Háteigskirkja

Æskulýðsdagur þjóðkirkjunnar er í dag. Á kirkjan.is er bæði að finna texta dagsins sem og stuttan pistil í tilefni þess að hugmyndin á bak við æskulýðsdaginn er 50 ára á þessu ári.

Á morgun mun Kristín Jónasdóttir, framkvæmdastjóri Barnaheilla fjalla um velferð og réttindi barna á foreldramorgni sem hefst í Safnaðarheimili Háteigskirkju klukkan tíu.

Við hér í Háteigskirkju höfum verið að vinna að því að setja markmið æskulýðsstarfsins niður á blað. Innlegg í þá umræðu er grein sem fræðslufulltrúi Háteigskirkju birti í nýjasta tölublaði Víðförla sem var að koma út. Greinina má líka lesa hér

Lesa áfram …

Næstkomandi sunnudag heldur Þjóðkirkjan æskulýðsdaginn hátíðlegan.

Lesa áfram …

Í barnaguðsþjónustu í Háteigskirkju, sem hefst klukkan ellefu á morgun sunnudag, verður að þessu sinni boðið upp á fjölbreytta dagskrá. Fluttir verða leikþættirnir „Fjöðrin sem varð að fimm hænum” og „Ævintýrið um Stein Bollason” í flutningi leikkvennanna Helgu Steffensen og Helgu E. Jónsdóttur. Það verður því mikið um dýrðir á þessum konudegi í Háteigskirkju. Barnaguðsþjónustan þennan dag er undir stjórn sr. Helgu Soffíu Konráðsdóttur, Guðrúnar Helgu Harðardóttur og Douglasar A. Brotchie. Þá minnum við á að sunnudaginn 2. Mars, sem er Æskulýðsdagur Þjóðkirkjunnar eru foreldrar og börn hvött til þess að taka þátt í Pálínuboði í safnaðarheimilinu sem hefst klukkan tíu.

Í tilefni konudagsins mun Garðar Thór Cortes syngja stólvers í messu á morgun, sunnudag kl. 14.00. Garðar mun flytja 23. Davíðssálm við lag eftir Antonin Dvorák. Prestur er sr. Helga Soffía Konráðsdóttir og organisti Douglas A. Brotchie.

Ný dögun, samtök um sorg og sorgarviðbrögð standa fyrir fræðslukvöldi í safnaðarheimili Háteigskirkju næstkomandi fimmtudagskvöld, 20. febrúar kl. 20. til 22. Þar mun Rósa Kristjánsdóttir, djákni flytja erindi um systkinamissi. Allir velkomnir.

Reglubundinni fermingarkennslu á fermingarnámskeiði vetrarins er nú óðum að ljúka. Í marsmánuði tekur öll dagskrá mið af því að fermingar eru í apríl. Þannig er kyrtlamátun 4. mars og sérstakir pizzudagar á dagskránni þar sem að fermingarhóparnir hittast til þess að ræða um altarisgönguna og fleira.

Lesa áfram …

Hefur þú velt því fyrir þér hvenær fermingarkyrtlarnir komu fyrst til landsins? Hér á hateigskirkja.is er að finna lítinn fróðleiksmola um fyrstu fermingarkyrtlana á Íslandi.

Lesa áfram …

Það er ástæðulaust að láta börnin bíða lengur! Sumardagskrá Háteigskirkju „Sögur og leikir“ má nú finna hér á hateigskirkja.is. Dagskráin er sérstaklega hönnuð fyrir krakka sem vilja eiga hvíla sig á rútu- og strætóferðum.

Lesa áfram …