Háteigskirkja

Næstkomandi sunnudag heldur Þjóðkirkjan æskulýðsdaginn hátíðlegan.

Lesa áfram …

Í barnaguðsþjónustu í Háteigskirkju, sem hefst klukkan ellefu á morgun sunnudag, verður að þessu sinni boðið upp á fjölbreytta dagskrá. Fluttir verða leikþættirnir „Fjöðrin sem varð að fimm hænum” og „Ævintýrið um Stein Bollason” í flutningi leikkvennanna Helgu Steffensen og Helgu E. Jónsdóttur. Það verður því mikið um dýrðir á þessum konudegi í Háteigskirkju. Barnaguðsþjónustan þennan dag er undir stjórn sr. Helgu Soffíu Konráðsdóttur, Guðrúnar Helgu Harðardóttur og Douglasar A. Brotchie. Þá minnum við á að sunnudaginn 2. Mars, sem er Æskulýðsdagur Þjóðkirkjunnar eru foreldrar og börn hvött til þess að taka þátt í Pálínuboði í safnaðarheimilinu sem hefst klukkan tíu.

Í tilefni konudagsins mun Garðar Thór Cortes syngja stólvers í messu á morgun, sunnudag kl. 14.00. Garðar mun flytja 23. Davíðssálm við lag eftir Antonin Dvorák. Prestur er sr. Helga Soffía Konráðsdóttir og organisti Douglas A. Brotchie.

Ný dögun, samtök um sorg og sorgarviðbrögð standa fyrir fræðslukvöldi í safnaðarheimili Háteigskirkju næstkomandi fimmtudagskvöld, 20. febrúar kl. 20. til 22. Þar mun Rósa Kristjánsdóttir, djákni flytja erindi um systkinamissi. Allir velkomnir.

Reglubundinni fermingarkennslu á fermingarnámskeiði vetrarins er nú óðum að ljúka. Í marsmánuði tekur öll dagskrá mið af því að fermingar eru í apríl. Þannig er kyrtlamátun 4. mars og sérstakir pizzudagar á dagskránni þar sem að fermingarhóparnir hittast til þess að ræða um altarisgönguna og fleira.

Lesa áfram …

Hefur þú velt því fyrir þér hvenær fermingarkyrtlarnir komu fyrst til landsins? Hér á hateigskirkja.is er að finna lítinn fróðleiksmola um fyrstu fermingarkyrtlana á Íslandi.

Lesa áfram …

Það er ástæðulaust að láta börnin bíða lengur! Sumardagskrá Háteigskirkju „Sögur og leikir“ má nú finna hér á hateigskirkja.is. Dagskráin er sérstaklega hönnuð fyrir krakka sem vilja eiga hvíla sig á rútu- og strætóferðum.

Lesa áfram …

Klukkan er 13.25 og strætóratleikur á vegum Æskulýðssambands kirkjunnar í Reykjavíkurprófastdæmum var að hefjast. Um 100 manns streyma nú út úr safnaðarheimilinu …

Lesa áfram …

Samtök kirkna víða um heim undir forystu Alkirkjuráðsins hafa lýst yfir áhyggjum vegna yfirvofandi stríðs í Írak og hvatt stjórnvöld til að leita allra annarra ráða en hernaðaraðgerða til lausnar á þeim ágreiningi sem uppi er um gereyðingarvopn Íraka. Nánar á kirkjan.is

Við hér á hateigskirkja.is viljum eindregið mæla með hópnum „Gleym mér ei“ á vegum miðborgarstarfs KFUM og KFUK. Hópurinn hittist reglulega, yfirleitt á föstudögum og er hugsaður sem stuðningshópur fyrir unglinga sem hafa lent í einelti. Nánari upplýsingar gefur Jóna Hrönn Bolladóttir, miðborgarprestur, GSM: 822 8865.