, meðlæti og skemmtileg samvera.