Það telst fréttnæmt að sólin skíni ekki glatt á Hólahátíð.  Hún sýndi sig ekki fyrr en á sunnudagskvöld þegar flestir gestir voru að tygja sig til heimferðar. Veður var milt en rigning gerði pílagrímum sem fóru í Gvendarskál erfiðara fyrir en ella.

Hluti hópsins fyrir brottför.  Allir sem luku göngunni fengu viðurkenningarskjal í kvöldbænunum.

Prestar ganga úr kirkju eftir hátíðarmessuna með vígslubiskup í broddi fylkingar.

Mörg atriði önnur voru á dagskrá Hólahátíðar í ár.

Brosmildir þátttakendur eftir kirkjukaffið Undir Byrðunni.  Aðalsteinn Ásberg Sigurðsson, skáld Hólahátíðar 2010, sem flutti nokkur ljóða sinna, hrífandi og skemmtileg.  Prestshjónin á Möðruvöllum, sr. Solveig Lára Guðmundsdóttir og sr. Gylfi Jónsson, ásamt vígslubiskupi og Sólrúnu Harðardóttur.

Við sama tækifæri náðust á mynd Katrín Jakobsdóttir mennta- og menningarmálaráðherra, sem flutti Hólaræðuna 2010, og Benedikt Gunnarsson listmálari.  Hann flutti stutt erindi á samkomunni í Auðunarstofu á sunnudagsmorguninn um Hallgrím Pétursson og áhrif hans á líf sitt og starf, og afhenti Hóladómkirkju að gjöf málverk af skáldinu. Menntamálaráðherra flutti einnig þennan morgun ávarp þar sem hún ræddi upphaf prentlistar á Íslandi, hversu mikil áhrif hún hafði á menningu og tungu Íslendinga og nauðsyn þess að varðveita prentminjarnar og prentarfinn. Lýsti hún stuðningi sínum yfir því að prentminjasafni yrði komið fyrir á Hólum, vöggu prentlistarinnar hér á landi.

Frá kvöldvökunni á laugardagskvöldið sem haldin var við Grunnskólann.  Hólastaður í baksýn hjúpaður ágúströkkrinu.

Sögusetur íslenska hestsins var opnað með pompi og prakt.  Arna Björg Bjarnadóttir tekur hér á móti landpóstinum á glæsilegri opnunarhátíð þar sem tekið var á móti gestum utandyra með tónlist og góðum veitingum.  Ávörp velunnara setursins og opnunarræða menntamálaráðherra ásamt skemmtilegu ívafi við gamlar hefir jók á hátíðleikann.  Vígslubiskup blessaði húsið áður en gengið var inn og sýningar skoðaðar.

Margrét Sigtryggsdóttir, 16/8 2010 kl. 19.58