Verum öll hjartanlega velkomin.

Verum öll hjartanlega velkomin.

Við viljum gera eitthvað mikilvægt fyrir heiminn. Okkur finnst dýrmætt að halda svona söfnun því við eigum  svo margt, en þau eiginlega ekkert. Við viljum að allir geri eitthvað gott fyrir fátæka amk. einu sinni á ári. VERTU MEÐ OKKUR Í AÐ HJÁLPA ÖÐRUM.

Hvar verður þú á sunnudaginn? Auðvitað í æskulýðsmessu með okkur – þú mátt ekki missa af þessu.

Við hvetjum sem flesta til að mæta og styrkja gott málefni.

Minnum á kynningarmyndbandið okkar.

Vinakveðja og fyrir hönd æskulýðsfélagsins Kýros

Erla Salome Ólafsdóttirm (10. bekk)
Gabríela Sól Magnúsdóttir (9. bekk)
Friðbjörg María Björnsdóttir (10. bekk)
Hugrún Ingólfsdóttir (8. bekk)
Guðrún Margrét Halldórsdóttir (8. bekk)

Hvar verður þú sunnudaginn 14. apríl, kl. 15:00?

Í kaffisölunni kostar aðeins 850.- kr., en frítt fyrir 10 ára og yngri í fylgd með fullorðnum. Við hvetjum flesta til að mæta og styrkja gott málefni.

ÞÚ MÁTT EKKI MISSA AF ÞESSU.

Vinakveðja Kýros – Æskulýðsfélag Hofsprestakalls
Kynningarmyndband æskulýðsfélagsins

Flokkarnir verða sem hér segir:

• 1. ævintýraflokkur – 4.-7. júní (4 dagar) fyrir 12-14 ára (1999-2001). Verð 24.500.- kr.
• 2. flokkur – 10-14. júní (5 dagar) fyrir 8-12 ára (2001-2005). Verð 29.500.- kr.
• 3. flokkur – 18.-21. júní (4 dagar) fyrir 7-8 ára (2005-2006). Verð 24.500.- kr.
• 4. leiklistarflokkur – 23.-28. júní (6 dagar) fyrir 10-13 ára (2000-2003). Verð 34.000.- kr.
• 5. flokkur – 1.-5. júlí (5 dagar) fyrir 7-10 ára (2003-2006). Verð 29.500.- kr.

Skráning: kirkjumidstod.austurlands@kirkjan.is og frá og með 10. apríl í síma 892 3890

Við skráningu þarf að koma fram: nafn, heimilisifang og kennitala barns – nafn, sími og netfang forráðamanns.

Nánari upplýsingar á www.kirkjan.is/austurland

Pílagrímaganga – Lagt verður af stað frá Vopnafjarðarkirkju kl. 9:30 til Hofskirkju. Bifreið fylgir göngufólki og mögulegt að ganga styttri eða lengri spöl.

Lesið úr Passíusálmum sr. Hallgríms Péturssonar í Hofskirkju kl. 13:00-15:30. Boðið verður upp á kaffi í Staðarholti meðan lesturinn stendur yfir. Öllum velkomið að koma og hlýða á lesturinn og njóta góðgjörða. Þau sem vilja lesa Passíusálm hafi samband við sóknarprest.

Páskadagur, 31. mars

Hátíðarmessa kl. 8:30 í Vopnafjarðarkirkju. Morgunverður eftir messuna.

Hátíðarmessa kl. 14:00 í Hofskirku. Sameiginlegt kirkjukaffi í Staðarholti og við leggjum til kökur og brauð eftir aðstæðum.

Annar páskadagur, 1. apríl

Helgistund í Sundabúð kl. 14:00.

Verum öll hjartanlega velkomin.

Komum og eigum saman stund með börnunum í kirkjunni. Verum öll hjartanlega velkomin.

Á síðasta ári var byrjað með svokallaðar vinnustaðamessur, en þá tekur starfsfólk ákveðinna vinnustaða virkan þátt í guðsþjónustunni með flutningi á ritningarlestrum og bænum. Einng hefur starfsfólk prédikað eða flutt hugleiðingu – þátttakan er á forsendum starfsfólksins og hvað hver og einn vill leggja til. Eftir messuna býður vinnustaðurinn öllum upp á súpu og brauð í safnaðarheimilinu. Markmiðið er að hvetja til virkrar þátttöku í guðsþjónustu safnaðarins og styrkja tengsl kirkju og samfélags.

Mynd: Magnús Már Þorvaldsson

Að þessu sinni var starfsfólk Sundabúðar sem tók þátt og auk þess að lesa ritningarlestra og bænir, þá flutti Anna J. Kjartansdóttir, sjúkrliði, hugleiðingu. Falleg og góð stund, þar sem margir lögðu mikið af mörkum með vandvirkni og alúð. Eftir messuna var boðið upp á kraftmikla og bragðgóða kjúklingasúpu með heimabökuðu brauði.

Mynd: Magnús Már Þorvaldsson

Það var líf og fjör í kirkjunni um morguninn þegar starfsfólk Sundabúðar undirbjó hádegisverðin, söngfólkið var að æfi sig í kirkjunni undir stjórn organistans og 10-12 ára börnin að skipulagði kökubasarinn. Hér rættist það sannarlega að kirkjan er lifandi samfélag eins og Páll postuli segir: “Þið eruð líkami Krists og limir hans hvert um sig. Guð hefur gefið öllum sitt hlutverk í kirkjunni.” (1 K 12.27-28)

Mynd: Magnús Már Þorvaldsson

Í kökubasar 10-12 ára barna safnaðist 21.350.- kr. sem varið verður til verkefna Hjálparstarfs kirkjunnar meðal þrælabarna á Indlandi. 10-12 ára börnin í kirkjustarfinu eru með  kökubasar bæði haust og vor, þar sem þau velja sjálf það verkefni sem þau vilja styrkja. Þau eru mjög áhugasöm um kökubasarinn og finnst það dýrmæt tækifæri að geta hjálpað þeim minna mega sín.

Eftir kjötsúpuna var sóknarprestur með örnámskeiðið: “Að taka þátt og njóta lífins”, þar sem fjallað var um hvernig við getum tekist á við lífið þrátt fyrir veikindi og verki.

Mynd: Magnús Már Þorvaldsson