Hofsprestakall

Hvítasunnudag, 19. maí, kl. 14:00 verður fermingarmessa í Vopnafjarðarkirkju. Fermd verða Daníel Freyr Sveinsson, Hugrún Ingólfsdóttir, Unnar Sigurður Halldórsson og Viktor Már Heiðarsson.

Verum öll hjartanlega velkomin.

Sameiginleg kirkjuhátið eldri borgara verður uppstigningadag, 9. maí, kl. 14:00 í Skeggjastaðakirkju. Hátíðin hefst með guðsþjónustu þar sem sóknarprestar Hofs- og Langanesprestakalls þjóna fyrir altari og prédikun verður umsjá eldri borgara. Söfnuðir Langanesprestakalls bjóða upp á kaffiveitingar í glersal safnaðarheimilisins á Skeggjastöðum eftir messu.

Verum öll hjartanlega velkomin.

Árleg kaffisala og æskulýðsmessa æskulýðsfélagsins Kýros, Vopnafirði, verður sunnudaginn 14. apríl, kl. 15:00 í Vopnafjarðarkirkju. Ungviðið  á staðnum heldur uppi stuðinu. Það verður svaka gaman í messunni. Barnakórinn syngur, helgileikur 10-12 ára barna, leikatriði og óvæntar uppákomur. Eftir messuna verður kaffisalan og það kostar aðeins 850.- kr. en frítt fyrir 10 ára og yngri í fylgd með fullorðnum. Allur ágóðinn af kaffisölunni rennur óskertur til að frelsa börn á Indlandi úr skuldaánauð. Lesa áfram …

Unglingarnir í æskulýðsfélaginu gerðu kynningarmyndband fyrir messuna á sunnudaginn og árlega kaffisölu félagsins.

Hvar verður þú sunnudaginn 14. apríl, kl. 15:00? Þú verður í æskulýðsmessu með okkur : )  Þar verður svaka stuð, barnakórinn syngur og óvæntar uppákomur. Eftir messuna verður æskulýðsfélagið Kýros með árlega kaffisölu til styrktar þrælabörnum á Indlandi.

Í kaffisölunni kostar aðeins 850.- kr., en frítt fyrir 10 ára og yngri í fylgd með fullorðnum. Við hvetjum flesta til að mæta og styrkja gott málefni.

ÞÚ MÁTT EKKI MISSA AF ÞESSU.

Vinakveðja Kýros – Æskulýðsfélag Hofsprestakalls Lesa áfram …

Þann 12.-13. apríl n.k. verður mót í Kirkjumiðstöðinni á Eiðum fyrir börn í 10-12 ára starfinu. Mótin hafa verið í gegnum tíðina afar vinsæl og nú koma börn frá 14 stöðum af öllu Austurlandi. Boðið verður upp á fjölbreytta dagskrá, t.d. kvöldvaka, leikir og fjör, fótboltaspilamót, lista- og föndursmiðju, hárgreiðslukeppni, ÚTTT-svar (spurningarkeppni) ofl. Lagt verður af stað frá safnaðarheimilinu á föstudaginn kl. 15:30 og nánari upplýsingar má finna í bæklingi mótsins.

Innritun er hafin í Sumarbúðir Þjíðkirkjunnar við Eiðavatn. Þar býðst skemmtileg dvöl fyrir börn og unglinga. Markmiðið með dvölinni er að styrkja sjálfsmynd barnanna og stuðla að því að hver einstaklingur fái að njóta sín undir handleiðslu góðra leiðtoga.

Lesa áfram …

Föstudagurinn langi, 29. mars

Pílagrímaganga – Lagt verður af stað frá Vopnafjarðarkirkju kl. 9:30 til Hofskirkju. Bifreið fylgir göngufólki og mögulegt að ganga styttri eða lengri spöl.

Lesið úr Passíusálmum sr. Hallgríms Péturssonar í Hofskirkju kl. 13:00-15:30. Boðið verður upp á kaffi í Staðarholti meðan lesturinn stendur yfir. Öllum velkomið að koma og hlýða á lesturinn og njóta góðgjörða. Þau sem vilja lesa Passíusálm hafi samband við sóknarprest.

Páskadagur, 31. mars

Hátíðarmessa kl. 8:30 í Vopnafjarðarkirkju. Morgunverður eftir messuna.

Hátíðarmessa kl. 14:00 í Hofskirku. Sameiginlegt kirkjukaffi í Staðarholti og við leggjum til kökur og brauð eftir aðstæðum.

Annar páskadagur, 1. apríl

Helgistund í Sundabúð kl. 14:00.

Verum öll hjartanlega velkomin.

Pálmasunnudag, 24. mars, kl. 13:00 verður fjölskyldusamvera í Vopnafjarðarkirkju kl. 13:00. Sögur, söngur, brúðuleikrit, Hafdís og Klemmi segja frá páskunum ofl. Páskaeggjaleit í kirkjunni og safnaðarheimilinu. Eftir samveruna bjóða fermingarbörn upp á skúffuköku, djús og kex í safnaðarheimilinu.

Komum og eigum saman stund með börnunum í kirkjunni. Verum öll hjartanlega velkomin.

Sunnudaginn 10. mars var guðsþjónusta í Vopnafjarðarkirkju eða svokölluð vinnustaðaguðsþjónusta. Þá var kökubasar 10-12 ára starfsins og örnámskeiðið “Að taka þátt og njóta lífsins”. Lesa áfram …