Hóladómkirkja

Formaðurinn Örn Magnússon og Svanhildur Óskarsdóttir á aðalfundinum í Auðunarstofu á sunnudagsmorgun.

Vönduð dagskrá og fræðandi var á þinginu.

Lesa áfram …

Voces Thules komu fram á þinginu í fyrra.  Þeir munu aftur eiga stóran þátt á þessu ári.  Öllum er heimil þátttaka í þinginu. Lesa áfram …

Sunnudagurinn 22. ágúst var síðasti venjulegi messudagurinn á sumrinu.  Gestir úr Þingeyjarprófastsdæmi þjónuðu í messunni kl. 11.  Það var prófasturinn sr. Jón Ármann Gíslason sem messaði og kona hans sr. Hildur Sigurðardóttir hljóp í skarðið fyrir heilan kirkjukór.  Kirkjukór og organisti frá Raufarhöfn sem ætluðu að fylgja prófasti sínum til Hóla forfallaðist á síðustu stundu.  Organistinn okkar, Jóhann Bjarnason, lék á orgelið og Hildur var forsöngvari, en hún leggur stund á söngnám í Reykjavík.

Íslenski saxófónkvartettinn var með glæsilega tónleika kl. 14:00  þar sem m.a. var frumflutt nýtt íslenskt verk.  Lesa áfram …

Það telst fréttnæmt að sólin skíni ekki glatt á Hólahátíð.  Hún sýndi sig ekki fyrr en á sunnudagskvöld þegar flestir gestir voru að tygja sig til heimferðar. Veður var milt en rigning gerði pílagrímum sem fóru í Gvendarskál erfiðara fyrir en ella.

Hluti hópsins fyrir brottför.  Allir sem luku göngunni fengu viðurkenningarskjal í kvöldbænunum.

Prestar ganga úr kirkju eftir hátíðarmessuna með vígslubiskup í broddi fylkingar.

Mörg atriði önnur voru á dagskrá Hólahátíðar í ár.

Lesa áfram …

Hólahátíð í ár er helguð unga fólkinu og mun margt ungt fólk sem starfar innan og utan kirkjunnar koma að hátíðinni með einhverjum hætti.  Katrín Jakobsdóttir mennta- og menningarmálaráðherra flytur Hólaræðuna í ár síðdegis á sunnudag.  Einnig mun hún vera við opnun Söguseturs íslenska hestsins á laugardaginn.  Að vanda verður margt uppbyggjandi fyrir líkama og sál: messur og menningarsamkomur, pílagrímagöngur og hlaup, varðeldur og veisluföng, svo eitthvað sé nefnt! 

Lesa áfram …

Séra Ólafur Þ. Hallgrímsson frá Mælifelli heldur tryggð við Hólastað þótt hann hafi látið af embætti sóknarprests og messaði hér s.l. sunnudag.  Og á sunnudaginn kemur er það sóknarpresturinn á Skagaströnd, séra Ursúla Árnadóttir sem messar.  Við orgelið verður Jón Bjarnason.

Sunnudaginn 25. júlí voru það Skagfirðingar sem skemmtu áheyrendum í Hóladómkirkju.  Hinn sívinsæli Geirmundur Valtýsson gladdi heimamenn og gesti með lögum sínum, með aðstoð hinnar ungu og glæsilegu söngkonu Ingunnar Kristjánsdóttur.

Næsta sunnudag, 1. ágúst, fáum við að heyra aðra söngkonu, Ingibjörgu Guðjónsdóttur, sem flytur fjölbreytta tónlist ásamt gítarleikaranum Hannesi Guðrúnarsyni.  Þetta er í fyrsta sinn sem Ingibjörg syngur hér hjá okkur, en bræður hennar tveir, þeir Ómar og Óskar eru okkur að góðu kunnir frá því að þeir komu fram á Hólum ásamt fríðu föruneyti djassista fyrir nokkrum árum.

Komið er að hinni árlegu heimsókn þeirra Laufeyjar Sigurðardóttur fiðluleikara og Páls Eyjólfssonar gítarleikara,en þau munu koma fram á tónleikunum kl. 14 á sunnudaginn.  Þau leika verk eftir Bach, Händel, Paganini, Tárrega, Piazzolla o.fl.  Að vanda er aðgangur ókeypis.

Messuna kl. 11 annast sr. Hjörtur Pálsson.

Sr. Sveinbjörn Einarsson sóknarprestur á Blönuósi kom með fríðu föruneyti til Hóla s.l. sunnudag, 11. júlí.    Með honum var Sólveig Einarsdóttir organisti og söngstjóri, og hópur söngfólks úr prestakallinu. Hallfríður Ólafsdóttir sem er leiðandi flautuleikari Sinfóníuhljómsveitar Íslands lék með Sólveigu for- og eftirspil, ásamt sálmunum. (Myndirnar eru úr Fréttablaðinu Húna frá vígslu nýja orgelsins í Blönduósskirkju í nóvember 2009. )

Kvenþjóðin hefur verið dugleg undanfarið að flytja Skagfirðingum og ferðafólki sem kemur heim að Hólum góða og fallega tónlist.  Fyrst skal talin Alexandra Chernyshova sem söng í kirkjunni 20. júní.    Sunnudaginn 4. júlí komu til okkar þær Björg Þórhallsdóttir sópransöngkona og Elísabet Waage hörpuleikari.  Á morgun, sunnudaginn 11. júlí fáum við að hlýða á flaututríó, Berglindi Stefánsdóttur, Hallfríði Ólafsdóttur og Magneu Árnadóttur.  Þar kemur einnig við sögu Sigurgeir Agnarsson sellóleikari.  Tónleikarnir hefjast að vanda kl. 14 og eru ókeypis.